【HKDSE】♚史科人必入♚世界歷史History 討論

好掛住以前操essay同dbq嘅日子

對大學d courses提不起勁？
我係。。。

咩科

你中學讀BAFS 或者Econ 架？

咁睇多啲書啦
入到大學唔好限死自己讀果科
剩係吸收果類知識

搵食行遠啲

論述題參考（2013DSEQ5）︰「冷戰為歐洲所帶來的好處比禍害多。」試參考1946-1991年間歐洲發展的史實，評論此說能否成立。
．
早前有同學仔問可唔可以做啲Pastpaper 參考，機會嚟啦，咪走寶呀～
．
基於太長顯示唔到，以下段落為節錄，完整答案要上Blog 到睇。
．
//第二次世界大戰後，以美國為首的資本主義陣營與蘇聯為首的共產主義陣營展開長達近半個世紀的鬥爭。衝突此起彼落，對政治、經濟、社會和軍事領域帶來深遠的影響。衡量利弊後，冷戰實對歐洲發展帶來禍害比好處多，故題目所言小程度上成立，現將析述如下。
．
政治方面，冷戰加強陣營內部凝聚力，是為好處。冷戰期間，歐洲國家為防範共產主義威脅紛紛組織聯盟合作，如英、法、比、荷、盧五國簽訂《布魯塞爾條約》（1948），以軍事交流和科技研發等方式壯大抵抗力量。此舉不但奏效，更促進歐洲國家之關係，加強陣營向心力和埋下日後合作的契機。可見，政治方面，冷戰讓陣營內國家關係變得緊密，是為好處。
．
然而，冷戰觸發多場歐洲政治危機，實為壞處。兩大陣營於冷戰期間互相猜忌，如當英、美、法三國將德國佔領區合併進行政治和經濟改革時，蘇聯旋即抗議並封鎖柏林，導致柏林危機出現（1948-1949）。隨著猜忌日深、矛盾加劇，美蘇兩國分別成立中央情報局（1947）和國家安全委員會（1954），派出間諜和偵察機秘密查探對方情報。至1960年，蘇聯擊墜一架「美國U-2型偵察機」，不但讓美蘇關係跌至新低，更迫使原定召開的巴黎會議（1960）宣告流產。可見，比較之下，雖然冷戰微觀而言促進陣營內部之凝聚力，但宏觀而言讓歐洲分裂成兩大陣營，處於長期對峙狀態，面臨大戰一觸即發的危機，實為壞處多過好處。//
．
全文閱讀︰http://chesterhistory.blogspot.hk/2017/11/1946-19912013dseq5.html
．
P.S. 其實DBQ 嘅答案早就做好，詳情可以入Blog -> 歷屆試題就搵到。過兩日得閒整個出個整合方便大家睇，一於咁話。
．
#Chehistory

2015 年5* lm
呢科最重要係essay
識分唔同題型同格式已經搞掂
當年睇kwho d notes+上網睇佢d post已輕鬆5*

2015 年5* lm
呢科最重要係essay
識分唔同題型同格式已經搞掂
當年睇kwho d notes+上網睇佢d post已輕鬆5*

True

Q: 請問政治和行政的分別是甚麼
．
A: 話說喺百幾年前孫中山講過：「政即眾人之事，治則管理，處理大眾事務的就是政治。」大哥，咁乜嘢係政治？行政又係咩？兩者之間又有咩分別呀？
．
嗱，政治就係一個國家嘅主張，或者你可以話係意識形態；行政呢，就係執行依啲主張嘅手段。仲係搞唔掂？咁你就要聽吓故仔啦。
．
話說細個果陣好苦，屋企家教好嚴，呀媽認為書都未讀好學咩人拍拖。亦因為咁，一段戀情就無疾而終啦。
．
喺依個故事入邊，呀媽嘅意識形態無疑係專制（政治）。為實現佢嘅主張不惜棒打鴛鴦（行政），拆散一對金童玉女。諗返起都心酸。
．
喺香港讀政治唔係中大就港大，就我所知HKU PPA 仲分咗四大分支：
．
1. Comparative politics
2. International politics
3. Political theory
4. Public administration
．
有興趣嘅同學仔可以留意吓～
．
關於History 嘅問題歡迎喺 sayat.me/chehistory 問，識答一定答～

08112017．Cold War(4)
．
登登登登登，又到每個星期一份嘅免費練習啦。搭車果陣諗諗吓，剩係整練習出嚟比大家做好似無咩意思，不如拍吓片講解吓啲題目點做，普遍同學仔會錯啲咩好唔好？不過，前題係要你有做完比我改先得喎，勾唔勾手指尾呀 B-)
．
中文版︰http://chesterhistory.blogspot.hk/2017/11/c201710.html
英文版︰http://chesterhistory.blogspot.hk/2017/11/e201710.html
．
#Chehistory
．

《你問我答》
Q: 想問下你考dse個陣，做左幾多題DBQ 同essay呀？😂同埋當你想做額外既練習你會係邊到搵？當初點解會有念頭想搞free exercise既Wts group 同免費批改？
．
A: 前幾個問題向同學仔介紹過以操練作為溫習方法，嘻嘻，因為我就係咁樣走過嚟。換言之，當時做嘅練習數量都幾多。
．
DBQ嚟講，中五暑假叫輕易咁做過一次CE同DSE嘅題目。所謂輕易咁做，即係睇線索睇題目再寫返個論點出嚟就算，無完整作答。去到中六就逐個課題咁做，每題做過至少一次。然後？就沒有然後。所以望返份卷發現DBQ個分唔理想都唔係無原因，頂。
．
Essay就瘋狂啲，因為做Essay真係會做上癮。嘿嘿，一方面做兩條就粒半鐘，覺得自己溫咗好耐書（就係咁膚淺，吹咩）；另一方面久而久之就有疊戰利品（紙）拎喺手，人哋問你去圖書館做咗啲咩，拎幾題Essay出嚟哂冷咪話唔威（係好白痴，但真係好爽）。所以，當時平均每個課題做10條，加埋測驗考試Mock有啲題目重做再做 — 當然要重做！做得唔好難免灰心。但灰心完唔好擺埋一邊，當佢係仇人咁啤住個分，甚至重做做到好為止。以不完美追求完美嘅執著對拎5**嘅人嚟講係非常重要！
．
所以，粗略估計考試前做咗70-90條論述題啦。
．
至於題目邊到嚟？基於當時有補習，自然就喺補習呀蛇果到嚟。題外話，同大家分享吓補習嘅價值，唔知大家對歷史補習有啲咩期望。喺到唔詳講，剩係講一點。一科學費閒閒地都500-600蚊個月，因為歷史係私補所以貴啲，900蚊個月。對個零收入嘅中學生嚟講係難負擔架，不過值得。點樣說服自己值得？就係不斷地做練習。你每個月準時上堂要比900蚊學費，但你上堂之外交多幾份練習又係900蚊學費。之但係，對個補習呀蛇嚟講就另一回事，佢除咗要花時間喺堂課外，仲要抽其他時間批改，有時唔識要問解唔明仲要額外補課，咁仲值唔值？
．
所以當時補習呀蛇真係好好好好好好好好好好好好好好好好好好好好好好好好好好好好好好好好好好好好好好好好，正確嚟講，係世界級嘅好。
．
喺今日講補習就好似問你放晏食咩一樣咁閒。但好奇怪，對於食咩、喺到邊到食、好唔好味等問題甚少人理會，或者交比Openrice、Foodie就算。點先係個精明而又負責任嘅食家，依個問題值得諗吓。
．
答到依到，睇嚟你都明點解會整免費練習、討論小組同免費批改啦。有人話宣傳補習、有人話搏關注、仲有千百萬種講法…嗯。兩方面啦，一方面補習呀蛇咁好，無理由自己爽完就算架嘛，啱唔啱聽先？咪仿傚佢做啲傻事囉；另一方面，雖然唔想做日校老師，但確實想行教育依條路。
．
老土咁學半澤直樹講句︰「要珍惜人與人之間嘅關係，唔要活到成個機械人咁。」
．
P.S. 曾經有同學仔問使唔使做埋AL嘅題目，有時間實好架，反正知識多咗唔會係件壞事。但時間不足要兼顧其他科的話，剩係做CE同DSE嘅題目都好足夠。哎，當然仲可以做埋每星期出嘅Free exercise啦，嘿嘿嘿，自問高質架。
．
關於History有任何嘢想做歡迎喺 Sayat.me/chehistory 提出，識答一定答。

《你問我答》
Q: 可唔可以講下European integration個part點讀好難觸摸吖唔該你😭😭😭
．
A: 當然可以啦。
．
操緊Pastpaper嘅同學仔都知道今年出咗經濟統合，原則上翻炒嘅機會唔大，至於中四五呢？嘿嘿嘿嘿嘿，應該11月尾教到國際協作，學校考試測驗就走唔甩啦，嘻嘻。無論係2018DSE、2019DSE定2020DSE都好，經濟協作（或者話成個國際協作）建議剩係溫資料題就算，一方面係依個課題似學緊通識，你可以話一舉兩得何樂而不為？但就單獨歷史一科而言，國際協作（尤其係社會、文化合作）同本身學緊嘅課題關聯性唔大，直覺似學緊第二舊嘢，咁就難溫熟麻煩啦；另一方面，依個課題有唔少數據同組織名要記，除非你本身係個數據控，天生對數字好敏感。不然，明過放過佢是放過自己這個道理啦，好嗎？
．
講返重點，經濟協作主要分咗四個部分︰
1. 統合原因
2. 美、蘇扮演角色及背後考慮
3. 統合發展
4. 成就同局限
．
以資料題而言，【成就同局限】要花多啲心機去留意，特別係局限依部分比成就更為重要。依部分論點數目唔多，不過資料題唔一定要用論點入題，你用例子入題（舉例《申根公約》、歐羅、歐洲中央銀行、歐洲議會等）就可以寫多幾個論點，掂！
．
【美、蘇扮演角色】依部分多數人都知馬歇爾計劃（1948）、經濟歐洲合作組織（1948）、莫洛托夫計劃（1947）同經濟互助委員會（1949）。既然依啲係人所共知，要突圍而出就要諗吓計仔啦。
．
其實比較少人留意【統合發展】依點，因為早前考試已經出過追溯並解釋（嚴格上係出咗兩次，分別2012DSEQ5同2014DSEQ7），但唔理佢你就唔知歐洲經濟統合做緊咩，所以咪旨意棄咗佢。
．
雖然一開波講咗國際協作唔多討人喜愛。不過，踏入廿一世紀一超多強全球政治角力嘅局面，要知道過去點樣塑造今日嘅境況，國際協作課題提供咗唔少線索。另，都知Pastpapaer唔多相關練習，想操多啲，就要留意嚟緊嘅國際協作免費練習啦，呵呵～
．
關於History有任何嘢想做歡迎喺 Sayat.me/chehistory 提出，識答一定答。

《你問我答》
Q: 可唔可以講下European integration個part點讀好難觸摸吖唔該你😭😭😭
．
A: 當然可以啦。
．
操緊Pastpaper嘅同學仔都知道今年出咗經濟統合，原則上翻炒嘅機會唔大，至於中四五呢？嘿嘿嘿嘿嘿，應該11月尾教到國際協作，學校考試測驗就走唔甩啦，嘻嘻。無論係2018DSE、2019DSE定2020DSE都好，經濟協作（或者話成個國際協作）建議剩係溫資料題就算，一方面係依個課題似學緊通識，你可以話一舉兩得何樂而不為？但就單獨歷史一科而言，國際協作（尤其係社會、文化合作）同本身學緊嘅課題關聯性唔大，直覺似學緊第二舊嘢，咁就難溫熟麻煩啦；另一方面，依個課題有唔少數據同組織名要記，除非你本身係個數據控，天生對數字好敏感。不然，明過放過佢是放過自己這個道理啦，好嗎？
．
講返重點，經濟協作主要分咗四個部分︰
1. 統合原因
2. 美、蘇扮演角色及背後考慮
3. 統合發展
4. 成就同局限
．
以資料題而言，【成就同局限】要花多啲心機去留意，特別係局限依部分比成就更為重要。依部分論點數目唔多，不過資料題唔一定要用論點入題，你用例子入題（舉例《申根公約》、歐羅、歐洲中央銀行、歐洲議會等）就可以寫多幾個論點，掂！
．
【美、蘇扮演角色】依部分多數人都知馬歇爾計劃（1948）、經濟歐洲合作組織（1948）、莫洛托夫計劃（1947）同經濟互助委員會（1949）。既然依啲係人所共知，要突圍而出就要諗吓計仔啦。
．
其實比較少人留意【統合發展】依點，因為早前考試已經出過追溯並解釋（嚴格上係出咗兩次，分別2012DSEQ5同2014DSEQ7），但唔理佢你就唔知歐洲經濟統合做緊咩，所以咪旨意棄咗佢。
．
雖然一開波講咗國際協作唔多討人喜愛。不過，踏入廿一世紀一超多強全球政治角力嘅局面，要知道過去點樣塑造今日嘅境況，國際協作課題提供咗唔少線索。另，都知Pastpapaer唔多相關練習，想操多啲，就要留意嚟緊嘅國際協作免費練習啦，呵呵～
．
關於History有任何嘢想做歡迎喺 Sayat.me/chehistory 提出，識答一定答。

《你問我答》
Q: 香港到底要點温？
Q: 唔該我想問下呢寫essay有咩技巧，我用英文讀，寫左好多史實，分左aspects寫，篇幅都唔算短，但係成日都係及格多少少。求指教點樣寫得好啲同高分啲。
．
A: 【香港問題】之前好概略咁講過香港史可以點讀，詳情可以睇返之前嘅帖（http://chesterhistory.blogspot.hk/2017/11/blog-post_1.html）。發現自己睇完都唔係好明嘅話，就諗清楚自己邊個位唔掂，然後再問（記住具體啲）。始終，單一句「香港到底要點溫」空泛到上至天文下至地理都關事，唔知你想要咩答案。
．
【Essay技巧】早前講過吓「拆字」，喺到嘗試講得詳盡啲。唔使諗到咁複雜，Essay技巧其實得三種，分別係評論、駁論同比較。一寫Essay本身就屬於觀點評論，所以無咩好講。駁論呢，之前講過，詳情可以睇返之前嘅帖（http://chesterhistory.blogspot.hk/2017/10/blog-post_20.html）。
．
比較反而未講過。原則上，需要比較嘅題目係「ABC」嚟。乜嘢係「ABC」？所謂「A」，即係比較對象A；「B」則比較對象B；而「C」就係比較項目。
．
講得比較一定係兩舊嘢做比較，情況就好似iPhone定Note7好用啲，你係就「iPhone」同「Note7」去比較，一係「iPhone」；二係「Note7」，一加一等於二，係兩舊嘢嚟。過去有啲同學鍾意鑽牛角尖，話同自己比較，自己得一個咪一舊嘢囉。係，但係你點樣同自己比較？你會拎「依家嘅自己」同「過去嘅自己」做比較，咁依家嘅自己（一）同「過去嘅自己」（二），一加一等於二。不要再說了。
．
至於「C」好快就講完，做比較你都要搵樣嘢比較，比較「iPhone」同「Note7」可以有千百萬樣嘢比 — 價格、市場佔有率、款色、功能、重量等。依家到底係比較緊咩先？換言之，一條比較題得「A」同「B」係未成立，要有埋「C」先算係一家人。
．
示範題目（2017DSEQ2）︰試以課程內一個改革和一個革命為例，比較改革與革命作為推動20世紀中國蛻變的方法。
．
A: 改革
B: 革命
C: 推動20世紀中國蛻變
．
一般嚟講，大部分比較題都會搵到「ABC」，小部分題目無咁明顯要轉個彎先諗到。同學仔咁好彩遇到依類題目嘅話，比四個字你 — 見招拆招。人是生題目是死的，腦筋急轉彎，相信你無問題的 😀
．
睇到依到好遺憾咁講句，同學仔你應該唔係答題技巧上嘅問題。相反，你係唔知條題目問緊咩。舉個例，今日個晏你食咗啲咩？
．
五
．
四
．
三
．
二
．
一
．
好啦，因為依排窮所以去CC Can食頹飯（四餸有汁12蚊真係好抵）。無論你係食學校小食部、大快樂、呀媽煮、餅乾、合味道都好，你嘅答案都係圍繞住「食物」。你唔會答「今朝返學搭MTR」架嘛，家陣寫潮文「我話唔要嘢飲，佢話我係咪睇電視」，玩嘢咩。
．
換言之，當條題目問「試解釋歐洲列強於二十世紀初爆發衝突的原因」嘅時候，你係答緊「原因」，而唔係衝突嘅經過、衝突嘅影響等等。依點好重要，但往往好多人忽視。依家唔係初中歷史（雖然無讀過），唔係背書遊戲，史實嘅意義係支持你嘅論點，證明你唔係吹水得個講字。所以史實足夠就可以，多唔代表你威，相反，你用咗好多史實但都解釋唔到論點，咁就得不償失啦。
．
好多同學仔好怕寫Essay，但其實寫Essay唔單止練到你個腦嘅思維能力，仲磨緊你支筆。點樣一針見血？點樣到Point？點樣扣題？點樣表達？點樣解釋？唔寫，又點樣同你講喎。嗱，Touch-wood咁講句，假設仲係無進步嘅。唔緊要，寫條Essay嚟望吓啦。寫Essay啫，無話解決唔到嘅，大家一齊拆掂佢，好無？
．
關於History有任何嘢想做歡迎喺 Sayat.me/chehistory 提出，識答一定答。

免費練習【國際協作．壹】
國際協作嘅練習唔多，同學仔想喺依個課題操多啲就唔好錯過啦。
．
中文版︰http://chesterhistory.blogspot.hk/2017/11/c201711.html
英文版︰http://chesterhistory.blogspot.hk/2017/11/e201711.html
．
#Chehistory
#免費練習

《你問我答》
Q: 想問下特徵比較題點做先好？．
A: 惜逢2017年歷史科考評報告出咗版，同學可以從中得到參照。
．
特徵比較題，顧名思義，即係就住兩個唔同事物嘅特徵做比較。換言之，記得上次講過吓比較題係啲乜嚟嘅，咁依家A同B分別係「A嘅特徵」同「B嘅特徵」。之但係，乜嘢係特徵呢？記性再好啲嘅你，仲記得好耐好耐之前講過吓資料題提問語嘅話。特徵，即係特別之處。舉個例子，家燕媽媽有啲咩特徵？額頭有粒墨。梁振英有啲咩特徵？把聲好磁性（哎…都係聽返嚟，話說佢以前有個朵叫「大氣電波小王子」，信不信由你，反正我信了）。
．
若果將條題目設計成「比較家燕媽媽同梁振英嘅特徵」，好自然你會搵到A係家燕媽媽，B係梁振英，C呢？C會係啲咩？應該話C可以係啲咩？特徵。好，咁，即係特徵點樣比較？
．
講比較好多時關於衡量重要性。咩意思？即係比較iPhone X同iPhone SE邊部勁啲，五秒都可以慳返，當然係iPhone X啦！無錯，但點解？大部啲、威啲、核心多啲、快啲、影相好睇啲…諸如此類。iPhone X同iPhone SE嘅比較你係搵到結論，咁特徵呢？有冇方法證明到梁振英嘅特徵（把聲磁性）比家燕媽媽嘅特徵（額頭粒墨）更加正、更加勁、更加強、更加爽？
．
無。
．
咁特徵點樣比較，玩嘢咩？即係咁，特徵比較唔係衡量緊重要性，但可以係其他。其他？舉例特徵係比較緊差異。咩意思？即係梁振英把聲磁性，但家燕媽媽把聲點？家燕媽媽把聲夠厚（事實上家燕媽媽唱歌都唔差呀，起碼「唏呀唏呀唏」夠哂入屋）。咁可唔可以就住一個把聲夠磁性，另一個把聲夠厚嘅差異做比較？或者，家燕媽媽額頭有墨，不過梁振英望多兩眼真係好似隻狼咁奸。咁又可唔可以就住一個額頭有墨，另一個似狼嘅差異嚟做比較？
．
故事去返特徵比較題。舉返歷史題目「比較清末新政同南京政府改革嘅特徵」，咁大家識得做啦喎？唔係比較緊邊個威啲、勁啲、叻啲、現代化啲。相反，係比較緊兩者有啲咩差異。有冇例子？政治方面，晚清改革明顯以維持愛新覺羅皇朝為前題，南京政府則以共和體制為考慮。咁，就住兩者特徵上嘅差異，又可以做比較啦。
．
比較題喺中國課題會常見啲，有心喺公開試揀中國題目嘅同學要留意返啦。但切記「人比人，比死人」，你就係你本身嘅傳奇。做得比較題多果排好易將啲嘢不斷地比較，嘿嘿嘿嘿嘿嘿。
．
關於History有任何嘢想做歡迎喺 Sayat.me/chehistory 提出，識答一定答。
．
#Chehistory
#你問我答
#有問必答

車士打會唔會講中史
我以前識你 你比過啲學校mock我
但我上年搞唔掂

車士打會唔會講中史
我以前識你 你比過啲學校mock我
但我上年搞唔掂

搞咩嚟

車士打會唔會講中史
我以前識你 你比過啲學校mock我
但我上年搞唔掂

搞咩嚟

中史
炒左

車士打會唔會講中史
我以前識你 你比過啲學校mock我
但我上年搞唔掂

搞咩嚟

中史
炒左

完全無概念點讀 反而讀econ就讀得熟好多
今年retake全科。。。

AL 拎A路過

車士打會唔會講中史
我以前識你 你比過啲學校mock我
但我上年搞唔掂

搞咩嚟

中史
炒左

完全無概念點讀 反而讀econ就讀得熟好多
今年retake全科。。。

中史真係無咩心得

車士打會唔會講中史
我以前識你 你比過啲學校mock我
但我上年搞唔掂

搞咩嚟

中史
炒左

完全無概念點讀 反而讀econ就讀得熟好多
今年retake全科。。。

中史真係無咩心得

中史好大鑊呀我 搞唔掂