【HKDSE】♚史科人必入♚世界歷史History 討論

樓主想搵你傾野
https://t.me/AndreSilvaa

【常犯錯誤】未卜先知
「情景題」是資料題常見的題目，出過的歷屆試題（Pastpaper）如下︰
．
🤦🏻‍♂️2017DSEQ3b︰假設你是一名活於1945 年的中國知識分子，你會否支持中共？試參考資料D，解釋你的答案（4分）；
🤦🏻‍♂️2012DSEQ2c︰假如你是當時納粹德國的一名發言人，你會如何分別回應資料C 及D 有關納粹侵略的指控？試參考資料C 及D，並就你所知，解釋你的答案（7分）；
🤦🏻‍♂️2012SPQ3c︰若你是1938 年的一個英國人，你會支持張伯倫與邱吉爾哪一位的看法？試參考資料E 及F，並就你所知，解釋你的答案（7分）。
．
作答時緊記題目給予的時限，以防犯下「未卜先知」的錯誤，以2012SPQ3 為例︰
．

．
題目要求同學以1938 年英國人的角度作答，貴為1938 年的英國人，同學就不可能知道納粹德國於1939 年3 月入侵捷克，甚至1939 年9 月1 突襲波蘭。上述都是1938 年英國人不可能知道的事，極其盡因1938 年希特拉與張伯倫簽訂《慕尼黑協定》獲得捷克蘇台德區，所以推斷希特拉於不久將來侵略捷克全境而已。
．
「未卜先知」之錯誤常出現於用功溫習的學生身上，他們勤於修練，對歷史發展熟悉了解。因而作答題目時朗朗上手，終致觸礁。緊記答題目時留意作答要求，假設你是1938 年的英國人，那就運用己身對歷史的熱情代入1938 年的英國人的角色，思索你支持誰和背後理據如何。
．
#Chehistory
#常犯錯誤
．
#歷史#history#kwho#世界歷史#世史#dse#文憑試#pastpaper#2018dse#2019dse#2020dse#西史#中史#essay#dbq#答題技巧#hist#奪星#歷史私補#tutorial#tutor#補習#資料題#論述題

英文讀?

英文讀?

我考果陣用中文讀啊

英文讀?

我考果陣用中文讀啊

英文答係咪易高分D
聽講通識係咁

Lm

英文讀?

我考果陣用中文讀啊

英文答係咪易高分D
聽講通識係咁

通識因為少人用英文讀，我都聽講過係咁
至於歷史兩種語言人數差唔多，所以唔太關事

29102017．Free exercise
Cold War（3）
．
轉眼去到十月尾，天氣轉涼，大家準備好「冷」戰嘅題目未？Hahahahaha
．
中文版︰http://chesterhistory.blogspot.hk/2017/10/c201710_28.html
英文版︰http://chesterhistory.blogspot.hk/2017/10/e201710_28.html
．
每星期免費練習，關於題目作答方向、難易度歡迎聯絡討論～
．
#Chehistory
#免費練習

好掛住以前操essay同dbq嘅日子

Life must go on

Q: 請問二戰的起因是?
我現在對於二戰的分類是1.巴黎和會2.集體安全的瓦解3.英美法外交政策4.戰後經濟衰退
但是二戰很多起因都是互相扣連，例如巴黎和會導致極權主義，然後經濟問題同樣導致極權主義，我不知道應該巴黎和會分一個論點，還是極權主義和巴黎和會互相分兩個論點，而且經濟衰退使英法使用綏靖政策。
我現在覺得很混亂，希望你能幫我解答這個問題，謝謝
．
A: 先戴頭盔。唔係講笑，依個問題唔易處理。以下會用到幾張圖，所以睇睇吓啲字記住碌返上去向左掃。但若果都仲係唔明嘅話，麻煩你留多次言，拍條片講解會清晰啲。
．
廢話唔多講，直入正題。一件事發生嘅原因好有多，而因素之間係有著摸不清嘅曖昧關係，情形就好似你想買部電腦，背後原因有啲咩？原先部電腦慢、最近做緊優惠、新果部好型、近日賺到錢等等，剩係「最近做緊優惠」係唔夠理據令你買部新嘅電腦，要加埋其他原因加多啲重要性，慢慢慢慢慢慢慢，你就變到非買不可啦。嘻嘻，係咪好有共嗚呢？
．
之不過，每個原因都存在著重要性嘅差異，用返買電腦嘅例子，就算「新果部好型」同「近日賺到錢」都好，若果唔係「原先部電腦慢」，都未必會去買過部新。換言之，「原先部電慢」喺買新電腦依件事上遠比「新果部好型」同「近日賺到錢」更為重要。
．
基本理解搞掂後答返問題，二戰爆發原因有啲咩？
1. 巴黎和會安排失當
2. 極權主義興起
3. 經濟大衰退
4. 集體安全體系失效
5. 綏靖政策
6. 列強之間未能合作
．

圖一︰極權主義與二戰關係
【參考圖一】講二戰爆發即時聯想應該係極權主義（第二點），因為希特拉突襲波蘭（1939）令英、法對德宣戰，再為大戰揭開序幕，所以極權主義同二戰關係最直接。

圖二︰巴黎和會與極權主義關係
【參考圖二】但問題嚟啦，點解極權主義會興起？哎原來同巴黎和會（第一點）、經濟大衰退（第三點）有關。巴黎和會對德國同意大利安排失當，兩國對戰後安排感到不滿，促成法西斯同納粹上台；經濟大衰退惡化兩國經濟發展，迫使她們以對外擴張嘅手段推動國家發展。

圖三︰集體安全體系、綏靖政策與極權主義關係
【參考圖三】吓，咁國際社會有冇做啲咩去回應依個情況？咁同集體安全體系失敗（第四點）同綏靖政策（第五點）相關。兩個維持和平方法都失敗告終，唔單單阻止唔到侵略者，反而令佢哋野心滋長，加速大戰來臨。

圖四︰二戰與各因素之關係
【參考圖四】咁所以，講二戰爆發要扣題就必然用到「極權主義興起」依個論點，但唔同因素有唔同解釋方向，舉例巴黎和會安排失當解釋緊極權主義崛起嘅原因、集體安全體系就解釋緊極權主義不斷擴張嘅原因等。
．
當同學理解咗依幾張圖之後，其實可以玩得再複雜啲諗埋因素間嘅關係，舉例巴黎和會解釋集體安全體系失敗嘅原因等。成日話學歷史啲概念唔清，到底係講緊乜嘢？與其花時間係堆你唔明我唔明大家都唔明嘅概念身上，不如著手處理吓因素間嘅關係，成件事即刻清晰哂～
．
關於History問題，歡迎隨時喺 sayat.me/chehistory 提出，識答一定答！
．
#Chehistory
#無底線有問必答
#有問必答
．

好掛住以前操essay同dbq嘅日子

對大學d courses提不起勁？
我係。。。

咩科

好掛住以前操essay同dbq嘅日子

對大學d courses提不起勁？
我係。。。

入唔到大學

搞乜見到你幾年咁

Lm

比咩負皮我

好掛住以前操essay同dbq嘅日子

對大學d courses提不起勁？
我係。。。

咩科

你中學讀BAFS 或者Econ 架？

Q: Trade and explain嘅essay question要點答先高分？
．
A: 正式答問題之前有樣嘢不得不講，同學仔睇嚟你要學好啲英文啦。「Trace」解追溯；「Trade」呢就解貿易。咁歷史科會考果隻題型叫追溯並解釋（Trace and explain），貿易與解釋（Trade and explain）就暫時都未見過，留意返啦～
．
一般嚟講，追溯並解釋題型考核一段長時間嘅歷史發展，即係無廿年都有十年果隻。題目會有個特定對象，要求你喺依段歷史長河入邊分階段咁描述特徵同解釋轉變原因。
．
明白就跳入教學部分。
．
生活化例子︰追溯並解釋過去年20年你同A小姐嘅關係。
．
拆解吓依條題目先，20年明顯係長時間啦，要求就住「你同A小姐嘅關係」討論，即係有特定對象。更加重要係有「追溯並解釋」五隻大字，掂。
．
處理方面，你同A小姐嘅關係無可能一成不變，相反，所謂「女人心海底針」，關係應該係變幻無窮嚇你一跳。亦因如此，正式作答前就要為依20年嘅愛情長跑劃分階段。咁，乜嘢係分階段呢？即係將20年斬細佢，變成唔同時期，而時期同時期之間存有顯著性分別，就好似以下示範啦。
．
第一階段（第1-3年）︰甜蜜期
第二階段（第3-5年）︰緊張期
第三階段（第5-12年）︰穩定期
第四階段（第12-17年）︰親密期
第五階段（第17-20年）︰廝守期
．
好啦，知你會問點樣劃分出嚟架，依家解釋比你聽 — 第1-3年基於初初拍拖情到濃時關係自然甜蜜；第3-5年開始出現分歧、嘈交同磨合，關係變得緊張；第5-12年明白同對方相處嘅方法，得心應手關係穩定；第12-17年談婚論嫁關係親密；第17-20年下輩子都屬於A小姐，關係進入斯守。
．
咁即係點樣劃分？打咗一大段嘢仲問！以A小姐關係為例，當特徵出現轉變，同上個時期有出入果陣，就係階段嘅劃分點啦。情況就好似第5-12年關係穩定同第12-17年去到談婚論嫁嘅階段，一個仲係情侶關係，另一個已經係做人妻啦。
．
（其實諗深一層，你自己嘅人生正好係條追溯並解釋，痴咗線，寫Essay悟透人生）
．
拿拿聲講埋點處理就收工。每個階段都要追溯同解釋，追溯嘅意思就係講故仔，講返果個階段嘅特徵；至於解釋就係分析階段出現嘅原因，詳情可以參考下列示範。
．
【追溯】第一階段（第1-3年）︰甜蜜期
你每晚都會同A小姐傾1粒鐘電話；
你每個星期日都會同A小姐行山；
你每個月都會送份禮物比A小姐；
（應該無人想知啦）。
．
【解釋】第一階段（第1-3年）︰甜蜜期
你同A小姐都係初戀，好愛對方；
拍拖對你嚟講好新鮮。
．
換言之，追溯段落係要拎啲史實出嚟證明階段特徵（關係甜蜜），解釋段則要拎啲原因嚟論證階段出現。即係話每當你劃分一個階段就意味住你要寫多兩段，咁到底要寫幾多個階段呢？因人而異，但一般都係3至5段左右。
．
明白上述原理，同學仔可以參考以下Pastpapaer示範（印象中之前有條問題係話可唔可以提供Pastpaper答案果類，嗱咪話唔醒你，機會嚟啦，飛雲！）︰
．
2016DSEQ5示範題目．追溯並解釋1943-1991年間美國與蘇聯的關係︰http://chesterhistory.blogspot.hk/2017/03/blog-post.html
．
追溯並解釋拎嚟溫書其實一流，同學仔不妨考慮吓 😀
．
關於History有咩問題歡迎喺 sayat.me/chehistory 問，識答一定答～

Q: 可唔可以講吓香港史點讀？覺得香港政制發展同現代化幾複雜，俾老師話concept混亂錯誤點算好？謝謝。
．
A: 依幾日都收唔少問題話自己唔明啲歷史概念，因而唔識溫、唔識答，結果愈讀愈頹甚至萌生放棄念頭。首先概念依個字空泛到不能再空泛，抽象程度唔係你同我估計得到。打個比喻，唔知個歷史發展可以話無概念、唔識作答技巧亦可以話無概念、 唔理解啲字眼（如現代化、威脅、局勢、偏見等）都係無概念。既然係咁，人哋話要學清啲概念或「Concept混亂錯誤」嘅時候，應該要問返對方到底講緊乜嘢。將大家由火星拉返落地球，喺互相理解嘅情況下處理概念問題，咁樣先至對症下藥，盡善又盡美。
．
題外話，上述過程叫批判性思考，係睇李天命講語理分析果陣學返嚟。終生受用，世間千千萬萬嘅問題（尤其係感情煩惱）都可以透過語理分析解決，嘿嘿。
．
至於香港史點讀依個問題就有得搞啦。根據教育局課程綱要（2015年11月版本）入邊講，香港史分咗兩個部分，分別【政治及行政轉變】同【國際城市發展】。
．
【政治及行政轉變】依部分講就話由二十世紀初學起，但實際上二十世紀初嘅香港政治咪要由1842年英國開埠講起，始終硬生生咁照單全收不過權宜之計，帶著問號去了解點解英國要整依樣整果樣先係路 — 點解要理華人精英？點解會有鄉議局？點解要三權分立？
．
知道二十世紀初香港政治模式嘅由來就好辦事，琴日教咗點樣做好一條追溯並解釋題（Trace and explain），同學仔可以做一次「追溯並解釋1900-1997年香港政治發展」。正，做完你就學識成個二十世紀香港政治及制度轉變同原因、有咩特色、趨勢、發展等，差唔多搞掂依部分。
．
【國際城市發展】依部分比較麻煩，因為佢再細分︰
A. 經濟社會發展
B. 文化承傳
C. 內地關係及亞太角色
．
先講A. 經濟社會發展，喺理解香港政治發展嘅背景下，其實經濟同社會發展都難唔到你，因為依兩個角度都受到政治所影響。要學好，同樣地建議做一次「追溯並解釋」，正。
．
B. 文化承傳，老實比較吹水，一般係搞清楚香港有咩中、外文化同本地文化，但唔少人忽略咗香港能夠孕育多元文化嘅原因，要留意吓啦～
．
C. 內地關係及亞太角色，有謂「香港自古以嚟就屬於中國嘅一部分」，原則上同學仔學完中國史先學香港史，咁就Nice啦。記住一句金科玉律︰當中國出事，香港就好市。以1950年至1960年代為例，中國發生多場群眾運動甚至大饑荒，香港呢？香港正值工業發展黃金時代，躍進成為亞洲四小龍之一。無水你架！
．
亞太角色指香港成為國際城市之後，即係二十世紀下半葉嘅事，分返政治、經濟、社會、外交等方面討論，歸納返啲角度同背後理據，搞掂。
．
生於斯長於斯。教親香港依個課題都好有親切感，的確啲問題有時係幾艱澀，但食住香港人身份依個優勢，一齊拆掂啲難關佢，Oushhhhhhh！
．
關於History有咩問題歡迎喺sayat.me/chehistory問，識答一定答～
．
#Chehistory
#有問必答