教育在香港人眼中 = 判斷日後食飯食粥定食屎嘅遊戲
制度點改都冇用
只要家長一日係咁諗 有幾好嘅方案最後都會被扭曲
我最鍾意拎學能測驗呢個例子講 我先唔評論學能測驗本質係好定壞
當年取消升中試改用學能測驗去調整呈分試分數
其中一個原因係想杜絕考試操練同死背
學能測驗原本係考小學課程以外嘅文字推理 數學推理
但結果全香港家長同學校瘋狂操學能測驗
書局大量模擬練習 學校放學後瘋狂補課操學能
當中原因涉及所謂持分者利益
學生自己考好D個學能唔會直接影響自己個派位 但變成集體責任
如果成間學校考得衰 呈分試個分就會被噤低 即係TAS/SBA咁
家長望子成龍 就自然會比壓力學校要操好D
結果...
事隔咁多年 學能測驗冇左 改為學生升中一後做Pre S1 HKAT去調整返學生間母校嘅呈分試成績
政府就係特登想你D小學操唔到 因為考嘅時候個人都走左 仲要考好與壞都唔關自己事
但現實係真係有小學操緊Pre S1 HKAT
以前有個廣告入面有句slogan好經典 當時對呢句slogan社會反應都好似幾大 無幾耐個廣告重消失埋
「求學不是求分數」
果時我小學 聽完覺得都幾有道理 明明學習就係增進知識 點解個個大人都好似覺得番學讀書就 = 考試呢？
有日番到學校比個訓導走埋黎問我點睇呢句slogan 咁果時咁細個梗係有果句講果句 點知比佢捉住講左成粒鐘分數有幾重要 重要迫鳩我上台同全校分享點解呢句slogan係錯既
到今時今日我都覺得呢句說話係我聽過既政府宣傳標語入面寫得最好既 可惜整個社會唔領情
其實點睇我都係覺得社會風氣扭曲成年人既思想對教育既影響(包括教育工作者) 大於教育制度本身
講得好
但其實冇分數呢樣野又點比啲動力/壓力學生學野
如果呢個世界冇考試 我諗冇乜學生會由於好奇心嘅關係學野
上面講既野絕對唔係抹殺考試制度既存在意義 要小心呢個世界大部分事情唔應該係非黑即白 各走極端
考試制度絕對有佢存在既必要性 尤其是響理科/數學方面有絕對對錯既學術上面考試其實係一個好公平地分別到學生能力高低既準則
但係考試同教育同學習完全係兩回事 係皮鞋同波鞋既關係 千其唔好溝埋黎講
