[又黎][整合]美索不達米亞既宗教

本身諗住無人睇諗住收手
既然有人推番上黎咁我就快手出文

本身諗住無人睇諗住收手
既然有人推番上黎咁我就快手出文

巴打加油

插曲就講到呢到為止

又再講番

烏魯克時期至早王朝時期美索不達米亞的宗教

之前講過好多神，可能大家都亂亂地，我地再溫習多次。

三大神
安(安努)，烏魯克守護神


恩利爾，尼普爾守護神

呢到要講一講sorry，依家既恩利爾係未有翼 既，
之前話得佢有翼係講錯野

恩基，埃利都守護神


寧胡爾薩格，恩基老婆


伊南娜，烏魯克守護神


南納，烏爾守護神


就好似我之前所講，神話入面充滿象徵、符號、暗示，
其實係呢班眾神既神話入面，真係可以搵到好多有趣既隱喻。

一 伊南娜與恩基
之前講過，伊南娜曾經灌醉恩基，同偷走好多代表文明既密。
我地睇番蘇美爾王表，
第一個王朝就係早王朝第一期，上面是咁寫：
「王權自天而降，王權在埃利都。在埃利都，Alulim成為國王，他統治了28800年。」
其實一開始埃利都真係最巴閉，又係最早城市，又係最早王朝。
但埃利都之後就收咗皮，比基什玩晒，再之後就係烏魯克第一王朝。
而伊南娜偷恩基既密，正正就係解釋埃利都既收皮同烏魯克既當扎。

二 恩基既性格
神格代表人格，個神衰格，代表個城既人都無貴格。
雖然恩基話係大神，但佢又唔係主神，個人靜做好人幫人，
同埋搞下自己個女，佢無權又淋，其實就係反映埃利都既地位。
埃利都係一個好重要既城邦，但佢又唔爭王位，又唔打打殺殺，
呢個感覺，正正就係恩基既性格，唔計搞女。

三 點解恩利爾係主神?
可能大家會有呢個問題，點解講到安(安努)咁春把閉，
點解之後會由恩利爾做咗主神?
蘇美爾王表話一開始既王朝係埃利都、基什、烏魯克、烏爾。
就係因為烏魯克比烏爾拎咗王位，所以佢主神都不保。
而且，更何況如果個神係人地主神，邊有得打?
可能就係因為咁，所以其他人改信恩利爾係王權之神，
而尼普爾就因為咁成為聖城，作為每代王所脅既「天子」。

烏魯克時期至早王朝時期就講到咁多先，因為阿卡德時期同新蘇美時期既宗教其實都好似，因為阿卡德人好鐘意蘇美文化，吸收咗好多，所以宗教上都好大同小異，係神名唔同。

下回預告
下回會開始新一部，開始講巴比倫神話

好想睇 咁岩早排去完羅浮宮睇過，淨係識漢謨拉比法典

好好睇

好想睇 咁岩早排去完羅浮宮睇過，淨係識漢謨拉比法典

me都想去睇，但無錢

好好睇

有冇睇到扯扯地

留名

留名

好好睇

有冇睇到扯扯地

等緊你瘋狂出野

輕輕一推先

推

第二部 巴比倫及其宗教

巴比倫呢個名就聽得多，其實係乜東東呢?
今日小弟我就帶大家一齊去打開巴比倫既大門


sor，呢個先岩


巴比倫咁出名，一來係因為比某個人話係四大古明古國之一，
二來巴比倫係聖經都成日出現，
聽得最多就係啟示錄巴比倫大淫婦，點解耶教咁憎巴比倫?
因為尼布甲尼撒二世(新巴比倫時期)打爆咗耶路撒冷，
重捉晒D人番去巴比倫玩遊戲，所以唔憎巴比倫就有鬼。

好多人會混淆咗巴比倫以為係一個國名，但其實巴比倫係一個城邦，
不過由呢城邦慢慢發展、壯大，後來就成為一個強國，
但強完又比人打，打到歸順，歸順完又反咬人。
不過巴比倫又唔會無恥到比人打完屠殺完就話「佢地都係我地既其中一個朝代」。
所以如果講巴比倫，就一定要講清楚時間，如果唔係就會講到1999。
一齊黎睇下巴比倫既發展史。

古巴比倫的前世今生

巴比倫城好早已經存在，可以話係老屎忽，
而老屎忽最叻就係行行企企扮晒野，巴比倫都唔例外。
巴比倫係阿卡德時期已經存在，係閃族阿卡德人既城市。
直到公元前1894年，外來民族阿摩利人(閃族)打柒咗由阿卡德人同蘇美人建立既烏爾第三王朝，係巴比倫建立王朝。
由呢個時期開始，巴比倫正式踏入一線舞台，
不過唔好以為建立王朝就代表好打得，
其實岩岩建立既巴比倫王朝，北面好有強大既亞述，
不過係亞述未得閒打佢所以先建立到咁解。
直到一個好巴閉既人出現，就令巴比倫王朝聲明大躁，
佢就係，漢摩拉比。


Z gundam有隻用佢個名命名既MS


漢摩拉比自拍大頭profile pic

漢摩拉比將巴比倫既統治區域擴展到成個美索不達米亞，
做埋巴比倫尼亞帝國既第一任國王，不過佢繼承者太垃圾，
係佢死咗之後巴比倫尼亞帝國就收晒皮。

佢最出名既地方就係整咗《漢摩拉比法典》，比張圖大家睇下先

成條假鳩咁既《漢摩拉比法典》係用阿卡德語刻係玄武岩石碑，
石碑頂刻有沙瑪什，幫金閃閃果個神，將法律授予漢摩拉比，
因為沙瑪什又係太陽神，又係正義之神。

係唔係漢摩拉比之前無法律呢?
當然唔係，不過漢摩拉比係第一個將法律明文寫出黎既統治者，
係現代法律既始祖。
點解用阿卡德語刻呢?因為想比人睇得明，多數人都係用阿卡德語，
不過，其實多數人都係文盲，所以呢舊野係象徵用途居多。

漢摩拉比死後，古巴比倫帝國都吊命吊咗一個半世紀，
到公元前1595年終於被一支西臺軍隊搞掂。

古巴比倫正式bye bye 岩岩好唔夠三百年命

巴比倫如何被輪大米?(一)

古巴比倫王朝比人滅咗，唔代表巴比倫呢個城邦咁就壽味，
西臺人劫掠完巴比倫，就到加喜特人身黎執多劑，
不過佢地唔似西臺人咁中出完巴比倫即飛，
加喜特人佔領埋巴比倫，建立咗一個持續咗435年既王朝，一直到公元前1160年。
加喜特人係一班係古伊朗西北部既外族，佢地講鄉下話，
黎到巴比倫之後全盤融入當地文化，語言、宗教都係。

雖然話就係加喜特王朝統治巴比倫，但亞述同以欄成日都會干涉、劫掠或控制巴比倫，即係夫目前犯，
係公元前1235年，亞述王圖庫爾提-尼努爾塔一世重繼承咗巴比倫既王位。
到公元前1155年，在亞述人同以欄人持續輪大米之下，
加喜特人正式無咗巴比倫話事權，巴比倫由一個本土朝代統治，
雖然係咁，但其實都係比新亞述帝國食住，一時做附庸，一時統治埋。

係比人輪到反晒皮既時候，救星出現啦!!!!

公元前625年，巴比倫又再起義，不過亞述已經無力阻止，
來自幼發拉底河和底格里斯河下游的迦勒底人攫取巴比倫的王位，
係新巴比倫帝國開國君主那波帕拉薩爾統治下，終於脫離亞述獨立，
公玩前605年，佢個仔尼布甲尼撒二世繼位，開始咗所謂新巴比倫時期，
伊絲塔門、空中花園都係呢個時期起，重係美索不達米亞唯一霸主，
最出名係摧毀所羅門聖殿、兩次攻佔耶路撒冷，毀滅大衛王朝，
同埋將一萬幾個猶太人俘虜囚禁係巴比倫，史稱「巴比倫囚虜」。

有好大陣蝻味

講住咁多先，有人想知再講

推

推

堆！

巴比倫如何被輪大米?(二)

上回講到迦勒底人既新巴比倫帝國幾威幾英雄主義幾疊馬，
話知佢威過威士忌，但呢個帝國重短命過香港既老友記，
公元前555年，第六任王帝拿波尼度係宮廷官員叛亂中被推上王位，
最陰公既係拿波尼度根本連迦勒底人都唔係，佢係亞述人。

波斯帝國時期
公元前539年，新巴比倫帝國係俄庇斯之戰（Battle of Opis）被波斯國王居魯士二世擊敗。
巴比倫城牆出名堅淨，要入城一定要經城門或者通過幼發拉底河。
幼發拉底河流入同流出處都有金屬大門以防止外人潛入。

居魯士命令多批部隊停留原地，等到伯沙撒王既宴會呢個節日既夜晚，
居魯士部隊改變幼發拉底河上游既河道，
導致幼發拉底河水位下降。士兵通過河道係牆下方入城，
話咁易就入佢中路，巴比倫咁就GG。
從此之後巴比倫就無再成為獨立國家，又開始被人輪大米。
公元前539年至公元前330年，巴比倫成為波斯帝國國王既直轄區，
阿卡德語慢慢被阿拉米亞語取代，楔形文字亦開始被迦南字母代替。


俄庇斯之戰FF圖

居魯士二世

希臘化時期
公元前331年，馬其頓希臘統治者亞歷山大大帝係高加米拉戰役擊敗波斯帝國阿契美尼德王朝最後一任國王大流士三世，
巴比倫係亞歷山大統治下恢復咗作為學問同貿易中心既繁榮，
不過亞歷山大係公元前323年就係尼布甲尼撒既宮殿瓜柴，
他既將領塞琉古係持續成幾十年既繼業者戰爭之後得到咗美索不達米亞，
塞琉古建立起塞琉古帝國，一個希臘化既帝國，
係公元前305年，城市塞琉西亞建成，之後重將巴比倫城全部居民搬晒過去，巴比倫之後逐漸荒蕪。


亞歷山大大帝現代動畫化示意圖


真。亞歷山大大帝 呢張野應該好出名

歷史就講到呢到，之後講番我最想講既主題，巴比倫既宗教

推