[又黎][整合]美索不達米亞既宗教

之前開錯咗係創意台，所以重新開多次


話有時同朋友講起，唔計有睇fate既人，
好似好多朋友都無聽過美索不達米亞，
就算聽過下個名，都唔係好知入面既文化同歷史。

小弟呢個post就係想同大家分享下呢段文化，
不過戴定頭盔先，呢個post多數野都係網上copy，
而且小弟都唔係major兩河流域，所以應該唔會搵學術文獻貼出黎，
呢個帖都係資料整合同提供基本概念

留名
btw早兩三年前香港有個亞述文明展 幾多野睇

一 美索不達米亞既基本資料

1.1 解誤
美索不達米亞係四大文化搖籃之一。
記住，唔係文明古國，係文化搖籃，
因為文明古國呢個概念既問題係，文明同國係兩個概念，文明係跨政權，
而國係代表政權。

有好多人會問，係唔係即係好多大淫婦嗰個巴比倫?
又係又唔係啦，因為巴比倫只係後期興起既一個美索不達米亞城邦，
有特別之處，但代表唔到整個美索不達米亞地區。

1.2
美索不達米亞呢個名係古希臘對兩河流域既稱謂，
意思即係兩條河流之間既地方，講緊既就係幼發拉底河同底格里斯河，
中學教科書就叫呢個地方做新月沃土，大約係伊拉克附近。

佢地真係好春巴閉，係人類最早有文明既地方。
話說其實呢兩條河流每年都氾濫，所以下游土壤肥沃到仆街，
但氣候乾旱缺水，dry過毒撚，所以肥都無銀用。
但係當地人係公元前4000年就已經識得運用灌溉技術，
令到大班人可以一齊鋤肥田，當時已經屌打全世界。





去到公元前2900年更加有埋左右形成成熟文字，眾多城市同埋周圍既農業社會。

出晒名既吉爾伽美什史詩

吉爾伽美什想像圖(好似係)

但因為美索不達米亞地處平原，缺少天然屏障，
所以咁幾千年一直好多民族進入，
最開始有蘇美人，之後阿卡德人、阿摩利人、亞述人、埃蘭人、喀西特人、胡里特人、迦勒底人等其他民族都先後進入美索不達米亞

講住咁多先，之後會講下美索不達米亞既歷史同地理。
唔好誤會呀，唔係開錯topic，而係講宗教一定要先知呢個地方既歷史先講到

1.3 兩河流域年代表

兩河流域主要可以分為十二個時期

史前時期 公前8000年－前5900年
歐貝德時期 前5900年－前4000年
烏魯克時期 前4000年－前3000年
早王朝時期 前3000年－前2350年
阿卡德時期 前2350年－前2193年
新蘇美時期 前2193年－前2004年
阿摩利人和古亞述時期 前2004年－前1600年
喀西特人、胡利安人和亞述中期 前1595年－前934年
新亞述時期 前934年－前605年
新巴比倫時期 前605年－前539年
波斯帝國時期 前539年－前330年
馬其頓—希臘時期 前330—前141年/前129年

今次我主要想講既係烏魯克時期至到阿摩利人和古亞述時期既宗教，
當中跨越咗成二千幾年，所以要好留意一點，
就係宗教會隨時間而改變，而唔係好似我地去睇現代宗教咁有咁統一固定既教義同神學系統，所以之後講宗教都係分不同時期去切入。

1.4 美索不達米亞城邦


等我拎張歐貝德時期既地圖出黎比大家睇下

呢個時期有四個好重要既城邦可以留意，分別係埃利都(eridu)，烏爾(ur)、尼普爾(nippur)同埋 烏魯克(uruk)

埃里都，個名意義既係大大力，係美索不達米亞南部最早既城市，亦被認為是世界上最早既城市，蘇美爾咁多城市既最南端

埃利都FF圖

埃利都遺址

烏爾又叫吾珥，耶教人一定聽過呢個名，
烏爾最早的建築始於前5500年左右，但後來烏爾似乎有一段時間被人遺棄。
直到前27世紀，烏爾先開始繁榮起黎，
烏爾的地理位置既有利於對阿拉伯半島既海上同陸上貿易，
係呢段時間，係烏爾建造咗許多精心設計同建造既墓，
之後烏爾既國王成為咗成個蘇美爾既統治者，呢個王朝被稱為烏爾第一王朝，
雖然之後比阿卡德人收佢皮。

烏爾城邦遺址

尼普爾(nippur)，唔係nipples，唔好記錯，
尼普爾係一個宗教聖城，基本上佢除左係宗教聖城之後無咩好講，之後到講宗教先會再理佢。

又係遺址，睇左好似無睇咁，睇完就算

烏魯克
烏魯克城係烏魯克時代既代表，因為佢當時玩晒咁濟。
公元前2900年既時候最興盛，可能有50,000至80,000名居民係6平方公里既城牆範圍內居住，係當時全球最大的城市。
之但係最出名既一定係因為《吉爾迦美什敘事詩》，
因為《吉爾迦美什敘事詩》既主角吉爾迦美什就係烏魯克城既統治者。
有種講法話阿拉伯語中對巴比倫尼亞既稱呼-伊拉克，就係源自烏魯克既名字

烏魯克遺址（2008年）
https://upload.wikimedia.org/wikipedia/commons/e/ed/Hero_lion_Dur-Sharrukin_Louvre_AO19862.jpg
真。吉爾伽美什

時間一轉去到公元前十八世紀

又係睇地圖時間，呢張係漢謨拉比時期(公元前十八世紀左右)既美索不達米亞地圖之前既埃里都、烏魯克、烏爾、尼普爾都齊晒，特別多左一個打晒星星既地方，就係巴比倫喇!!!

巴比倫係阿卡德時期只係一個豆泥城市，
直到公元前1894年阿摩利人既王朝，巴比倫先成為一個獨立城邦，
巴比倫宣稱自己係埃利都既繼承者，雖然當時都只係一個城邦仔，但已經令「聖城」尼普爾收收地皮。
公元前十八世紀左右，一個叫漢謨拉比既亞摩利人國王第一次建立咗短命巴比倫帝國。
呢個時候開始，美索不達米亞平原既南部人被稱為巴比倫尼亞，
巴比倫城市之後日益膨脹，變到越來越雄偉。
之後，巴比倫被亞述人、加喜特人同埃蘭人輪過幾次大米，再被亞述人毀滅再重建。
公元前608年到公元前539年之間，巴比倫成為新巴比倫王國既所在地。呢個帝國由來自美索不達米亞平原東南角既迦勒底人建立。


巴比倫古城的全景圖

好_出名既伊斯塔門，係巴比倫城牆既一部分

留明

若果想瞭解多啲美索不達米亞平原歷史有冇咩書好介紹

2 宗教信仰與社會

所謂宗教崇拜既就係社會既本身，所以世俗化前既宗教同社會根本密不可分，
由社會模式可以睇得出宗教信仰，同樣地，由宗教信仰都可以窺探到社會。

可能你會話，屌你老母up乜撚野，都唔知你講乜春

大家斯文人，唔好講粗口

例如有咩關聯呢?

就好似信仰與性別、信仰與經濟、信仰與政治等等等等等等

信仰與性別
唔難發現，係好多集落式既原始社會，佢地既君主制同國家制度並唔建全既時候，佢地信仰既主神性別通常同有權力性別相反。
父權既原始集落信女神，特別係地母神。
母權既原始集落信男神。
當然就唔係一定既。
不過可以肯定既，人會將性別既諗法投射入宗教信仰。

信仰與經濟
有咩既人，就有咩既神。

當社會發展某個重要既經濟活動既時候，一定會有某個行業神出現
就好似原始社會一定有農業神，如果重視音樂會有音樂神，
重視酒會有酒神。

信仰與政治
呢個係今次講既美索不達米亞就好有關係，基本上美索不達米亞好多神係代表住某個城邦，例如烏魯克既安努同伊南娜、尼普爾既恩利爾、埃利都既恩基咁，
佢地每個神係唔同時期既興衰都同城邦既勢力好有關係。

例如係烏魯克做大佬既時候，安努就會被理解為主神，又或者係尼普爾重有影響力既時候，恩利爾都係受歡迎既神。

而且神話好多時候係有解釋現世既功能，呢樣野就到之後先詳細講

留明

若果想瞭解多啲美索不達米亞平原歷史有冇咩書好介紹

我都無睇街外書呀，
係以前上堂睇過下readings，一大堆難到唔識睇既英文
名都已經唔記得，中文又唔多覺有呢D資料

留名

留名

樓主加油

皮已正

上古史

高質post lm

計返中國是咪先秦時期?有冇年表對照睇睇?

留明

若果想瞭解多啲美索不達米亞平原歷史有冇咩書好介紹

我都無睇街外書呀，
係以前上堂睇過下readings，一大堆難到唔識睇既英文
名都已經唔記得，中文又唔多覺有呢D資料

一定係睇英文 中文書唔會點深入

留名

計返中國是咪先秦時期?有冇年表對照睇睇?

古巴倫嗰陣應該係中國既夏商嗰期

應該係龜背甲骨文個陣

2.1 歐貝德時期美索不達米亞的宗教

係歐貝德時期，美索不達米亞平原周圍都有人住，但都係小型聚落，。
而且南方既文明水平高過北方。

由遺址發現，當時南方已經有多餘農產品可以進行貿易，
即係已經有社會分工出現，亦都意味有城市化既條件同社會分層既出現。
可以話，當時既社會系統未有好清楚既分工，宗教亦都未有好系統而統一既神學。

南方之中最興盛既城市就係埃利都，超過4千人住，
斯汀克勒(P.Steinkeller)認為埃利都最早被崇拜既神係地母神，
後來演變成了蘇美爾神話入面既大母神寧胡爾薩格(Ninhursag)，
即係恩基條女。

所謂即地母神有幾個特徵，例如
一. 佢會係神族之母
二. 佢代表大地、農業、豐收、生育、生命

可以話代表歐貝德時期既社會特徵，就係處於原始父權社會，
而且主要經濟活動係農業。


寧胡爾薩格

高質post
bookmark定支持睇新文

多謝你支持呀，不過我呢個唔係太高質既學術post

留名待j