[又黎][整合]美索不達米亞既宗教

無知一問
就算唔計塔利班同ISIS既破壞
民啲文化遺跡本身仲殘存幾多？

都多多地啦，
因為佢地城邦係一層層，重建既時候會用泥將成個城市掩埋，
再係上面重建，所以一個遺址已經有好多層可以玩，
不過比起其他文明，美索不達米亞既遺跡係比較少

呢個講開又講
經常見到古城發掘歷程話呢個古城係第幾層既古城
我由細就覺得呢個概念好神奇
重建點解唔搬走原有殘址？直接用泥倒一層上去唔驚導致地基不穩咩？

我諗因為個地唔係話搬就搬，一來要就灌溉系統、河流、耕地，二來宗教原因。

特洛伊個遺址18世紀挖到嗰個黃金面具係屬於更古老嘅時代，唔係喺希臘城邦嗰期

留名
呢個文明真係好神奇
當時既人究竟算係印歐 阿拉伯 定另外自己獨立既民族？

但喺信仰嚟講，波斯文明向巴比倫借鑑少少嘢直至瑣羅亞斯德教興起

其實伊朗又係一個好高質嘅文明，一個好遲發育嘅遊牧民族但係好快進化為商業文明

伊朗
阿拉伯人

據聞蘇美人係黑髮黑眼

黑髮黑眼一向係dominant traits

留名
呢個文明真係好神奇
當時既人究竟算係印歐 阿拉伯 定另外自己獨立既民族？

但喺信仰嚟講，波斯文明向巴比倫借鑑少少嘢直至瑣羅亞斯德教興起

其實伊朗又係一個好高質嘅文明，一個好遲發育嘅遊牧民族但係好快進化為商業文明

伊朗
阿拉伯人

波斯人

2.1.2 烏魯克時期至早王朝時期美索不達米亞的宗教-其他神

寧胡爾薩格(Ninhursag)

小弟叫佢做大媽神，有人將佢加埋叫四大神，不過呢個都係一個分類，
雖然佢可以話係美索不達米亞女神入面既一線一，
點解佢咁重要? 就係因為佢既功能無可取締，
係父權社會體制入面，女性神(超越人的存在)必然有其獨特定位，
就好似天主教入面，聖母體現慈悲、安撫、憐憫既形象，
民間佛教既觀音(偽娘)，同樣有慈悲、安撫、憐憫等等女性既形象。
而寧胡爾薩格就正正係食正呢水，佢代表既就係女性形象，
可以話係女性形象神格化，而呢位大媽主要都係做生育女神。

講番大媽個名，寧胡爾薩格(Ninhursag)，nin代表小姐、女王、女主宰，
ḪAR.SAG代表山林。
其實佢重有好多個名，例如「偉大的女王」寧瑪赫(Ninmah)、「分娩女主宰」寧圖(Nintu)、「神母」瑪瑪(Mamma)或瑪米(Mami)、阿魯魯(Aruru)、「眾神的女主宰」貝萊特-伊莉(Belet-Ili)，
每個名都係象徵緊佢既特點，不過呢D都係之後先加上去既名。

你可能問，點知呢D名真係講緊同一個神?唔比人地真係講緊唔同神?
其實呢D神以前真係唔同神，後來被統一咗做同一個神，
原因好簡單，拜一個就有咁多個功能，同拜咁多個神比，你會點簡?
就好似中華文化以前都有分文武神、武財神、五路財神，依家一個財神搞掂晒，幾方便，簡直就好似智能電話咁group起晒好多功能咁正。

做得大媽就一定係人妻，佢條仔就係之前講過既恩基(enki)，
係神話《恩基和寧胡爾薩格》入面，恩基同大媽生咗寧薩兒(Ninsar)，
鬼父之後搞寧薩兒(Ninsar)，生咗寧古拉(Ninkurra)。

食過就番唔到轉頭既鬼父之王恩基無令大家失望，
寧古拉嬌喘一聲倒在嘅恩基懷裡，喺呢個時候，
寧古拉眼如微絲，濕潤嘅雙唇，微微張開，口中噴出有如蘭花一樣嘅香氣，對住如斯尤物，佛都會動心啦，咁就生咗烏特圖(Uttu)，呢樣好得意，佢個名無nin，唔知有咩原因。

2combo既鬼父再接再厲，但烏特圖唔show佢，
寧胡爾薩格叫佢將恩基既精液埋係地，於是生出咗八株植物，
鬼父on99見野就食，咁就中招，八個器官都奶野，寧胡爾薩格之後離家出走，
之後去完又番黎醫鬼父，鬼父每講一個器官寧胡爾薩格就創造出一個相應既神
去醫佢。

呢個故事雖然講唔出咩大道理，但我知大家最鐘意呢D AV劇情，
所以講黎登大家開心下。


但要記住呢個時期既信仰係好有地域性，
烏魯克時期至早王朝時期每個城邦都係拜自己神多，
佢既客仔主要係埃利都同基什，同佢條仔(鬼父)一樣。

最後加番大媽個樣

下次講美索不達米亞既閪，閪，閪，閪女人伊絲塔

lm

屌 點睇呀

啲字密到刻刻吓睇到盲

屌 點睇呀

啲字密到刻刻吓睇到盲

之後黎香港展出過果塊好似都幾大舊

2.1.2 烏魯克時期至早王朝時期美索不達米亞的宗教-其他神

伊南娜(nin-anna)

明明話講闣女人伊絲塔（Ishtar），點解會變咗講伊南娜既呢?
因為伊絲塔係阿卡德名，呢個時期係蘇美爾話事，咁自然用番蘇美爾名。

現代伊絲塔示意圖

伊南娜係代表金星既神，但同時都係天空之神，
唔知大家記唔記得之前講過，安(安努)係天空之神，到底係唔係代表佢地兩個有不可告人既關係呢?
根據《吉爾伽美什史詩》(最早係亞述巴尼拔王在位時成書)，
安(安努)係伊南娜(伊絲塔)老豆。
其實睇佢地個名都知有關係，nin，之前講過係女主咁解，an係天空(安)
a就係女性詞尾，所以話，伊南娜其實係係安既女性化。

岩岩都講過話佢係金星女神，做得金星神，基本上一定同性、豐饒、妒嫉、報復、戰爭呢D最精彩元素拉埋一齊。(唔計中國既太白金星啦 )
美索不達米亞宗教作為好多神話既原形，伊南娜被認為係希臘阿佛諾狄忒既原初形象，因為同樣有住美麗、淫蕩、戰爭等等既特點。

伊南娜既形象係個少女，一係就打仗，唔洗打仗就會搵人扑野，
係蘇美爾藝術品入面，佢成日都同代表力量既獅子拉上關係。

係祭祀既時候，高階女祭司會同被挑選為代表牧羊人杜木茲（Dumuzid，伊南娜丈夫）既小鮮肉啪啪啪。

關於伊南娜既神話，最重要既有幾個：
1.《吉爾伽美什史詩》
2.《伊南娜和杜姆茲》
3.《伊南娜和恩基》

《吉爾伽美什史詩》之後講吉爾伽美什再講，依家講其他兩個先。

《伊南娜和杜姆茲》係講伊南娜去冥界無啦啦找佢家姐伊瑞綺嘉拉麻煩，
每過一關守衛就要佢脫一樣野，好似玩一生人一次咁。
最後當伊南娜見到家姐既時候已經一絲不掛。
係蘇美喪葬習俗，死者要穿戴首飾以賄賂陰間守衛同審判者，同呢個神話既情況一致。
之後佢家姐就召喚惡鬼殺咗佢，三日三夜後，伊南娜侍女寧可波（Nincurba）搵到恩基黎幫拖，創造咗兩個無性既生物做送禮勤，去搵伊瑞綺嘉拉送水同食物，
咁樣伊南娜就復活了

但惡鬼係都要搵人祭旗，伊南娜見到佢老公喊都唔喊下，
於是就掉咗佢老公去死
所以佢老公每日有一半時候係冥界。

個神話可能有兩個隱喻，
1. 伊南娜同時係月神(呢個之後下一篇講)，朔月既時候有三天見不到月亮，同伊南娜既死亡時間吻合。
2. 杜姆茲象徵水，伊南娜罰佢每年有六個月要留係冥界，就係象徵夏天既時候太炎熱令美索不達米亞地區太乾旱生唔到植物，佢到秋天番黎代表終於有水灌溉。

《伊南娜和恩基》
伊南娜曾經灌醉恩基之後呃走好多代表神聖同文明力量既密（Me)，
呢個故事好可能暗喻緊埃利都（恩基既城市）既沒落以及烏魯克（伊南娜既城市）既興起。


神魔之塔當正伊南娜係月神，咁樣又唔係完全正確，呢樣野下一篇講。


補多張夫妻合照

推到出金閃閃

推到出金閃閃

下個再下個就話佢

Av 情節more

Av 情節more

BL點睇

留名

半個閃閃迷入黎睇睇

2.1.2 烏魯克時期至早王朝時期美索不達米亞的宗教-其他神

南納(Nanna)

會講佢，純粹係因為講起伊南娜，講真，條友真係唔出名，

老友記加埋個月亮就係佢既形象

唔好以為佢係廢柴，佢都曾經輝煌過，
之前都講過，呢個時期既宗教特點係每個城拜自己既神，
烏魯克拜安(安努)同伊南娜(伊絲塔)，
尼普爾是拜恩利爾，埃里都拜恩奇，
而烏爾人就係拜南納。

係早王朝時期既公元前2600年-公元前2400年，烏爾城其實真係幾把炮，
佢地既神南納被視為「智慧之主」。

我諗無咩人對佢有興趣，講佢只係想講，因為佢個名Nanna同ninanna個名好似，
所以伊南娜去到之後就被人當埋係月神。

下次講大家最愛既金閃閃。

插曲- 《吉爾伽美什史詩》(一)


係你啦金閃閃!!!

點解要叫做插曲，而唔係放入某個宗教時期呢?
原因好簡單、因為呢個神話係唔同時期都有出土，
而且亦都無人會當金閃閃係神咁拜，所以唔會歸類為宗教。

最早版本既《吉爾伽美什史詩》出土於第三烏爾王朝（公元前2150年—公元前2000年），
比烏魯克時期至早王朝時期後兩個時期，
早王朝時期之後係阿卡德時期，即係蘇美爾人比阿卡德入侵，
再之後係新蘇美時期，就係蘇美人趕走古提人，拎番美索不達米亞領導權既時期，
公元前2120年，烏魯克國王烏圖西加爾成功復興，由佢唔知做咩死咗，
由佢任命既烏爾總督烏爾納姆係公元前前2112年左右登上蘇美王位，開始烏爾第三王朝。

史詩內既歷史時期大約公元前2700年至公元前2500年之間，
好吊詭既地方係，明明寫蘇美爾既王，但《吉爾伽美什史詩》最早只係得名卡德版本，
因為經歷阿卡德時期之後，美索不達米亞變咗雙語共行，
或者話阿卡德語吸收咗蘇美爾語，之後就變成流通合體後既阿卡德語。

好，正式講故仔。

話說烏魯克就有個人渣半神半人國王金閃閃。

搶走晒人民既仔仔囡囡，咁D人就求神幫下佢地，
創造女神阿魯魯（Aruru）就係森林入面用泥整咗同閃閃一樣咁勁既野人，
恩奇都（Enkidu）。

恩奇都本身係好似馬來亞山番咁，原文話佢好似安努降生。
吉爾伽美什聽到佢既消息之後就搵咗個神妓（Shamhat）同佢瘋狂做愛六日七夜，
之後就有咗文明。類似亞當食禁果之後番唔到轉頭咁，
神妓就帶咗佢去烏魯克。

吉爾伽美什發夢，夢見一顆安奴既流星墜落係佢面前，
第二日，吉爾伽美什發夢，夢見結婚間房出面有一把斧頭，咁就搵佢老母傾計，
佢咁講：
「我試圖除去它，但是它對我來說卻是太強大，
我試圖遠離它，但是它卻讓我寸步難行，
......
我愛它，把它當成我的妻子般擁抱著它。
讓它跟隨我身邊，它將作為我的競爭對手。」
之後佢老母話比佢知，佢會識到個男人做好朋友。

有一日，恩奇都聽到烏魯克城既人話吉爾伽美什要結婚，
於是紅到面晒走去吉爾伽美什結婚場地，搵吉爾伽美什單抽，
兩條友打打下變咗打車輪，係真係咀咀，咁就做咗好朋友
之後佢地就過住幸福快樂既生活


講下笑姐。
有一日，吉爾伽美什同恩奇都傾人生的意義，話想為人做件好事，
就係想去雪松森林殺死怪獸洪巴巴(Humbaba)，保護人民安全。
全世界都叫佢唔好去，因為隻野係恩利爾既手下，
佢地咁講：「洪巴巴的吼叫是洪水，他的嘴是火，他的呼吸是死亡。」
不過吉爾伽美什一於唔理，佢老母唯有叫恩奇都好好睇住佢個仔。
佢地一路搵洪巴巴，吉爾伽美什一直好不安，恩奇都係咁安撫佢。
打打下，洪巴巴就死，就叫吉爾伽美什放過佢，最多做佢隻馬仔，
恩奇都就話唔得，最後吉爾伽美什聽恩奇都話，殺咗洪巴巴，咁就得罪神。

今日就講到第五塊泥版，待續。

插曲- 《吉爾伽美什史詩》(二)

順帶一提，係同洪巴巴打既時候，
吉爾伽美什成日都提到有太陽神沙瑪什幫忙自己，
呢個名係唔係好熟呢?
咪就係通靈王入面X-LAWS鐵處女既持有靈

右下果隻

隻野之後再講，講番金閃閃。
佢打死完洪巴巴，就係河邊沖涼。
又靚仔，又大隻，搞到行過既伊絲塔(伊南娜)要向佢求婚，
吉爾伽美什一句就串鳩佢：「你只係一隻臭雞!」

吉爾伽美什係咁數比伊絲塔玩過既男人既下場，
隻臭雞就開始嬲，一嬲就同佢老豆安努投訴。

突然諗起呢個畫面。

伊絲塔：「我唔制呀，個仆街數臭我!」
安努：「咁你真係咁仆街，駁唔到喎。」
伊絲塔：「我唔制呀，比隻天堂公牛我，唔係我就搞鳩你!」
安努：「咁你去啦。 」
之前都講過，公牛係安努既象徵，拎佢隻牛，代表用佢既力量。

之前伊絲塔就掉隻牛去烏魯克(Uruk)，好快就比吉爾伽美什同恩奇都殺咗，
重拎埋個心去獻比沙瑪什。
隻臭雞就係烏魯克城牆喊晒口扮無幹扮可憐：
「無陰公呀，我又無得罪你，你做咩誣陷我又殺我隻牛。」
之後隻臭雞搵埋成班八婆、妓女一齊喊苦喊忽。
不過吉爾伽美什照樣同成個城既人慶祝，
而伊絲塔就變成人見人憎。

恩奇都同吉爾伽美什一齊訓醒，恩奇都就同佢講發夢既野：
眾神開會，安努、恩利爾、沙瑪什講數，
安努就話一定要隊冧吉爾伽美什，因為殺咗佢隻牛牛。
恩利爾話，咁做瓜恩奇都啦，吉爾伽美什唔死得。
沙瑪什話，依家佢地我照既，佢地係無辜既。
恩利爾嬲到震咁話，你地friend底就梗係咁講啦。
講講下，恩奇都就喊晒口，吉爾伽美什話寧願自己死都唔想恩奇都有事。

恩奇都之後就好驚，發晒癲咁口upup，吉爾伽美什安慰佢話無事既。
恩奇都之後就中咗詛咒，訓咗十日就瓜老襯。

講到第七塊泥版先，下次繼續。