我指套劇嘅原結局有缺點，佢話「至少好過」我suggested 嘅其他結局，即係話我啲suggestion肯定有更多或大嘅缺點，但佢就完全逃避原結局係咪有缺點呢個質詢。
咪即係「被批評時會聲稱其他國家也有同樣的錯誤，來掩飾自己的錯誤」同一種玩法囉，拖其他有相似/或更差嘅對象落水嚟轉移視線，嚟避開自己都有問題嘅指控。
btw, 說唔說教係睇演譯手段，冇人話有一定要搵個旁白兜口兜面嚟講個明白咁直白，可以用比較subtle嘅方式去演，令觀眾去領會。我啲suggestion都冇specify乜嘢演譯方式，你地就屈一定係說教。喂，如果套嘢有message表達到出嚟，就算係說教，咁依家原故事想表達嗰啲「要搵人傾」「要去理解」「要去陪伴」message，都一樣可以屈佢係啲老土說教個喎。
分清楚乜嘢係message，乜嘢係演譯手段先啦。
