[七月新番] 章魚嗶的原罪2

阿生，又係你喺#106話咩人都救唔返嘅bad end，就咩message都帶唔到出嚟，我先覆你如果個故事咁走，會有啲咩message出到嚟。
需要message嗰個係你，嫌message太多又係你，你都真係幾難招呼。
你話全套劇得一個message就夠，「有咩睇唔開(？)，記得搵人傾」吖嘛。fine～我就埋你，就用呢個做主題，咁原劇情章魚自爆啟動最後輪迴時，有冇同黑毛好好傾呀？有冇了解黑毛諗法呀？做乜要自爆咁睇唔開呀？咁章魚呢個做法係咪同你最中意嘅message有抵觸自相矛盾呀？

章魚同3位主角都建立咗連繫
都希望佢地都可以幸福
最後一次用自己生命換一個大家都可以重來獲得幸福嘅機會，係絕望入面比到希望人

你可以挑戰作者寫得唔合理
但做開創作嘅人都知牽動到觀眾嘅情緒比合理性重要

個人覺得結局寫得好感人，可以講係現代童話

當然理解牽動情緒對故事創作嘅重要性。部分比較情感主導嘅觀眾/讀者，確係可以忽略故事不合理地方，照樣深受感動。但唔係所有觀眾都係呢type。
故事如果合理性同邏輯出現問題，另一type嘅觀眾，包括我，就會因為覺得突兀而出戲，而對劇情發展共鳴唔到。
呢個亦係我覺得個結局處理得唔理想嘅地方，令成套作品有啲美中不足，相當可惜。

想知東係同差佬講茉莉奈係佢殺定章魚殺

如果真係要帶出珍惜眼前人，人生無得後悔呢d咁既message，
你有留意日本影集小說就會知道呢樣野喺日本已經玩到爛。

其實第四、五集已經講左呢套野最想講既野，就係要好好溝通，
溝通唔一定可以解決問題，但你唔溝通個問題只會一直存在，
無人會理解到你既痛苦。

我覺得東應該冇講係邊個殺，亦都冇show件兇器出嚟（始終人唔係佢殺，件兇器點處理應該交返俾個兇手決定）。

佢啊哥形象咁正面，正路都係會叫東坦白，同警察承認返自己非法處理遺體，所以啲街坊先會話佢同單案有關係，結果係警察好似唔太信。加上我覺得佢啊哥冇理由叫佢認一啲唔係自己犯過嘅罪（謀殺）

東都有講過係外星人殺好難有人信，所以俾警察問到邊個做嘅時候，佢應該會選擇沉默，咁樣仲可以保護到朋友（章魚P同小靜）。如果佢話係章魚P殺，警察一定會即日做嘢，100%會即時搞到小靜，小靜唔會去到東京。

??? 咁就完左wtffffff
好多野都冇講到
d時間線唔係幾明
最後算係happy end 不過都係有種憂傷感係到
takop走左

結局展現左另一個可能性
雖然原生家庭改變唔到，但各人冇走向極端，而得到相對HE

原生家庭對細路既惡劣影響，好大程度導致前面BE
但呢個唔係必然，個人、運氣仍然有一定影響
前面既BE係一連申錯誤/不幸造成
HE帶出既係改變既可能

對強行good end，我係舊po要講嘅都講哂，其他人亦都係，只係你哋自己接受唔到，大家著重既都唔同，再講冇乜意思
同埋呢個ending只係咁多條線最好果個，佢哋父母一樣冇變過，只係佢哋心態變咗，嚴格黎講唔算bbq結局

宜家咪 黃毛黑毛變左做大家可以支持既對像囉
你係咪執著章魚同黑毛 做乜
成套野就係章魚想救黃毛同黑毛
咁梗係令佢地 互相支持大家 好過得章魚同黑毛

似係你接受唔到故事結尾喺合理性上出咗問題呢個缺點多啲喎。
仲將故事鋪排得唔夠嚴謹呢件事，夾硬兜做係製造奇蹟，當係優點睇。大佬呀，你對部作品有愛，包容佢係有瑕疵無問題，但唔駛死撐部作品完全美無缺，毫無缺點嘅。

至少好過 你講到變教育電視咁
說教劇情日劇已經開始唔興

其實睇完我get到個message都好直接
對父母就係生仔唔該考牌，如果你諗住用故事入邊既父母個套去對待仔女，個仔女既難度就係地獄級，最差既結果可能係比仔女反殺/刷首抽，抽到呀哥算係萬中無一既奇蹟

對細路就係無論難度幾高幾辛苦，點都要搵人陪同傾訴，捱到長大成人先有無限可能性同有能力去應對

對外人就係其實冇乜野可以做到，除咗陪佢同聽佢訴苦，亂做野分分鐘可能好似章魚咁做錯野令到情況更差

章魚攞返記憶之後已經知道可以犧牲自己用happy力再用個壞咗既相機，就算條時間線已經完全玩爛咗但係章魚最後都聽晒靜訴苦同陪到最後再犧牲自己算係為自己做錯咁多野負責咗

爭議位在於章魚知唔知再用個壞既相機會導致其他問題，好似新既時間線主角隱約記得其他時間線既野，咁岩又記得當有章魚陪既時候會過得好少少而令到黑毛黃毛有共同話題，定係完全唔知會有其他問題單純犧牲自己去幫主角們刷多次機會。不過最後都係運氣問題，有邊個唔想抽到做李+x個仔，所以最後靠運氣抽到個好少少既結局就算啦

如果我係作者應該整多幾條時間線去加一大堆痛苦野，好似寒蟬命運石咁前面經歷咗一大堆野最後個好結局先係得來不易。不過都係個句，雖然依套野唔係完美但輕鬆屌打近年9成作品

請你搞清楚，我一直檢討緊係故事合理性嘅問題。
我係指出緊，你所主張嘅論點「有咩睇唔開(？)，記得搵人傾，先係套劇主要message」，其實喺同章魚發動最後一次輪迴嘅處事方法，係有犯駁嘅地方。
我發覺你真係唔睇清楚人地講乜就覆人。

「至少好過xxxx 」其實你係咪想玩臭蟲論先?
你玩臭蟲論，其實咪即係承認緊你套愛劇都有唔好嘅地方？

合理性我真係覺得冇問題
鋪排唔夠好就係事實

依套野玩嘅係瘋狂反轉
邊會擺伏筆

臭蟲論 唔係咁用架喎
「魯迅先生諷刺當時的中國人，被批評時會聲稱其他國家也有同樣的錯誤，來掩飾自己的錯誤」

請問「至少xxxx」同臭蟲論有乜關係

另外，我係有講過最後係應該加返黃毛同金毛 無左章魚之後既生活片段。完得太突然

不過至少好過 你執著章魚同黑毛 ，要有好多message既 一貫說教日劇風格

其實呢度都冇人話完美
只係覺得你講既劇情安排仲差
你見人反駁你就認為反駁你嘅人覺得反駁係完全未無缺
你堅持認為自己嘅編劇比原作好
章魚留低陪黑毛 先至叫做合理劇情
一定係要跟你嗰套先至叫好

你唔係檢討
你係堅持認為章魚留低先叫合理
即係你覺得自己諗既劇情比較好

可能真係每個人感受唔到
極端啲講，去到最尾其實所有關於章魚既一切都唔再重要
章魚只係一個symbol，只要夠深刻影響力夠大就可以成為一個契機，令兩個人踏出改變既第一步
有啲野係天生整定，但同時亦有啲野係可以自己話事，去改變
一念天堂一念地獄
我自己睇最後一集get到既就係咁

我都係咁get個結局，同章魚P有關最重要既係佢經歷過咁多之後既反思，同埋佢留比幾個細路希望佢地長大成人既祝福

章魚P本身退場既具體形式並唔係套作品最重要既野，就好似啲happy道具對成個message都一樣係唔太重要，我就感受唔到點解上面幾位巴打咁執著