[七月新番] 章魚嗶的原罪2

https://youtube.com/shorts/qZWwm5QPHUY?si=3SixX5IKTw88hbdf
睇果陣都冇留意到

忙左好多
冇時間畫野 終極潛水

以前玩avg通常都有兩個end
good end就通常係大家都開心bbq
true end就有少少缺憾美

鬼佬學嗰堆DEI入面個I
就係去了解依啲人，確保所有人均可被傾聽及尊重

正確價值觀被有心人濫用

一次過追哂6集好爽

最尾Reboot世界線果到唔係幾明大家有咩好嘈至少章魚動機算易理解
當下章魚記返起原本要幫黃毛嘅回憶，而章魚身現時身處嘅世界線中黃毛已死，好自然會諗辦法一次過解救3個人嘅方法

最後我認為，作者想帶出嘅message係既然改變唔到bully嘅原因，不如嘗試下改變心態，令自己好好咁「生存」落去
我覺得呢個位係幾感動

不過最後轉折位真係好突兀，見完章魚公仔後兩個人性格完完變左另外嘅人
點會係bully期間兩個會互相放下心牆同理解對方
由期係黃毛，黃毛遇到章魚P係「2022」，即係未來嘅事
點解黃毛可以係「2016」就對章然公仔有似層相識嘅感覺？明明當時冇遇見過

除左呢點外基本上故事都唔錯

係架,DEI本意係好
但好多野發展之後未必跟到個本意
尤其個E好有爭議性

作者都冇解釋到happy力量係乜，可能關happy力量事
睇過人解釋係章魚犧牲happy力量，將佢既經歷同記憶零碎咁留比3個細路

犧牲happy力量唔係只係Run多次個相機？
不過用呢個解釋的確可以合理化好多事
由期藍毛本來無遇見過章然P但都有反應（屋企溫書時回望）

都講到用未知嘅力量（魔法）就唔好太執著合理性
總之就係用到多次部相機
同兩個人都多左少少不存在的記憶/感情

再之後點樣做到朋友嗰part冇魔法先需要合理
而我覺得有個契機嘅話係可以發生

之後要解釋做朋友唔難
但bully果刻好難解釋WOR
黃毛仲要攞筆出黎準備插佢

要即時消除殺意再對話，除左用左Happy力量解釋外別無他法

日本D人已經寫緊百合番
大家都被傷害，然後反而睇到對方珍貴一面

其實你都講到寒蟬
特定世界線嘅K1都係見到特定場面
先會記起唔應該有嘅記憶/感情

你當章魚圖案trigger到佢地，停低喊
之後作者留白左
可以係即場傾，隔一日傾甚至隔一年傾
重點係個契機

寒蟬可以reset得唔完全
部相機壞左都可以唔完全架
你話係happy力量都得
但個準確原因並唔重要

你會覺得我嗰幾個ending悶同平淡又真係唔出奇喎

因為我只係根據原故事嘅框架，按情理、現實所推出嚟嘅 alternative 終局發展方向。因純粹按情理、現實所開展出嚟嘅後續，多數伴隨一個特質：predictable，咁自然唔會有surprise同偏向平淡。

要做到個結局喺情理之中又意料之外，就需要喺故事早期埋伏筆，再喺結尾時將伏線回收。我淨係改寫佢個尾，係唔會加到早期伏筆去收意料之外嘅效果個喎。如果我連早期伏筆都可以加，咁我就直頭係寫緊另一個故仔喇。

但相對，原作結局就係犧牲咗「情理之中」，去勉強造就全員BBQ good end呢個「意料之外」。甚至連相機已扑壞無得再輪迴呢個之前一早set落嘅龍門，都可以追加設定話搬就搬。

如果係單純想睇BBQ happy end，唔駛理合唔合理，咁直接話章魚老母降臨，同章魚和好，施展神力，override晒之前所有限制，死者返生，再注入滿滿嘅正能量畀所有人，父慈子孝，全員相處融洽，都可以㗎，咁夠唔夠意外？但咁唔合理嘅結局，係唔會有足夠嘅感染力吖嘛。原作嘅結局就係有類似問題，因為唔夠合理，而有一部分嘅觀眾讀者覺得夾硬唔多收貨囉。

突然嘔個設定出嚟都可以幫佢兜係奇蹟，而唔係故事寫得唔嚴謹
睇得出你真係好愛呢部作品，所有缺點其實都可以係優點嚟

其實冇咩好拗
兩邊著重既位都唔同，點拗都唔會有結果

咁樣犧牲自己改變佢哋三個唔係太接受依D

當然同意「章魚動機係想全員happy end」，作者自己想寫全員happy end亦都冇話對錯之分。只係喺通往全員 happy end 嘅劇情發展，係咪make sense，可以說服到觀眾就會係關鍵。

而相對，作者冇辦法控制讀者用乜嘢視角去睇佢個故事，因為呢個係讀者嘅選擇，亦同樣唔會有對錯之分。所以作者應該做嘅，係盡量做到無論喺乜嘢角度睇，個劇情發展都會係make sense冇犯駁，咁先至說服到觀眾，同帶到感動畀觀眾。而喺呢點上，我覺得作者喺埋尾呢part係做到未夠好，中意/期望 happy end 嘅觀眾可能會睇到好滿意，甚至覺得得到救贖。但其他觀眾就可能因為個開展唔合理嘅地方而共鳴唔到。

而於雙方仇恨度方面，真係有得斟著。我羅列嗰堆欺凌暴行都特登唔提隻狗，因為隻狗喺嗰個時間點未被黃毛搞走。但單純淨係嗰堆暴行，應該都拉到個仇恨度去到極高嘅水平，係咪no return，當然可以話因人而異。但換轉係你受緊嗰堆暴行，又接唔接受到同施暴者開始做frd先？如果自己都唔得，其實好難對呢個劇情發展產生共鳴。

接受到，俾原罪牽住走無謂既仇恨冇任何意義

其實係
希望之後出多d產品 想買番隻章魚p

最大既犯駁點都係個happy能量啫
但佢唔係機械降神話點就點，用左係有代價
我自己覺得咁已經足夠
本身呢類科幻故都係任作者講

至於仇恨方面，我地局外人係冇得憑自己經驗去推測，作者都冇正式俾個黑毛視角公布答案，但從第一、二集黑毛既表現黎睇，我自己覺得係未到個點

我係好中意呢套野，因為有教育意義而又紅嘅動畫一向少，又可能係我見識少啦
其實你講果啲所謂缺點大部分人都冇點理，因為根本冇影響到個評價再捉錯處落去冇意思

合唔合理根本唔重要
你望下上面個tweet就知說唔說服到觀眾
同啲欺凌撚一樣望錯哂重點