[七月新番] 章魚嗶的原罪2

我都覺得ending完得太快太理想
但冚家產結局日本應該唔會出得街

今集真係喊到仆街
章魚果句佢都唔知點做 但捉實女主隻手 開心握手 我屌
好多野真係解決唔到 都冇人知點做 但果一刻有一個陪伴其實已經好足夠

94樓其實答埋
重點係帶唔帶到個故事嘅message出嚟觸動觀眾讀者
個別角色good end 定bad end 其實唔係關鍵，因為唔會因為咁喺現實有真人受傷，除非有痴線佬因為無BBQ good end就寄刀片畀作者喇

其實呀哥頂罪呢個point邊到黎
日本最出名連坐,屋企人殺左人會累晒全家未來
最出名就係秋葉原隨機撞人殺人單野,個兇手細佬俾佢累到離婚最後自殺埋

個男既頭家都散晒 都等仆街 都算
但點都唔係完全無視左 死左既黃毛囉
如果係既話隻章魚 有老退化症

章魚既角度就梗係想兩個都救
而唔係由得一個死撚左 然後陪其中一個

就係唔救既話成套直頭爛尾
咩message都帶唔到
仲差過宜家呢個

章魚就係想兩個都救
點可能一個死撚左 當無野 陪另一個
點觸動觀眾
除非中間回憶2022既劇情cut左佢就得

其實唔強求所有人都good end就唔會係大問題。
好少少嘅可以寫章魚勸黑毛自首，但陪佢一齊受罰，去救返東一家。唔咁寫，都可以寫黑毛、眼鏡仔深切反省但內疚一生，其實都係一個做法。係bad end 呀，但帶到多一個message出嚟，「人生其實無得返轉頭」，犯過嘅錯係會跟一世。
其實開頭章魚扑壞咗部相機，冇得再輪迴，我以為會行呢種路線，點知最後夾硬追加設定開外掛

講到明他(直樹)的同學 (靜)
點解咁多人覺得係潤也頂罪

同埋直樹唔夠秤有少年法保護

係囉新世界線應該冇咬到茉莉奈冇死都正常

為左帶message而舖劇情
使唔使加埋啲老豆老母 有報應
例如黃毛 老豆比人帶綠帽
咁咪又可以多個message話做壞事會有報應 風水輪流轉

「有咩事都好 要搵人傾訴咩」啱呀
咁章魚最後輪迴前有冇同黑毛傾，有冇聽黑毛嘅諗法？無喎 咁咪同呢個主題有抵觸囉。咁同呢個message相抵觸嘅做法，都可以迎嚟BBQ good end，咁又傳緊啲乜嘢message出嚟呢？唔駛同同伴商量㗎其實，總之我賭啱咗就得啦。咁樣？

咁佢最後輪迴寫到咁欠缺說服力，其實真係作用唔大喎。

章魚立場當然係三個都想救啦，但黃毛已死喺當刻已成事實，喺當時能做應該係救得一個，而佢最可能救到嘅只係黑毛，眼鏡仔直頭同佢道別，多數係愛莫能助。個故事開波冇耐就扑壞咗部相機，冇得輪迴，本身係應該行「人生冇take 2」呢條route嚟玩，救唔返黃毛根本係well expected啦講真。「犯過嘅錯冇得當粉筆字抹咗去，個結果係會跟一世，所以要謹慎」唔通唔係一個值得好好發揮嘅message咩？

作者臨尾咁樣追加設定，夾硬開外卦畀佢輪多一次，反而係浪費咗開頭扑壞相機呢個情節。

搞清楚，bad end 唔等於爛尾。
係最後輪迴之前，唔通黑毛打章魚嗰段，眼鏡仔道別嗰段，都冇嘢觸動到你？冇message拎得到？

如果作者寫到唔可以用輪迴去救黃毛/眼鏡仔，唔會冇message get 到㗎，個message咪就係生命冇take2，犯過嘅錯會跟一世囉，開頭扑壞相機，係預咗會咁樣冇得再輪迴個喎。

2022嗰段可以係畀咗個意義章魚，原來自己以前已經犯過一次錯，今次唔可以再犯錯害死埋仲未死嘅黑毛囉，至於佢今次都害死咗黃毛，內疚一世囉。係好sad呀，但message好清晰呀，犯過嘅錯真係跟一世。

為咗帶message而鋪劇情有乜問題？
個故仔都係為咗帶出某啲message而寫㗎啦，呢套又唔係啲無腦爽番。
但要個故事合理先有說服力吖嘛。

寫唔寫惡有惡報，就真係睇作者有冇呢個野心同功力喇。至於「人生冇得返轉頭」呢個message喺作者寫扑壞相機時，應該係想用嘅，不過最後自己追加設定輪迴多次毀咗啫。

個尾 寫得幾差吓
章魚嗶 冇啦啦嘔個設定 動機 timing 要犧牲自己
最慘係 自己 & 幫助既兩個細路女 都冇成長
然後莫名其妙 因為記憶做咗好朋友
真係寧願你用法寶解釋

睇曬6集之後 究竟作者想表達啲咩
個反轉 又唔係寫得好impress 明明可以畫得好對稱
而家搞到 立意 情節 都平庸
除咗作畫 冇咩嘢想讚

巴打，你踩到咁盡得唔得㗎？
我淨係檢討結局合理性不足，其他都係讚，都已經畀幾位fans追住屌

只能夠講你個ending好悶好平淡
而家呢個有啲唔合理但至少章魚p做到佢一開始就做嘅嘢，就係想大家都happy

章魚公仔係個契機令佢哋記得番同過佢生活嘅散碎記憶，亦都記起溝通會帶來好多快樂，咁佢哋自自然就會去溝通，互相了解，原來佢哋一樣咁慘，我相信呢度應該唔需要做多6集睇佢哋點和好？

突然嘔個設定出嚟其實係個奇蹟，現實唔會遇到奇蹟，但現實仲可以溝通，對有家庭問題既細路黎講，與其解決問題不如比多啲時間陪伴同了解佢哋

睇過一轉英文留言，發覺鬼佬果邊比起中文區呢邊理解得更深
唔知關唔關教育事

我覺得章魚公仔唔係令佢地friend既原因

純粹帶出佢地雖然一直都記唔起章魚嗶
但同過章魚嗶相處個段記憶
潛意識影響左佢地之後既行為

黃毛都係恰女主
但冇過分到要去搞佢隻狗
狗狗仲係度女主就唔會自殺死

東因為嘗試左同佢呀哥嗌交
發現自己唔洗再由女主認同獲得自我價值
唔再沉女主
將來就唔會飛左黃毛搞到黃毛老母發癲
避免左殺佢老母然後自殺既悲劇
黃毛都唔洗死

結局都冇講所有野變得好完美
有d野搞唔掂就係搞唔掂
只係大家可以長大 出現唔洗有人死既ending

最後章魚嗶冇再咁大想頭想幫到個個快樂
只係講
「給2016年的你、妳、妳，希望你們長大成人」

個結局無咩問題，成套作品好完美，整体性都高，作者由第一集鋪出黎既野到結尾全部收番曬。劇名到OP 歌詞既都對應全集劇情，用心到連搵既歌手以前都有過被欺淩經歷。

作品名岩岩好對應所有BAD END都有章魚插手既錯
1.靜自殺，章魚不知靜心裡苦，比條絲帶佢，結果回家靜自殺，如果無章魚路線未來新聞寫靜自殺未遂
2.自己變成靜捱打果幕，不知人類感情亂講野，搞到黃毛用筆插落佢隻眼
3.唔小心搞到黃毛遇見樹拍拖，最後仲想搵樹，無陪黃毛行開左，結果回家黃毛反殺老母
4.主線自己殺左黃毛，惹埋樹做幫兇，令阿哥失業同診所入困境(日本好鍾意排斥殺人犯/幫兇家屬)，靜都黑化埋

章魚最後做咩要犠牲？章魚都有講過依條時間線，靜已經笑不出來，佢由頭都尾只係想靜笑，但自己又乜都唔識，無能為力，怪自己當初無好好陪佢身邊同無了解人類真正想要咩同內心痛苦，但條線已壞，黃毛又已死，靜又笑唔到先決定犠牲自己重置換靜笑容。

最後ENDING 算係咁，大人都係繼續仆街，但章魚犠牲令到兩個人有溝通後，無左欺淩自然避免左日後一堆BAD END發展
而個ENDING 都應驗章魚，令靜要有最燦爛既笑容，事實上靜應該係最快樂果個黎，有狗又無被欺淩又多左個"溝通對象"。

乳牛巴呢幾年去左邊

IG page同連登都潛哂水

有冇留言例子，唔想睇片

你用錯視角睇件事
作者/上帝視角你的確冇錯
真係冇必要強行redo追求good end
不過呢個係作者選擇，冇話對錯
而你探討既係合理
咁果個位就應該用章魚視角去睇件事
以章魚性格
佢想幾個細路都有相對好既結局先係合理

至於欺凌，佢地仇恨完完未到你講既地步
黑毛真正no return係冇左隻狗
片尾都專登畫俾你睇
至於黃毛佢本身都唔係真係憎黑毛
只係遷怒

不過作者都冇畫到黑毛被欺凌既心理狀態
都係果句，我認同呢部分處理得唔好
但未到完全唔合理既地步

求其搵條鬼佬片禁入去，下面啲留言都好正面