一手居屋/綠置居/首置盤討論 - 56

問題係冇用mic都出事，貴到3000萬嘅私樓都係咁，300萬嘅居屋漏水好出奇？

如果買左房協樓就算唔係mic 漏水搞到屋企自費家俬電器壞左，都係靠自己保險去賠？上網成日睇到又要自己搵公證行搵原頭搵完房協又唔承認，依家買樓好似賭運氣咁

睇私樓片質素真係唔好得居屋好多

但居屋就四面牆同廁所+廚房，私樓就有傢俬地板已整好

買得房署樓，根本無得避

除非白居二舊樓

因為買居屋啲人鍾意拆嘢，如果你有時間爬文，就會睇到買房協都打算拆牆改間隔

明明人哋個則唔差，有開廚、梗廚自己選擇，但啱啱入表未攪珠已經想拆牆，有舖癮㗎

覺得唔係門對廁所應該都唔駛拆
同可能拆左裝修方面多d變化？

而家同一個居屋，size相近都唔一定係開門見廁，有唔少係大門移咗少少位，揀自己啱用咪得囉，而且咁信風水嘅，早就發達買地起屋啦，做咩要買資助房屋

而且有好多人係比裝修佬、裝修片洗腦

和諧式：5鬼拍門，改廁所門，由廚房入去；廚所大，嘥位，拆牆啦

康和式：啲房細間，小朋冇活動空間，拆牆啦

舊公屋：騎樓位嘥咗，拆牆啦

新居屋：廚廁對調，拆牆啦

任何設計：咁樣嘥位，拆牆啦

到時買左要追你既裝修post

做咩唔睇官網
https://hos.housingauthority.gov.hk/mini-site/hos2024/common/pdf/Annex-IV-Flat-Selection-Arrangements-during-Tropical-Cyclone-Black-Rainstorm-C.pdf

未買都可以睇，有唔少巴絲分享咗實用資訊

係未要全爆重新做過防水先掂? 簡裝應該真係會水舞間

都係睇運氣，我最擔心本身冇事，諗住重造穩陣，點知個裝修佬hea 做，我又唔識，住幾個月先出事

一係執修一係全爆二選一
唔搞就等住到下面投訴你

其實防好唔難，我都走去睇片學
簡單裝修就好似條片咁試水射地台射角落射夠一排睇顏色
全爆就做完防水叫師父試水浸晒成個地台過一晚，水位冇低左就叫做合格

香港MiC 用咗十幾二十年，只係以前個名叫prefabrication，有無問題好主要睇班香港師傅做唔做足功夫黐埋d 件，聽聞依家d 師傅亂9咁來

立體預製廚廁整體來講少問題好多

其實佢呢個則有咩問題，風水角度，只係唔好開門見馬桶。
個廳可以有三面完整牆身俾你用。
真係要批評，就係如果右邊間房係主力牆，咁房門既改位彈性就少咗。

全爆啦唔好慳呢啲錢

我都覺得呢個則唔差，類似和諧式，但當年和諧式啲人改廁所門由廚房入，再縮細廚房，咪變咗呢種則囉

而且和諧式廁所可以整埋浴缸，比人屌嘥位，而家改細，又嘈

正常使用會唔會嗰個位射15分鐘水

下星期三揀樓
有冇咩要注意
諗住要觀塘一房
訂金係咪轉數快就得
係咪要搵律師 有冇推介

睇安秀、安柏嘅管理費
再睇兩者樓書

我覺得秀好過柏，但柏嘅外觀好吸引

可以轉數快，記得改上限，目前HSBC唔順利

安秀安柏揀完樓搵律師，唔想煩用房署嗰個，想慳錢+保障自己用隔離座

另外要睇返安秀新聞，某座中層出過意外，介意嘅揀其他

最重要係你知道做開荒牛

驗樓唔係最少都要射半個鐘？

應該買安柏 安秀剩返唔多
安秀有咩優點？

本身住觀塘呢邊
諗住一係啟德 一係安達臣
但啟德得返開放式 安達臣仲有400呎
預左做5-10年開荒牛