[多圖][Live] 繼續700日環遊世界

講開現代土耳其野心 就諗起鄂圖曼一戰末期對亞美尼亞人屠殺 百萬人斬

又未必既，佢地興去埃及/中東
我個 walking tour 導遊直情有希臘護照 lol

係，不過今次無去個大屠殺博物館睇

香港廢極做M記保安，囉綜援都有政府雙糧比你去日本旅行

其他地方係當下生活都係問題，又難搵工

有希臘護照直頭正啦進可攻 (去歐盟地方住同做嘢) 退可守 (留係亞美尼亞)

係呀，唔知佢點得嚟

經濟好差？

Day 413 格魯吉亞

由亞美尼亞嚟到北面既喬治亞/格魯吉亞 Georgia。

Georgia 作為基督教國家，我成日以為國名同聖喬治有關（仲要國旗係五個聖喬治十字），點知又唔係。

格魯吉亞係波斯人對佢地既稱呼，佢地叫自己國家做 საქართველო Sakartvelo。

Georgia 有自己既語言同字母，咁都唔出奇；最特別既係格魯吉亞語唔屬於印歐語系，係高加索獨有既產物。


格魯吉亞國旗


首都提比利斯景色

但係格魯吉亞係咪同西方文明好疏離呢？又唔係。

由於格魯吉亞既西面鄰近黑海，已經係希臘文明會接觸到既地方。

希臘神話裡面既伊阿宋同阿戈號英雄，正正係喺格魯吉亞搵到金羊毛。

連偷天火既普羅米修斯，傳說中都係綁喺格魯吉亞既高山上受罰。


二千年前既金杯，造工精致


格魯吉亞同俄羅斯關係交惡，所以都想爭取入歐盟，不過應該有啲難度

你點會感受唔到??

好jealious u

早十幾廿年希臘護照「賤賣」
金融海嘯嗰陣希臘破產 經濟有史以來最差
買間屋已經有護照

唔知係咪嗰個時候得返嚟

而家歐盟內部都問題多多 (政治上 經濟上 內憂外患)
短時間仲邊想再加入新成員

唔知呢，我聽得最多係英國經濟好差

都唔出奇
咁都幾抵玩，話嗮係黃金護照

佢地想啫
連國會外面都係歐盟旗

英國都唔算最差啦 德國直頭經濟衰退咗兩年了
積弱嘅國家就繼續積弱

反而波蘭近幾年增長得唔錯 每年有3點幾%

可能因為德國去漢堡，所以還好
不過我上一次嚟歐洲（唔計英國）已經係十年前，都好難比較

Day 414 高加索山脈

今日 join 咗個 day trip，去睇下格魯吉亞北面既高山。

格魯吉亞北面係高加索山脈，隔座山已經係俄羅斯。

近年格魯吉亞旅遊業越來越發達，通常都係推介嚟睇雪山。

今日雖然睇唔到雪，不過仍然覺得好動人。


高山上既教堂，有如仙境

不過據導遊話，最靚既山景要由首都出發兩三日先去到。

不過唔緊要，下次等冬天有雪先嚟啦，仲可以滑雪。


由教堂望出去既景貌



山中空櫈


蘇聯時代既俄格友誼碑，一開始中間係俄國母親抱住格魯吉亞仔仔

Day 415 飲飲食食

格魯吉亞除咗有雪山，仲有好野食。

呢度有獨有既格魯吉亞麵包、批，總之所有烤焗類食物都好好食。

唔單止係咁，格魯吉亞仲（聲稱）係世上第一個釀酒既國家，已經有八千年歷史。


最好食既 Adjaruli Khachapuri，中間係芝士同蛋，撈勻後搣開旁邊既麵包點嚟食


當地麵包鋪，雖然其貌不揚，不過樣樣都好好食

傳統上格魯吉亞人用陶罐釀酒，先用腳踩出葡萄汁，再連皮帶核擺入陶罐裡面熟成。

釀好之後酒渣仲可以用嚟蒸餾出烈酒，當地叫 chacha；佢地仲會整白蘭地同啤酒，總之咩酒都有。

當地人亦都理所當然地好中意飲酒，周街都好多啤酒肚大肥佬；佢地傳統宴會上亦都要不斷比 toast，不斷灌酒，不醉無歸。


釀酒既陶罐


雖然唔識品酒，不過飲落感覺唔錯，仲要好平，每支都係七八十蚊

Day 416 離開高加索

今日搭飛機離開高加索，去烏茲別克。

今次嚟高加索，都算係一個意外，本來只係想睇下前蘇聯其他屬國既境況。

不過嚟到先發現，原來高加索有好獨特既文化，而且好多地方歷史都好悠久。


提比利斯舊城無乜經過整修，幾有特色


經過一個閣樓，見到有啲泡泡吹落嚟

不過雖然有獨特文化，有靚景，有好酒好野食，喺度旅行算唔算好開心呢？又唔算係。

具體原因我講唔出，可能係覺得本地人唔算好友善。

有啲似平時過住封閉生活，習慣咗圍爐，唔係好習慣見到外國人。

所以見到遊客，會有種敷衍了事既感覺。

當然啦，自己只係走馬看花，所以呢個判斷都唔係好作準。

如果識到本地人做朋友，可能又會有另一種體驗。


最後一日既日落


提比利斯夜景

最大轉別應該係covid既影響，依招七傷拳打死左好多人

格魯吉亞淨係諗起Stalin
睇過一本書講佢鄉間嘅別墅 同訪問服侍佢嘅廚師 (重點係呢個) 都有提及嗰度風景真係好靚

高加索三國睇落幾吸引，交通改善下的話應該更多人會去
期待你中亞行程同遇到嘅人同事

題外話 其實要襯少人嗰陣去咗先
而家太多地方over-tourisum