[多圖][Live] 繼續700日環遊世界

係華沙博物館嗎？
我覺得格但斯克靚啲

yes，但澤自由市

係呢個

Gdansk係靚啲
不過重建難度就一定係華沙 因為個城係100%全滅

華沙博物館我都未有時間去 上次去嗰一個星期都未睇得晒啲嘢

睇ig應該唔過30歲

不過華沙的確好多地方去
好多博物館，有排行

Day 395 波蘭買電話

嚟到華沙，第一件事係買電話。

話說我之後會去俄羅斯，但最近俄羅斯政府收緊政策，幾乎無可能買到實體電話卡，好多去過既朋友都叫我買 e-sim。

我初時都唔為意，買左e-sim 試裝時先發覺，原來我兩部電話都無 e-sim 功能；雖然肉痛，唯有買多部電話。

喺波蘭如果想買平電話，一係去當鋪，一係去整手機既鋪頭，佢地大部分都集中喺火車站附近既地下街。

我行咗幾間，終於搵到間價錢平啲既。

行入去，裡面係個東歐彪形大漢。佢問：My friend, what do you want?

聽到 "my friend"，我即刻諗起喺印度遇到既騙案，不過都係硬住頭皮同佢講，I'm finding a phone for e-sim, a cheap one is ok.

大漢聽到 cheap，有啲不悅：Cheap! how cheap do you want?

我隨手指指櫃檯啲電話，話隨便一部都可以，最緊要有 e-sim。

佢攞起一部電話，話有 e-sim 功能。電話原價 799，如果我要，計 700 都可以。

店主竟然主動減價，令我有啲戒心，於是我又行咗出去。

但兜多個轉，的確係呢間最平，而且其他店鋪好多電話都無 e-sim。

於是我又走番入去，玩緊手機既大漢好似估到我會番黎，入嚟就話 ah so you are back。

最後用 700 波蘭紙買咗部電話，啟用埋個 e-sim，暫時好似還好。

希望之後都用到啦~


地下街

Day 396 蕭邦

波蘭亦都係蕭邦故鄉。

喺蕭邦博物館，唔單止有介紹生平，更加有全套作品任聽。


附近既 street art



唔單止介紹作品，仲有得聽。錄奏蕭邦最後一首波蘭舞曲既鋼琴家係李嘉齡



今日天氣都好好，喺公園睇咗陣書

Day 397 華沙

華沙係波蘭首都，亦都係最大既城市。

二戰時候納粹德國同蘇聯瓜分波蘭，華沙比納粹佔領。

之後蘇聯反攻，就快攻入華沙之際波蘭人乘機起義，點知蘇聯軍隊就喺河邊靜觀其變，結果波蘭起義軍幾乎全滅。

納粹最後雖然比蘇聯趕走，但臨走前幾乎將華沙夷平。

而家見到既華沙舊城，係之後波蘭政府重新再起。

而且因為復修得好完整，舊城更被列為世界文化遺產。


華沙舊城


市中心既美人魚像，都要攞住把刀

波蘭歷史上係個好悲慘既民族，唔單止國土被多次瓜分，而且幾乎每次起義都失敗，每次起義之後都被鎮壓得更嚴重。

但係每次鎮壓，都令波蘭人既向心力更加強。

就好似波蘭國歌所講，只要佢地一息尚存，波蘭就唔會滅亡。




波蘭美食

Day 398 居里夫人

喺華沙仲有居里夫人博物館，由佢既故居改建。

居里夫人可能係上世紀最傑出既科學家之一，唔單止兩次得到諾貝爾獎，而且仲要係唔同領域。

佢唔單止發現咗放射性元素，更加發明咗放射性療法同移動 X 光機。

作為一個百幾年前，出生喺窮鄉僻壤既女子，居里夫人要突破既 glass ceiling 簡直係無法想象。


博物館外貌



展覽內容

居里夫人能夠成功，除咗因為天份同毅力，亦都因為科學成就相對客觀，有就有，無就無，無得否認。

不過當初諾貝爾委員會其實都唔想比個獎佢，係居里先生堅持，話你一係唔比，一係就兩個都要比，委員會先勉強應承。

到第二次頒獎，當時居里先生已經過咗身，居里夫人同另一個人傳出緋聞，諾貝爾委員會又要居里夫人澄清咗先肯頒。

不過居里夫人（應該話係瑪麗亞·斯郭多夫斯卡-居禮）無就範，剩係回信話，佢相信科學成就同私人生活無關。

瑪麗亞最後因為接觸太多輻射而死，生前無為佢任何發現申請專利。


居里夫人最鐘意既一幅相


生前手稿


紀念版畫

波蘭生活/旅行係歐洲黎講，都算唔錯

$700波幣買到咩電話？

千幾蚊港幣 好奇邊個牌子電話嚟嗰度多數賣咩牌
諗起去波蘭都冇睇過電話舖

當時經過但冇去到呢間博物館 (唔記得冇關定咩原因) 真係要一去

嗰度附近有間烏克蘭餐廳 有基輔雞 餃子等傳統烏克蘭食物

留名 支持樓主

我覺得比物價比想像中貴
連 milk bar 都要六七十蚊
Iphone xs lol

Iphone xs , 多數係 iphone
都有小米華為~

波蘭都有好多烏克蘭人
好似話最叻嗰班就哂過嚟

華沙啲嘢可能貴啲 五六十係zl定港幣先
去到好遠Bialystok啲平民區就平啲
不過就幾大份

仲有接重量計嘅「自助餐」
平食1000g大約六七十zl 即100g六個幾zl

可能都有啲歷史因素 以及波蘭以前嘅邊界問題
當時東部係有烏克蘭人混居 (但二戰時同之後都發生過清洗)

太多烏克蘭人去避難

識個烏克蘭妹，最多人去波蘭,好多人去西班牙（話有善），男既就唔比出境

數據係波蘭收咗約100萬人 係歐洲之中最多

友善可能係其中因素 但西班牙政府嘅政策就唔知幫佢哋幾多了

講真波蘭本身都幾排外 而且右翼民粹主義堀起 (其實歐洲呢十年八年都係咁)
不過一嚟歷史上兩個地方係有密切關係 可能有親屬係波蘭 亦距離最近

港幣啦
發現香港啲茶餐好平

但細份兼難食呢所以已經好少出街食

波蘭最大範圍都包含烏克蘭一帶，唔知關唔關事 xd