[多圖][Live] 繼續700日環遊世界

係點樣既風格呢？

今年係加咗價呀
要平兼「較可靠」寧願搭大巴
廉航暑假應該都貴

其實都係懶有啟發，實質無咩意思 xdd

係漢堡應該要食「魚堡」Fischbrötchen喎


有種魚叫「鐵血宰相俾斯麥魚」Bismarck
其實係醃希靈魚嚟

試咗呢個本地菜 labskaus，係薯蓉碎牛肉 + 醃黃瓜 + 鯡魚



導遊話傳統上啲水手無咩牙，所以要食啲碎碎濕濕既食物

Day 374 阿姆斯特丹 - 漢堡


告別荷蘭，好遠見到荷蘭乳牛


歐洲成日見到既風車，近睇好震撼


嚟到漢堡，一出站就見到宏偉既市政廳

荷蘭梗係搵銀行支票

Day 375 漢堡

漢堡係德國第二大城市，亦都係歐洲第一大港口。

當年佢係漢莎同盟既重要成員，之後係工業時代得到復興，所以到而家仍然好 vibrant。


漢堡同阿姆斯特丹一樣，都係運河城市，以前既屋都有啲似


漢堡亦係德國最大港口，海邊既倉庫城係世界上最大既倉庫之一


倉庫城仲有模型樂園，係世界上最大既火車模型，幾符合德國人人設？



模型做得好認真，有夜景，仲有控制中心


海邊既易北愛樂廳，係漢堡新地標


音樂廳上面有瞭望台，可以見到漢堡港

Day 376 幸福感

漢堡比我既印象幾好。呢度既人感覺比阿姆斯特丹輕鬆，但係又有自己既成就同步伐。

諗諗下，可能漢堡都係德國最發達先進既地區？

今次既旅程，一開始就嚟到人類幸福感最強既地方-- 荷蘭、德國、丹麥、瑞典……

可能我可以做既，就係探究一下佢地幸福感背後既秘密。


當地有個 local greeters program，有本地人帶我周圍睇下，了解佢地既生活。圖中既漢斯先生係退休銀行職員，帶我去咗個類似德國深水埗既地方


漢堡既綠化做得好好，周圍都有綠蔭草地


喺漢堡食漢堡

Day 377 漢莎同盟

離開漢堡，途中經過呂北克。

漢堡同呂北克都係中世紀時代漢莎同盟既重要城市，當時沿岸城市既商人組成聯盟，控制波羅的海到北海既貿易。

全盛時期既漢莎同盟，唔單止有能力控制商貿，更可以制定法律，甚至同丹麥開戰。

不過隨住民族型國家既興起，鬆散既漢莎同盟亦逐漸衰落解體，不過德國而家既國營航空仍然叫漢莎。

我問琴日見到既本地人漢斯先生，佢話而家形容一個人似漢莎，代表富而好禮，低調而講究紳士派頭，睇嚟都係一種美好承傳。



呂北克，可以想象全盛時期既盛況



去丹麥途中更有機會搭汽車渡輪越過北海，好驚喜

諗起前幾日睇嘅報道 關於德國城市幸福排名
特大城市當中 漢堡算最高
排名第一嘅Kassel 只係中型城市


In which German cities are the residents the happiest? https://share.google/5MNbhTDNLCuLQoRJ9

樓主又更新啦
想問吓你去完咁長旅行會唔會有旅行後遺症？
近期去完長trip返嚟好失落

分享下

正常都心思思想玩，但旅行唔係種生活，反而想追求/想體驗下新生活

如果返嚟之後好快就返工 根本冇時間去失落
另外會即刻再計劃下次 更加冇時間失落