[多圖][Live] 繼續700日環遊世界

比我簡多次出世 ，香港同台灣 一定簡香港

識左個住西班牙既烏克蘭網友，佢返左基輔整簽證，咁岩去左第2個城市探屋企人，之後就send左基輔比飛彈炸既新聞片我睇，真心好慘

上次去哥本哈根都有去Christiania但無緣見到佛塔
個城市真係好寫意，當地人都幾友善只係唔係英國嗰款有啲假既友善，設施相比其他歐洲大城市又乾淨又比較可靠，野食就算平價泰國菜都有質素，又算容納到其他種族宗教
無倫敦香港呢類大城市既匆忙擠擁，但又有一定生活便利同多元化，或者幸福感就係咁來

台灣而家有不確定性 香港則已成定局所以「穩定」
求穩定同求財嘅話會揀香港

total洗左幾錢玩左咁耐？

巴打點解咁有米

辭工遊世界

係呀幸福係好主觀既一件事
太多慾望就會唔幸福
所以我都奇怪好多佛教國家係個研究上都唔算好幸福
不過都係只作參考好了

可能以前都係呢種感覺
而家乾淨咗，商業化咗
但係變咗有少少似主題園區
帶我地導遊既老人家好欣賞咁既變化，覺得安全咗好多
不過唔滿意既人可能都搬走了，我都唔會見到

唔係啊，可以睇番置頂嗰度
接受唔到就唔好去？旅行都係想開心安心

有個 where to be born index，香港仲高過芬蘭
https://worldpopulationreview.com/country-rankings/where-to-be-born-index-by-country

其實如果隨機投胎既話，會有超過一半機會喺非洲/印巴出世，所以我好滿足了

我暫時遇到既英國人都算友善啊，不過巴打可能再深入啲
今次旅程好搞笑，一開始全部都係幸福指數最高既國家，所以而家都感覺好幸福（雖然可能因為係旅行緊 ）

到你印巴，南亞出世，你既夢想就係去香港送外賣

嗰啲全球乜乜乜跟本信唔過

LM SUPPORT

係架,參考下就好

而家樓主係邊？

愛沙尼亞

又爛尾

幾日一更

見IG reels有相
幾靚

係呀尋日搭船，好靚
原來絲打有睇

一路都有睇呀 不過冇留言

Day 381 斯德哥爾摩


嚟到瑞典，先食個豐富早餐，前面既 halloumi 好好味


斯德哥爾摩舊城區，係一個中世紀小鎮


市政廳，亦係每年頒諾貝爾獎既地方


斯德哥爾摩亦有好多運河，曾被稱為北方威尼斯


嚟到瑞典，去宜家傢私行下；不過市中心呢間唔算好大


肉丸味道同香港一樣，可能都係同一個來源


真。肉丸，好食好多


喺超市買到傳統醃鹹魚 surströmming，可能係世界上最臭既食物

翻譯：姐係感受日常嘅「小確幸」

Day 382 北歐模式

北歐國家長期並列最幸福國家頭幾位，除咗有文化因素，佢地經濟上亦都採取北歐模式。

所謂北歐模式，就係用高稅收提供高福利，有優質教育醫療，重視工人權益等等。

通常喺高稅收環境下，生產力就會下降，或者商家會逃稅；但係北歐就做到持續增長，人盡其才。


北歐博物館


地鐵裡面既大型壁畫

好多人都想知北歐模式可唔可以套用喺其他國家，可能答案都係一半一半。

首先北歐國家小國寡民，同質性高，國民凝聚力強，願意交稅支持其他人。

其次北歐長期政治穩定，國民彼此信任，亦都相信政府可以妥善運用資源。

所以對於其他大國，或者政治環境無咁穩定，就未必完全實行到北歐模式。

不過喺持續增加移民既環境下，北歐各國可唔可以繼續維持，都要拭目以待。


瑞典人都好注重 work life balance，平時會有 fika 時間，返工有 coffee break，同同事吹下水


北歐人亦會放暑假，停工去郊外享受陽光

Day 383 維京

嚟到北歐，亦都睇咗好多維京人既展覽。

以前會以為維京人都係海盜，而家先知佢地平時都係種田為主，有需要先會變成商人、航海家、戰士。

維京人既足跡亦都比想象中遠，向西去到格陵蘭、北美洲；向東沿住黑海到達君士坦丁堡同巴格達，仲做過拜占庭皇帝既親衛隊。

甚至原來征服英格蘭既諾曼人，成立基輔羅斯既羅斯人，其實本身都係維京人，改寫歐洲歷史。


維京人公仔


維京人足跡


喺維京人遺跡竟然搵到佛像

維京人相信北歐神話，相信命運，相信佢地死後進入英靈殿，直至諸神黃昏。

唔知係咪咁，我總覺得佢地既人生有一重悲劇既色彩，雖然每日大杯酒大塊肉，但係知道呢一切終會毀滅。

唔知係咪咁，維京人無咩留低文字記錄，唯有剩下遺跡，比考古學家慢慢推敲。


維京人既盧恩石碑，描述神話裡面既片段



維京遺跡起出既寶物