連一大舊肉嘅片皮鴨算唔算係香港特色菜？

食過呢兩間都淨係得皮
小二特登挑走晒d肉
好浪費

香港人：屌你老母得層皮貴過食隻鴨
餐廳：俾埋啲肉你囉

懷疑係d廚師刀工唔得, 又或者香港講效率, 求鳩其落刀有皮就得, 肉理鳩得你

細個都係皮為主, 睇住個師傅落刀真係片, 細細塊, 而家叫切, 直頭有d肉大過塊皮

切埋肉一隻可以賣兩份
純皮得一份

大陸仔發現

你識唔識架，片皮鴨係廣東話講法，但係同一樣野黎

片皮鴨只係北京填鴨嘅廣東話講法本身就唔係粵菜

佢話北京填鴨係肉多過皮我已經覺得佢係鳩up

富東閣世一

你先唔識
片皮鴨係用廣東燒鴨整
一開始隻鴨既整法唔同
片皮鴨片埋大舊肉係唔好食架
所以先只係片皮或者得小小肉
重油香又香口

要去專做片皮鴨嗰啲餐廳先會好啲
酒樓（特別係啲婚宴專門店）食嗰啲多數都係鳩做

北京最老字號既北京填鴨 便宜坊
上到黎就係咁樣既


你點見到佢皮多過肉
到底邊撚個鳩up

正式嚟講，片皮鴨只係北京填鴨在地化演變過嚟，本身唔係粵菜嘅一種，正宗北京填鴨甚至係要點埋砂糖食，但見你話北京填鴨係肉多過皮吹捧粵式片皮鴨只會覺得你係一知半解

係咪你自己以為係咁咋
香港人叫嘅片皮鴨，一直都係指北京填鴨，不過喺香港當然係難揾到真正「填鴨」，用差唔多嘅燒鴨片皮賣俾你。所以從來冇「片皮鴨係用廣東燒鴨整」呢樣呢，再講一次「片皮鴨」根本唔係粵菜

即係你覺得日本既中華料理係日本野定中國野
你覺得澳門果d唔係澳門菜而係葡萄牙菜
但去到葡萄牙係冇架喎~!

你咪摷而家啲網上圖片當寶啦，幾十年前嘅嘢，你唔知就試吓聽吓人講，可以嗎？

廣式同京式不嬲有分別！

邊間？ 係咁先好食。

認同你果件野話北京填鴨先係皮多過肉
搵左相比你就跳撚過邊個皮多邊個肉多
人地間野個做法就係吹話係幾百年正宗

唔使懷疑啦。
以前要經理先有資格片， 而家求撚其搵D譚仔阿姐片， 點同。 你同佢講唔要肉， 佢分分鐘教翻你無肉無嘢食。

片皮鴨同北京填鴨有分別，主要在於烹調方法、食用方式同埋製作工藝：
1. 片皮鴨：
• 通常指北京烤鴨嘅一種食法，特點係將烤好嘅鴨皮切成薄片，配以荷葉餅、蔥絲、黃瓜絲同甜麵醬一齊食。
• 強調鴨皮酥脆，油脂香濃，鴨肉可能唔係主要食用部分。
• 喺香港或者其他地方，片皮鴨有時會單獨指鴨皮，或者連少量肉一齊切片。
2. 北京填鴨：
• 係北京烤鴨嘅原材料，指經過特殊飼養方法（強制填飼）嘅鴨，脂肪層厚，肉質嫩滑。
• 製作上，北京填鴨會用果木（例如棗木）喺掛爐或燜爐烤製，皮脆肉嫩，油脂豐富。
• 食用時，除咗片皮，仲可以食鴨肉（連皮或唔連皮），有時仲有鴨架湯或者其他做法。
總結：
• 片皮鴨係北京烤鴨嘅一種呈現方式，側重喺鴨皮嘅口感同配料嘅搭配。
• 北京填鴨係指鴨嘅品種同烤製工藝，係一個更廣泛嘅概念，片皮鴨係佢嘅一部分。
• 簡單黎講，北京填鴨係「原材料+製作方法」，而片皮鴨係「食法」。
如果喺餐廳見到「片皮鴨」，多數係指烤鴨嘅片皮食法；但提到「北京填鴨」，可能係指整隻烤鴨嘅傳統做法。

依家北京外省人當道，河北河南東北扮晒自己係北京人，以前嘅老北京已經所剩無幾，同依家嘅上海人根本唔係上海人一樣，大部份都係蘇北人

便宜坊 可追溯到明朝永樂十四年
間野係1416年到家下
即係人地真係賣左幾百年
你地反而正宗過佢
依家外省人當道咁6百年前呢

佢做鴨嘅方法係正宗，但係而家切嘅方法唔同咗，咁得唔得？我可以好肯定話你知四十幾年前北京便宜坊嘅切法唔係咁囉，因為我食過我都仲好記得叫一隻鴨，上碟係一大碟舖滿鴨片，冇呢啲排得咁靚的。你可以想像吓嗰時改革開放初期，便宜坊都唔係乜嘢高級食肆，記憶中都係人頭湧湧有少少大排檔feel，唔係你而家揾張網上圖片咁嘅樣囉

其實就咁睇隻鴨同香港食開嗰D已經好大分別。
香港D鴨係普通養鴨，無中間個層脂肪， 所以只可以食皮， 如果連埋肉會好柴。
但係大陸D鴨可能真係“填鴨”， 中間層脂肪好厚， 就算連肉都唔會好柴， 同埋滿嘴油香。