乾炒牛河真係好撚難整呀屌

次次一落完豉油就開始痴鑊

去大排檔開放式廚房睇一次啲師傅點炒

你屋企個爐可以開到咁猛？

見過網上有人用氣炸鍋整

我就係跟星星師傅整
但每次落完豉油就開始痴

利申：用窒鐵鑊炒

我覺得屋企唔夠大火夠乾
無穫氣好難好食

其實唔難

你落豉油個陣隻鑊太熱？

乖乖地用隻易潔

廚房有兩大剋星

炒乜嘢個鑊都要燒紅，出晒青煙為止，唔可以心急

冇，我落完豉油先轉大火

唔夠油

你跟呢條友煮已經錯曬啦

行內人一睇就知無料

俾你想像中要多好多油
你見D片炒到乾身因為隻獲 本身生鐵獲勁多油先唔痴
如果用易潔獲都要落勁多 最多炒完索油紙索番

係咪有啲鑊唔黐底？

https://www.youtube.com/watch?v=DUzEpYFO0_k

佢建議家庭用易潔鑊, 你參考下

錯喺邊啲地方可摸耳遂一講嚟聽吓

話你知，秘訣就係隻鑊要夠熱，先先燒紅隻鑊(千祈咪用鑄鐵鑊)，因為鑄鐵鑊太厚，對新手嚟講好難捉到個熱力去到邊度，用一般生鐵鑊(即係以前老竇老母用開嗰啲)，或者用pan都得，薄身少少傳熱比較容易，不過你又要知道如果你用電磁爐(傳熱度係由個電子爐自動控制，因為佢多數有安全感應，自己比較難控制)，又或者一般嗰啲四頭爐火力偏細(如果你隻四頭爐，其中有一個爐頭係猛火嘅話都OK)，因為炒緊嗰陣你落配料落豉油嘅話，你一突然令佢降溫 咁就會黐底，以前嘅單頭或者雙頭嘅煤氣爐或者石油氣爐火力會比較猛啲，假如你解決唔到爐火問題，我建議你可以用易潔鑊就會幫到你少少，不過就會變到唔夠鑊氣，你自己去衡量。
正題嚟喇：
燒紅隻鑊，點為之叫紅？打個譬如，你攞支釘去燒，你不斷燒佢消消吓就會變橙色，咁就為之叫紅，但如果咁樣燒紅隻鑊就會太熱，你要燒到佢將近變色，但係未變之間，嗰種就係叫做燒紅隻鑊，跟住落多啲油，個作用就係令個鑊上油兼陣少少溫，之後落啲牛肉落去走油，兜兩兜拉油拉到佢啱啱轉色，但千祈唔好一啲紅色血都唔見(如果拉到全部變啡色嘅話就即係太熟)，跟住就上碟隔一隔油，牛肉如果你落少少生粉同調味料醃過嘅話，你擺落鑊走油就多數都會有少少黐底，所以你啲牛肉兜咗上碟之後，隻鑊就要洗乾淨佢重新再做過呢個步驟，就係燒紅隻鑊再落多啲油，之後就倒走啲油，留返少量喺度(點為之叫少量？)，就係大約兩茶匙到，你要記得keep住俾隻鑊去熱，一定唔可以俾佢降溫太多(只要降溫太多嘅話就必定會黐底)
跟住落韭黃銀芽，如果你一人份量嘅話 落幾條好喇，純粹釣香味而唔使落咁多配菜，兜幾兜兜香咗之後就落河粉，一路keep住隻鑊俾佢高溫，唔可以校細火，只要你中途個鑊啲溫度一跌嘅話，就好容易黐底，之後落少少草菇老抽同埋少少生抽，你食得重味啲嘅話可以加少少鹽落去，兜勻佢每條河粉都上晒色，差唔多得 就將啲牛肉回鍋一齊炒，基本上啲牛肉一回鑊兜兩兜就會完全熟晒，跟住就可以上碟
記住：牛肉走油之後上碟備用嘅時候，盡量將佢擺得鬆散啲，千祈唔好疊埋，如果唔係佢哋剩餘嘅熱力就會將佢哋熱到縮晒，牛肉過熟就變咗唔好食，可能仲會有啲韌
第一次到到第三次一般嚟講都比較容易失敗，整多幾次工多藝熟就會慢慢識炒，其實炒粉麵飯大致上都係差唔多，重點係你要炒每一個粉麵飯之前，要先先預備好晒啲嘢，炒嗰個過程流暢同keep住猛火，炒出嚟先至好食兼有鑊氣。
出邊大排檔或者酒樓炒嗰啲你係冇得同佢哋比，因為佢哋用嘅中菜爐嘅火力係非常之猛，商用爐同住家爐係冇得相提並論。

會痴鑊一係唔夠熱一係唔夠油，當兩樣都夠既時候，塵世間冇野係會痴鑊

珍落多d油囉
唔係點解出街食野咁多油

多謝巴打詳細解釋


不過我係問緊上面巴打星星師父錯啲乜，而唔係問點炒碟乾炒牛河