33號遠征隊爆機後劇情討論

試晒兩個結局 兩個揀完都sad

直頭哭撚咗

不過二揀一 我都係揀維索

絕對係，要維索做無靈魂嘅殼太殘忍！

兩次揀結局都係由妹角度出發
第一次我真係諗，維索睇得出妹打算留係畫界到死，妹都唔否認，咁唔得啦，要阻止妹
第二次二週目，又諗，妹其實係現實都係生不如死，不如係畫界開開心心過埋佢

不過結局見到佢拜維索 又同一班33嘅人講88 相信都代表佢已經可以放低 返返現實生活
我覺得依個係作者寫嘅good end

　你係咪假膠 隻game邊忽dei呀？

全家沉迷網遊，家姐獨力養家辛酸畫面流出
家姐最尾個樣
個眼神睇唔起你班撚樣


另外覺得畫師有一部分影射緊game creator
文客係媒體
留意到每個人間房都有佢地中意既野，呀妹得打字機
結合故事前文後理，呀妹係文客班人

用呀媽=sony ，呀哥=星鳴特工做例子
火=dei
左媒呀妹不停寫野自含
最尾玩到執笠+自己燒爛把聲
非常合理

其實我不太滿意個結局，一個是女主取代他母親放棄現實自殺，一個是父親和姐的冷酷觀點才是對的，視畫中生命於無物，專注現實，兩個結局也代表整個故事的經歷沒有改變過任何野，也沒有任何進步，最理想的尊重畫中生命，也會回到現實，當畫是度假的選項竟然最後說是假的。。。

係，明顯作者特別鍾情於呢個選擇，但呢個選擇好有BUG，亦都令到女主成個經歷毫無意義，因為如果女主在燒畫結局一樣可以放下畫界，快樂返回現實，那她本身已經可以做到她說的當畫做度假，不沉迷，不用燒畫，結果說她沉迷了，不理現實了，那如燒了畫呢D激進做法邊可能會令佢忽然放低反而令佢想自殺先啱

還有，如果只要燒畫就能解決現實的一切問題，咁即係佢父姐一開始就是對的，咁成個故事好無意義

但係阿哥已經唔想再比少年阿哥繼續畫
女主回歸現實後畫界都可能會消失

大人維索一定係好想死，但少年維索呢個靈魂殘渣到底算畫世界既咩其實無解釋，到底係咪無佐佢唔得，同埋維索出身繪師世家，但佢由細到大其實都鐘意音樂多過畫畫，唔想再畫畫其實係少年維索靈魂殘渣對當時既回音，定真係有意識都唔知

就算當少年維索係成幅畫既核心，定義繪師能力既核心就係要有一個有意識既人格不理意願永恆地做牛做馬畫畫，咁文客係啱既，繪師根本就唔應該存在，佢成家都應該要死，唔應該最後咁快樂

少年維索咪佢畫畫時既記憶
aline 記憶係紀石黑白畫
renoir 記憶係老野
or 畫家投放既感情

少年係唔知佢死左
睇落葉地+畫室少年會以為家姐整怪殺人係唔中意佢
少年不停問自己係咪要繼續，代表係咪要commit 人生不停畫畫
可以推測呢幅畫係佢停畫前最後作品，一路停留係少年時刻
全部人都揀呢幅畫玩因為呢到先有佢本人


文客當係左膠就得，永遠唔想人開心

我就係覺得少年維索有機會係當年既維索感情，不算一個有獨立意志既人，只係大人維索踢走灑所有繪師後哄佢抹除畫界

講真，作者唔想整完美結局可以，非完美結局，各有優點缺點既都可以既，但唔係好似依家咁特登偏向現實結局，寫到無佐畫就可以全部人現實向正面諗，咩都可以放低睇透，最後仲要可以同被抹除既33全同伴幻影笑面道別這麼不合理

因為結局睇得出好偏心，完全唔持平
所以好應該搵啲野代入去睇下邊樣似我哋現實

我就覺得講dei game match 到爆

主要係編劇唔想寫HAPPY END
有心寫我地（文客）好EASY
就係話個妹同老豆家姐約法三章
老豆家姐係出面根本要忙於對付文客組織

應承唔燒畫
而媽同妹可以得閒入去verso畫世界打下機
但唔好「浸輪」畫中世界，要得閒出黎幫下手
至於畫中既假 verso, 其實如果有去拿過朱莉同佢verso 自己既日誌
會見到初初佢係打算叫媽復活朱莉，只要復活返佢D FD 同假家人
佢可能唔會有要消滅畫界既念頭（甚至俾能力佢好好管理畫界）
咁就係最好既HAPPY END

然後出續集講現實世界一家人點對付班文客組織啦

製作組一早就有整到朱莉既過場（見有00隊既領衫）

雖然都係政治正確，但唔係DEI，只係叫你唔好成日睇手機，睇下現實，虛擬咩都係假，無用，得現實先係有用既老媽式政治正確

同DEI果D咩女權黑人環保差好遠DEI講既果D偏向未來虛幻理想，老媽式政治正確係偏現實，只做正確的事，例如唔夜訓，只做運動呢啲健康娛樂唔打機，唔食煎炸嘢，一定要結婚生仔先係人生

偏心唔關唔想寫happy end事，佢揀畫結局既話會在歡樂既最後特登表示一切都唔係真，咁相對揀現實結局應該要在拜別重新出發既畫面中加入畫中被抹殺既人質問點解要犧牲佢哋既心魔幻覺先啱

如果你同作者一樣唔當畫中人係人既，其實現實結局happy到爆

我都係覺得有偏心 而依個偏心都係作者突登表達出黎
相信都係佢想表達嘅心中想法

如果偏心都係突登表達出來想人接受佢現實為大既政治想法咁真係唔怪之得老媽式政治正確都係政治正確既一種呢啲教細路既政治正確如果係第一玩家果D合家歡電影應該無人屌佢，但放喺一個死咁多人，完全係大人玩既遊戲想點

現事為大來講呢個都夠灑激進，唔知叫教人唔好沉迷虛擬定同佢講虛擬既生命唔係生命來，可以隨意對待，呃佢又得，殺光又得，虐待又得，良心完全唔需要痛仲好鼓勵咁做

其實結局，如果真係作者想突顯現實vs虛擬來做對比，要玩家抉擇
我覺得有啲無力，皆因佢個虛擬既畫界，根本都係一個現實來，個背景設定寫得太勁
同類型講沉迷虛擬世界果啲，好多時都有啲限制，「世界係得咁多，玩到咁上下要reset又盛」、「啲"npc"只係程式設定，連ai都談唔上」，呢啲作品係好明顯感受到虛假既世界
但33遠征隊個畫界，寫得實在太真實。入面啲人，自己識生仔繁殖，啲神(繪父繪母)入來打交都知道要搵計反抗，又唔會夠鐘要reset。成件事根本就係另一個現實

即係作為現實vs虛擬來比較，係睇唔出虛擬有咩缺點，有咩比唔上現實。
如果我係真係呀妹，或者果家人，我會鍾意係畫界都玩，定時返一現實做野，但個原因係因為我要係現實做野來保住個畫界存在(交租交樓打柒啲文客)

定時返一現實做野，但個原因係因為我要係現實做野來保住個畫界存在(交租交樓打柒啲文客)

好現實的回現實理由不過的確幾鐘意畫界很好，正常人就算係為著自己可以繼續享受畫界，都要出一出去確保自己可以活著繼續玩

我覺得畫界不是什麼大問題
係打老豆FINAL 前佢有講過
佢同媽子已創作超過一百個畫界
今次媽子中毒主要係因死左大仔先出事

係，所以其實D人話一定要留喺畫界先可以保住幅畫根本就唔成立，簡單講佢哋依家呢幅畫就已經畫佐好耐啦，真維索長大到死都無入返來係死佐佢老母先入去，然後老豆又入大戰先搞到世界滅亡

由頭到尾都係只要個繪師正常出下去就無事，但如果佢唔正常到寧願死都唔出去，點會咁簡單只係摧毀幅畫就會令佢變返正常