33號遠征隊爆機後劇情討論

我估爛面係真人留係畫入面太耐而維持唔到人樣
我同你一樣都唔明, 話老豆係石碑下面但館長又可以跟住主角周圍去

我都想問同一樣嘢
明明想遠征隊打老母
一開波就幫主角團滅做乜

有無得睇家姐其實點諗 定要打西蒙先知

因為一開波團滅主角既係假老豆
留意返臉有疤痕就係繪母畫出黎既假老豆
佢負責阻遠征隊打繪母

真老豆比繪母封印左係紀石下
唔知點解可以變藝策人跟住主角

有冇人同我唔鍾意第三章個劇情轉變，搞到成個遠征隊既努力都好廉價，點樣形容呢

就好似你睇多拉A夢幾百集，大雄終於同靜香結婚，多拉A夢搭時光機番番未來，點知你最後一集同我講大雄係200kg自閉仔，靜香係佢睇醫生個姑娘黎，同佢講野唔多過十句，佢d朋友全部都係幻想出黎既，現實一個朋友都冇，結局一係入番去個夢到繼續FF，一係出番現實，照樣冇朋友+自閉

比起睇呢種劇情，我寧願睇d王道劇情

其實我都覺 一開頭覺得好熱血 幾代人為左征伐用命去寫筆記比後人 最後同我講其實大家都係npc黎
成個故事係家庭倫理劇

我慢慢去諗
反而最近似嘅會係 AI
如果果幾代後嘅 AI 發展到有類似嘅智慧同情感
要阻止現實世界有人㩒掣 format disc
我地望落去就好無聊啫
但 AI 嘅努力同思考過程係真實㗎喎

咁都好無聊 之係好似今季black mirror最後果集咁

唔同意 如果冇前人嘅努力 妹妹應該都唔會入遠征隊 如果冇70隊喺紀石入邊插滿晒啲飛索 33隊係咪可以咁順利入到去打得贏老母知道個真相都成問題

同埋平凡人面對神一樣嘅存在嘅時候嘅面對態度先至係呢啲題材吸引嘅地方

唯一可惜既係幫阿哥踢阿妹返現實世界個ending變左好似乜都解決哂，老母釋懷左又原諒左阿妹，阿妹又放開左釋懷左咁
變相好似官方假定左呢個先係真結局咁

33號遠征隊爆機後劇情討論

33號遠征隊爆機後劇情討論

我係幾個POST 都有留言啦
廢事唔小心POST 錯一邊劇透嘛

西蒙本身鐘意畫中既家姐
真家姐利用自己外型呃佢去海底假打真守護老豆
打西蒙果陣會見到佢完全講唔到野 明顯係比真家姐改造過

主線一開波咪不停咁提你 遠征隊宗旨係一個跌倒其他人要繼續向前進(討伐繪母) 每次出征都英雄式歡送 無特別情報邊個敢隨便返去

路過一問，值唔值得玩？

近幾年最好 值得玩

見UI係明顯抄P5R、人設又咁DEI？.............好難入手，使唔使連線玩？

以我自己既記憶同見解：
細路維索同老母一齊畫左呢幅畫創造左刷頭精同巍民呢d原住民
維索死後老母傷畫創造盧明同畫中人包括畫中家人
老豆入畫同老母打，2個神打架引致大崩壞
老母為左救畫中人分裂左新盧明同整左個doom保護佢地，同時老豆抹煞畫中人，無耐0號遠征隊出發救人
之後家姐想2老出返黎入畫，入黎發現老豆唔夠打幫佢創造經元怪封住畫中人既源色同呃simon落去，呢度我覺得係交換老豆出黎等老豆可以做策藝人引遠征隊去幫手打老婆，因為60號黎果陣老母仲係講緊紀石底既人先係真兇，但係果陣紀石底已經係simon
之後就應該係其他遠征隊既開始

話時話, 我玩個陣唔止一次覺得"嘩, 哩個地方靚到好似幅畫咁"