33號遠征隊爆機後劇情討論

成個故事，最自私一定係假維索。為咗自己，全程隱瞞隊友，人地有老公，又走去媾人。
知道真相後，佢唔理係咪對丫妹好，都無視其他夥伴意願，剩係諗唔想以咁嘅形式生存，想成個畫界同佢陪葬

真
特登唔救古斯塔夫等自己易D入隊
可能係因為被愛人質疑同審問，加上無盡生命的空虛感先至冷血啦

話燒畫返現實係good end既人，同維索一樣無當畫中世界既盧明人係有血有淚既人類

返現實係good end係製作組既諗法你覺得你既諗法大於製作組？

本身我既理解同你一樣，但無盡塔個家姐講花得多心血唔似講緊為著阿媽創造既經元怪，因為如果講緊經元怪，咁佢由頭到尾所做既無論花佐幾多時間，都只係為著摧毀畫界，對畫界又點會有感情，咁阿妹立場係保護畫界又點會唔可以質疑佢

剛打完無盡塔，家姐已經講到明父母手法既問題，告誡女主角要以此為鑑，而且妹既快樂先係最重要，呢個劇情更加突顯出個結局女主只學到不朽會不幸，然後跟阿媽咁揀永留畫界好突然同唔合理作者最後係咪忽然換佐人

阿妹變左質啦，佢都溝左呀媽既源色，染上左當初呀媽沉迷畫界嘅毒癮又未去到唔合理既

我比較唔明成班33成員同古生咁多年感情，
古生死既傷感同記憶去到埋葬完就消逝晒

由其係呀妹，中間維索加入咗33就忘記左古生
仲要維索承認咗突登唔救古生，呀妹咁都唔記仇
去到後面仲離捨難離，維索係親人我明，
但係古生就唔係親人？
係咪我太睇重古生嘅份量？ 古生既作用係咩？

其實個故事去到最後，話阿妹講大話，同埋去到最後見到阿妹深陷畫界（丫妹結局），大家先會有呢個諗法嘅啫。如果結局係見到，阿妹成功可以兩邊世界出入，唔步佢老母後塵，咁就會變咗王道故事。始終唔可以因為老母一個人脫離現實，而斷定所有人都會同佢一樣，所以其實大家討論嘅根本都係結果論

我都認同, 好似佢係主角就冇乜留意哩樣野咁
第二章最後發現佢知道殺繪母會破壞畫界已經覺得佢係仆街

另外我覺得最"衰"嘅角色都係老豆
佢係為咗屋企人好但佢做嘅行為我覺得好有問題
佢乜都用粗暴方法解決, 完全冇理過人感受亦都唔會同人溝通

老婆入咗畫世界唔想出黎
點解你唔入畫界陪吓你老婆?照計你起碼有67年時間可以同佢一齊過慢慢勸佢, 開導佢走出黎
你唔係, 一黎就打柒佢又要破壞個世界黎逼佢出黎, 結果就係鬥足67年老婆更加唔想走

個女想留係畫界, 你又唔去陪佢, 又要打佢出黎, 然後要佢一出黎就燒咗維索最後一幅畫

老豆咁嘅性格加埋阿媽怪佢害死維索, ,同家姐又去搵文客都唔care屋企, 所以我覺得Alicia出番黎都冇人會理佢, 得番自己一個

(copy番我係另一個post打嘅)

唔合理係唔合理在搞咁多野，特登整咁多劇情不論維索，家姐，甚至佢爸媽既經歷都表明過有咩問題，然後佢結局好似無經歷過一切咁重蹈覆轍

古生邊有忽然唔記得，佢由死佐到埋葬阿妹都無放低過古生，係埋葬後先睇開，而最後維索認無救古生，阿妹已經恢復記憶知道一切，清楚知道繪母係自己老母，而且要踢佢出去先救到佢，又決定復活古生，預定復活後佢已經唔覺得D人係死佐，無咩反應好正常姐，如果照你咁講要記仇，最大仇明顯係殺灑所有人既老豆啦

有冇source，製作組話燒畫係good end

就係成家都痴左線 完全冇得傾 所以先搞咁大壇嘢出嚟

但唔明點解小男孩仲係咁細個

因為Verso其實想做音樂家多過畫師
想做音樂家、呢幅又係Verso唯一一幅畫、入面刷頭精&巍民都係童趣，綜合咁推測，幅畫係Verso細個果陣畫，所以留係副畫入面既都只係Verso既童年"靈魂"

又話有幾愛朱脷
轉個撚頭就食左Lune
又呃人妻話會復活老公
正人渣

邊有食luna,...食人妻咋嘛

有兩條線 你拒絕sciel 就可以食lune

sciel送上門,第一次無reject...咁就食唔到luna

我直頭覺得根本兩個都bad end黎

Quote返另一個結局po

「 “We are all hypocrites” 呢句其實表現左冇人可以講自己既選擇係「正確」，因為大家都一樣自私，同理更唔應該有true bad end之分 」

大家都係偽君子不用分得那麼細

開lune線要幫佢搵老豆老母條team，如果冇成日去營地睇劇情應該好易miss左

我仲等緊佢答我「製作組話燒畫係good end」既source

畫中世界嘅人有血又累，但啲繪師本質上係佢哋嘅造物主

我覺得老豆同家姐係成家最理性
你嘅講法好似有少少似見到老婆沉迷毒品然後陪佢一齊比佢繼續食先慢慢戒
跟著啊妹話自己可以控制到唔會沉迷毒品，但老豆當初都係比老母救出黎，宜家阿妹話自己控制到你都唔肯冒險啦

我純粹代入左瑪艾兒個角色咁諗，現實連講句野都講句野都講唔到，入畫最少可以做返個正常人

但我唔太喜歡佢一入結局就將個氣氛搞到好似你好撚自私咁，特別係打完維索佢無啦啦講唔想咁樣生存，好鬼突然，果下心諗做乜鳩，維索已經全程做迷語人，一早知道哂又唔講，搞到果下佢句對白就好似為左想令玩家後悔咁

如果佢加個perfect end冇燒畫，成家隨意入去探親又可以自制，成件事就真係好夢幻