33號遠征隊爆機後劇情討論

分兩條線：「現實」同「畫世界」（即係盧明），呢種戲中戲結構我覺得係啲劇情撚心中其實都加唔少分。

「現實」簡單啲，簡單嚟講得Alicia 一家四口（唔計維索死咗）。人物動機都好明顯：

老母：老母因為死咗個仔太傷心，所以入去維索細個畫嘅畫世界去逃避現實。

老豆：唔想老母沉溺喺畫世界（因為沉太耐現實身體會受影響），所以跟住入去個畫世界到，想破壞幅畫逼老母出嚟。

家姐：本身自己好有能力。老母老豆掛住喺畫到隻揪，現實啲嘢冇人理，所以要焗住擔大旗對外同文客明爭暗鬥，疲於奔命。有嘗試過入畫幫老豆手，但未成功。

妹（女主）：成個劇情嘅主要推進者。廢物一件，比人利用搞到死阿哥，自己繪畫（即是整畫世界）嘅能力又唔強，所以入畫美其名係想阻止老豆老母打，事實上係自己都想逃避現實。入畫嗰陣保留唔到記憶，錯有錯着轉世變做瑪艾兒重啟人生咗一次。

「畫世界」（盧明）就複雜好多，一家五口都有分身喺入面：
現實老母=繪母：喺畫到直接再畫咗成家人出嚟，本來過得勁happy，但比老豆入畫打，造成大崩壞事件，之後每年畫就數字去提盧明啲人幅畫就嚟頂唔住。

現實老豆=藝策人：想幫盧明啲人去殺繪母，令到個畫世界快啲崩潰。每年都會殺一個歲數啲人。

現實女主=瑪艾兒：失憶，主線索推劇情。

維索 畫中阿哥：因為玩家只可以透過維索去了解真實阿哥係一個點嘅人，所以維索要好有感染力，咁先解釋到點解維索喺現實世界嘅死造成咁大影響。維索畫世界到係完美人，佢知啲畫世界嘅人太折磨，所以想自殺，破壞畫世界去了結啲恩恩怨怨。目的同現實老豆一樣，但出發點唔同。

白髮阿伯（畫中老豆）：老母畫出嚟，所以會保老母，幫手殺盧明啲人阻佢哋殺繪母，以免阿媽力量被削弱。

爛面女仔（畫中女主）：廢物too。

畫中家姐：家姐入畫入咗一陣就要出返現實同文客打交，所以整個分身瘋狂整啲怪出嚟殺畫世界啲人，目的都係想破壞畫世界。其中一個幾好嘅地方係，呢個畫中家姐憶現實家姐設定到只係一件整經怪嘅機器，但其實畫中家姐都有個人意識，佢喺呢場家庭鬥爭入面一刻都冇停過狂整經怪，其實已經非常痛苦，所以最後會自殺，而呢種精神狀態某程度上都對照到現實家姐嘅處景。

主角團：幫手推劇情，畫中世界虛擬人物。

我覺得因為人物動機好明顯，成個故事本來好簡單，就係家庭悲劇，理解起上嚟幾容易。劇情嘅深度主要體現喺人物嘅矛盾衝突上面，玩家理解件事個陣又好易投入到人物感情入面。

維索：明明係畫世界嘅人，但想破壞畫世界，另類救返現實嘅家人。而畫中維索表現得越出色越完美，就令玩家越理解到點解現實維索嘅死影響會咁大。
VS
瑪艾兒：係現實世界嘅人，但已經當晒畫嘅人係親人，想保留畫世界。

美中不足嘅係，主線推到現實女主家人嘅鬥爭之後，其他盧明角色嘅重要性低咗好多，但偏偏一開頭佢哋戲份好重，會有啲落差感。

玩果時揀左瑪艾兒ending,繼續畫中世界生活
但當之後睇埋另一個ending,如果俾我重揀,我會揀幫維索毀滅畫界
我都好中意瑪艾兒呢個角色,愛恨分明,立誓要殺雷諾瓦同繪母報仇就真係殺,唔會好似TLOU2咁最後要原諒人
但當佢係第三章拎返本人記憶,佢已經唔再係當初既瑪艾兒,非常自私,唔理阿哥同老豆感受,阿哥殘魂已經唔想再畫,但都要迫佢繼續,佢剩係想逃避現實,沉倫畫中世界
雖然係咁,但我果時都揀幫佢,因為佢現實的確可憐,留係畫界可能真係對佢最好
但睇完瑪艾兒ending後,覺得咁樣根本就唔係對佢好,反而係害佢佢個情況比佢阿媽更差,佢阿媽半瘋半癲都還好,但瑪艾兒清楚知道呢個世界係假,佢甚至已經係畫界成神,可以復活人操縱生死,咁樣既生活唔係真正既快樂,任何事物都係因為可能會失去先至會珍惜,就係因為有悲傷先突顯到快樂既份量,佢依家就好似一個成年人玩緊唔會停既煮飯仔咁
維索ending最後大家完成對阿哥既緬懷,然後生活繼續走下去,我覺得係一個有希望既ending,起碼有留白空間,或者佢可以跨過傷痛,唔會好似瑪艾兒ending咁寫死晒

btw製作組都好明顯係偏心維索結局架啦,用黑白畫面交代另一個ending已經好明顯