33號遠征隊爆機後劇情討論

老豆最後果幕有講過， 佢以前都有沉迷過， 係老母救佢出黎， 所以而家都要救返對方

咁如果而家d ai (grok, chatgpt 之類） 有自己意志，同佢傾計feel 到佢地有感情有溫度（即使係人類set俾佢）
只要我知道佢地係人造係虛假， 我都接受到佢地被消滅。 同樣都接受到自己被消滅（但要說服到我係虛假 )

其實呢樣Lune 都有講過， 佢話佢知道自己只係平凡人， 唔會出到畫以外既世界， 想透過畫中畫知道個世界係點諗到呢度有d 心up

咁如果同你講，你個世界係虛假嘅，然後有人將你身邊嘅親人朋友「抹消」，你都會欣然接受？

我地轉個世界，
有人創造咗數碼暴龍，數碼世界，果到開始有自己嘅文明。
你做咗被選中嘅小朋友，入去裏便搞完一大輪。你同你隻亞古獸有好深嘅牽絆，然後有人話要消滅數碼世界，因為唔想你沉迷，如果係我就會好唔捨得

作為旁觀者，沈迷畫界係唔好個個實識講，但force女主面對現實會唔會承受唔住而自殺，新聞都睇唔少呢啲悲劇...

可惜編劇唔會俾你有兩全其美嘅結局去選，無絕對嘅對與錯，視乎企咩立場與角度

我諗法係， 睇下點定義沉迷
如果得閒入數碼世界撚兩撚隻阿古獸，唔影響現實世界既， 咁唔算沉迷
但如果為撚阿古獸而令現實世界既自己慢性自殺（好似paintress 咁），咁就真係沉迷了
當然作為當時人， 兩者都會唔捨得， 但後者係真係要消滅 消滅係幫緊佢
如果當時人明白消滅係幫緊佢， 我諗理性咁諗都會欣然接受

我發現我個諗法同老豆好似

我揀果下都好衝擊， 起哂雞皮， 諗左好耐應該要點揀
最後揀左Verso, 冇後悔

其實個結局如果唔講阿妹係「講大話」，結局唔影住佢變咗爛面，而係講到佢可以開開心心兩個世界走，成件事根本就唔同咗。

好似你所講，根本只係睇沉唔沉迷事，同啲怪獸家長覺得小朋友沉迷打機就打爆部遊戲機差唔多，喺佢哋眼中係冇價值嘅嘢，覺得會搞到你沉迷就不如破壞佢咁解

咁又係， 沉唔沉迷呢條界線好難定
但最恐怖既係， 畫中世界既人類同現實人類太似（同細路打機唔同）， 一但沉迷左會好危險， 令人現實虛擬不分

好似話而家有d game 既npc 都開始用ai 做對話互動，好得人驚

一但有左呢d game 有呢d npc, 要抽離會唔會比想象中困難？

sao咁，都話npc對答如流架！

其實你可以話沉迷好危險，但你如果當作醫療，令人接觸/溝通某d野，個意義就唔同晒。睇你點用


不過我覺得重點，係有冇自己獨立意識問題，當有獨立嘅意識，即係有咁下嘅知性，咁先會形成奪取佢生命權利有冇意義/違犯倫理呢個問題我都

呢d 問題現實已經發生緊， 用幹細胞clone 器官， 合發墮胎 會唔會違反倫理

遲下可能ban ai 都要法律解釋有冇違反倫理

你只要冇觸感，就應該未至於好難。
但如果好似Sao咁，成個人好似入咗去咁，或者話好似33咁，沉浸式，咁就難講

你試諗下，入到去，超真實，幾條女又索又大波圍住你，任屌任揸，好難唔陷其中

其實當科技去到呢個地步，即使係進步緊，但最大嘅阻礙，就係Dei，道徳撚。

任何嘅進步，喺科技方面，一般都會有好有壞，但係班道德撚就會企喺度德高地，阻礙科學嘅發展同埋流通

剩係lune 同sciel 圍住我，已經唔想抽離

我對歐美嘅一般。
我始終都係啱亞洲人多d

不過我想講Tifa，但我定義唔到Tifa算日定算歐

永遠都有立心不良既人， 所以要有法律同規距限制

如果d ai 全部好似以前有隻game 叫藍鯨咁， 教唆人去自殺， 咁真係會世界大亂



有ai 後既世界真係ff 下都好興奮

lune 似香港國際學校 d 女咁喎， 有d abc feel, d accent 勁撚正俾佢姣兩姣 神仙都頂唔緊

如果話，創造個畫界岀黎，係剩係好多好靚花花草草，有人浸陷入去種花，然後有人想消滅呢個全部都係花嘅世界，可能大部份人都會覺得冇問題。

但呢個結局點解有討論空間，就係因為入面嘅係「人」，仲要極之真實，等同有血有肉有情感有思想，先會有支持同反對派。正因為係倫理觀踩界，先會有人討論

好既故事結局選擇係應該正反都有佢既道理， 唔係邊有得討論
所以打完先咁久久不能釋懷
你都啱， 當假人仲有血有肉過真人， 邊個先係真實既人
客觀理智vs 主觀感性

但老豆咁做根本唔會救到家庭關係
你細個打機，老豆唔鍾意打爛你部機/del左你個save，唔通你會順攤咁話，哦咁我去讀書啦~
唔會啦，你會搵另外方法打機，搵唔到方法既就一定會影響同屋企人關係
假老豆同真老豆一樣，假老豆都有同Verso講過，如果救你等於失去你，咁就無辦法

而且Maelle唔係喺畫入面佢「搵到」人生意義，而係畫就係佢人生既一部份，有16年人生就係畫入面

但maelle 係真實世界一樣有人生， 一樣有一家愛佢既家人
我自己諗， 佢已經成為左果個世界既神， 想畫d 乜變d 乜都得， 仲邊有癮， 開金手指既game 就唔好玩啦
即係玩gta咁， 開頭唔識玩， 下下渣車都等紅綠燈， 當知道原來可以chok cheat 渣坦克， 無限血， 仲邊會再返到轉頭
當然呢個係第三者角度睇法， maelle 第一身一定唔係咁諗

老實講，老母同家姐都怪緊佢害死阿哥，係唔係一家愛佢既家人都難講
阿媽畫入面都畫佢爛面，家姐講到明尊重但唔同意阿哥犧牲自己
如果佢無癮都唔係壞事，悶到quit咪返去

不過都係心態唔同，以前火影都討論過，如果有SAO/無限月讀之類既野，我直接搵間醫院做植物人入去唔出返黎，所以結局我諗都無諗就揀好

60號隊全部都係gym撚
操到勁大隻

肌肉裝甲

一邊引啲人殺繪母 一邊又畫怪殺啲人
算唔算矛盾