稱抽查公屋家訪時外出遭收回單位 小提琴導師入稟高院提司法覆核 指遭迫遷致精神受壓 萌自殺念頭要求賠償

正常人住唔使沖涼咩，無水沖小日涼都屌屌聲更何況一直都壞水錶無水用？

水點都要啦，沖涼飲水洗衫

水電都用量少 除左唔係到住基本上都冇可能
洗衫沖涼都要出街做？有呢啲錢點解唔整返水掣？
燈用太陽能計唔到電 冇電視冇雪櫃
但手機都要叉電啦 唔通又出街叉好哂先返屋企？
香港咁熱 風扇都唔洗開？唔開風扇熱到成身汗第朝又唔洗沖涼？
其實應該都真係水電讀數真係太低甚至低到0先比人搞

其實你要霸間公屋就好心醒啲 買雪櫃返黎 得閒返去開下水喉 等水電錶都跳下
仲要18次家訪都miss 應該都真係好少返呢間屋
miss左10次你真係比人驚收屋就打去房署約嘛

壞錶水務署通常會先閂水制 , 閂左就無水用

以前我個 frd 發左達 , 留公屋都係定時返去開燈開水兩個鐘

先唔理佢係咪有濫用公屋

其實敎小提琴月入起碼兩三萬

根本唔應該有公屋

直接收啦

房署要做野, 唔理咩理由照踢你走.
識人做社工, 講好多呢類case, 根本係夾硬嚟要你走

明明佢份工就係一日走幾區
都唔比？
似有得打

佢應該係錶讀數幾乎唔郁先俾人拎嚟踢走
正常點慳電都冇理由長期個讀數唔點郁

房署要捉佢係咪經常長期丟空公屋，佢連信箱都唔睇已經係反向佐證
樓上巴打都有提過個人習慣唔係日日睇信箱
呢個就係阿導師要說服個官嘅point

同埋上面巴打講得好啱，政府部門正正常常覆返都唔會收間屋，佢就算遲過封信指定日期（唔好太多）我覺得佢只要打個電話再約房署，都唔會去到收屋呢步

呢d嘢真係環環相扣

屌你住係個到水錶壞咗都唔整 電一格都冇用，信一封都唔睇？ 淨係一個證據唔足以定奪，幾個證據加埋就一睇就知

隱瞞收入

所有法律就係以實體信件為依據
律師樓告人都係寄律師信

唔會打電話或 email比你。

佢個 case 都係古古怪怪
但係逐個 point 分開嚟反駁，又好似奈佢唔何

空穴來風 實係有鄰居篤灰啦

而家AI咁盛行照呢單報道直接比AI分析

等AI嘗試模擬一下真係做司法覆核嘅時候，法官肯定串到佢一戙都冇

cls, 我都唔會每日睇信箱啦，一個禮拜先睇一次 犯法？

報導話增幅唔大
比你唔開冷暖氣
夏天同冬天 1個要開風扇 一個唔洗 已經有個冬夏pattern係度

比你同個官兜口兜面講
我可以係高樓大廈 上下層開哂冷氣 而你用usb 手提扇過夜就唔會死架啦
但就算同意唔開冷氣呢點 因為你極其慳家

咁你就無可能 唔用洗衣機
因為個fix cost + variable 都一定平過 你買部cheap機 係屋企洗
慳錢就唔可以用更貴既服務做平民都做到既選擇

再講 你要教琴對小朋友
雖然你唔係專業到著袍
但係香港家長會比你爛身爛世臭汗味咁教? 近乎無可能
你每朝去體育館沖涼 都係cost黎


最後 你唔睇信箱
你入屋都要經門口掛?
門口都有掛信 或者已經經門邊 攝左入屋 咁你點樣 係有居住既情況下 唔知收到信?

佢宜家係所有野都指向佢根本唔係度住
如果有人要執住 我邊個邊個做到呀 咁你叫佢教路啦

做得好，呢d先係做野

係，最主要水標個位
同埋d理由唔夠全面
幾個巧合擺埋一齊係有理由既
但又好似唔足夠直接煮死個導師

報足稅先好講野啦，呢d玩乜教乜好多正仆街，稅又唔洗交，好似佢無份行條路，d街燈射佢唔到咁

早好政府查下呢班撚樣有幾多不明資金，你咪下下叫d學生比現金收到成屋都銀紙囉

小提琴導師收入幾多駛唔駛交雙倍租

得罪講句
落便利店交費咁乞人憎嘅嘢都做得出
抵佢俾人收屋

佢直接證明佢果段時間有返去住好過啦 , 例如叫過外賣, 收過速遞 , 請過朋友上去坐

本來水錶係好有力嘅證據
但係咁啱水錶真係壞過
上到法庭嘅話，疑點利益歸於被告