[D1152-] 抗俄衛國 189: 普京彈出彈入, 停火期間玩空襲

食住花生等elon musk 𠝹票

Wenliyang出黎洗地啦

將俄國飛彈攻擊次數同美國總統掛勾，
本身就非常可笑。請你逆向思考答一個問題，
假如係拜登或者賀錦麗當選，普京就唔會炸？
或者炸少啲？諗清楚先好答。

俄國幾時炸烏克蘭，與邊個做美國總統無關，
只在乎佢有冇足夠既無人機同生產後勤。
俄國喺受制裁後，一開始生產大受影響，
但隨著時日過去，生產材料同工具依賴中國，
喺幾年既營運下愈黎愈好，不論邊個做總統，
俄國都會取得相同既武器轟炸烏克蘭，
因為你無法制裁中國。

你要鬧trump無制裁或者其他，可以，合理就得。
但空襲基輔數目上升要入佢數，堅係可笑。
反侵無問題，請make sense。

不過我諗你都係想遷怒於我，唔會在乎事實如何。

一定無關? 之前我都可能會咁諗
但自從上次斷情報，又好巧合咁斷情報期間導致烏克蘭大撤退
無關就變咗存疑，軍援同情報嘅穩定性持續性係會影響局勢
唔係話侵一定通俄，至少俄係會配合時機製造攻勢

因為係存疑, 所以, 我地更加要睇發生緊咩事,
點解會halt左, 而唔係估估下.

今次係喺無任何衝突或理由下暫停, 之後,
zel and trump係直接電話通話. 以現時既資料,
zel既公佈, trump既反應, 唔似係出問題,
慢慢傳出既消息, 亦頗為一致咁話係Pete既個人決定.
暫時無資料或者背景去話係阿Trump搞鬼.
所以我話, 切莫反trump過頭, 跟車太貼好易炒.
真係確認左係佢搞鬼你再屌柒佢都未遲.

我反而關注的係：假如中共因戰爭或其他原因俾人制裁，中共 + 俄羅斯兩個國家，有冇辦法繼續維持現時，甚至擴大戰爭生產能力到3戰水平？

萬一發展到呢個地步，西方世界平民食通漲就肯定啦，但冇哂made in China的廉價產品西方世界都唔會死，最多就係捱貴貨。

相對地邪惡軸心，有冇非依賴西方世界不可的products呢？我所指的係佢哋根本做唔到出來的東西。劣化版（例如塊晶片厚d，性能差d），或者產能唔夠都唔算做唔到出來，將貨就價，頂住次貨都用住先，總之有，整到出來就得，係邪惡軸心拿手好戲之一。

如果雙方都冇“非靠對方不可”的嘢。咁因為開大片，勢力之間再冇經貿住來交流，長遠來講都係no concern喎。變成1984，高達00果種勢力戰局面只係遲早問題。

https://x.com/new27brigade/status/1942026407510426067
https://x.com/new27brigade/status/1941801047720329620
https://x.com/new27brigade/status/1941739058629349807
https://x.com/new27brigade/status/1941686791700177175
https://x.com/new27brigade/status/1941654859242999910
https://x.com/new27brigade/status/1941653665967657086
https://x.com/new27brigade/status/1941490070621712435

涉入東正教與新教之爭.
https://x.com/new27brigade/status/1941379591517663507

https://x.com/new27brigade/status/1941298961282891954
https://x.com/new27brigade/status/1941129150594687155
https://x.com/new27brigade/status/1941085627526824420

https://x.com/new27brigade/status/1941071902422000010
https://x.com/new27brigade/status/1941045547953279052
https://x.com/new27brigade/status/1940997774990090628
https://x.com/new27brigade/status/1940990975385678132
https://x.com/new27brigade/status/1940988538553786678
https://x.com/new27brigade/status/1940986712567792067
https://x.com/new27brigade/status/1940965951710822642
https://x.com/new27brigade/status/1940816821554500076

乙烷啦，乙烷就會無 塑膠。
高級醫療器材、靚藥，好似話例如人工血管、ct scan，影響党高層元老多D

1.唔好詭辯
拎如果電話亭既logic 黎答係冇意思
答完又點,冇得證實講咩都得

2.當然有關
正如你post既
https://x.com/new27brigade/status/1940990975385678132
"25/7/4. 就在美國宣布暫停對烏克蘭的援助之際，俄羅斯發起大規模轟炸，位於基輔市區遭受俄軍大型轟炸，至少 16 枚伊斯坎德爾彈道飛彈、2 至 4 枚匕首飛彈和至少 50 架無人機襲擊
你示弱，敵人就會囂張"

如果你連 談判前後擺姿態會唔炸/炸多幾錢重 都否認
我真係想講句 唔好咁離地 脫離現實啦大佬

3.我理得pete hegseth自把自為 定聽trump指揮
事實佢就係停左

我既主張係, 無證據唔好亂講.
我無提及過trump想或者唔想CUT軍援,
係上面幾位巴打不斷提.
我一直叫佢地未有確切消息前唔好亂講,
至於點解halt, 不妨等多幾日, 睇下後續.
勿要跟車太貼, 等有確切消息之後先屌未遲.
不過上面有位巴打基於先入為主既睇法,
覺得我講野就係為左撐侵, 我都好無奈.

另外補個資料, 唔好意思, 我上面貼既消息不準確,
嗰個新二七POST係早期消息, 後來有其他媒體更正.
https://global.espreso.tv/russia-ukraine-war-putins-war-of-terror-the-goal-behind-russias-record-air-raid-on-kyiv#goog_rewarded

7月4日攻擊係以500幾架無人機為主, 11 枚飛彈.
呢篇文章講俄國無人機襲擊已成主流, 用既主力係見證者無人機,
工廠喺俄羅斯阿拉布加與伊熱夫斯克本土出產.
而11枚飛彈只有2枚擊落, 綜合其他說法,
似乎係因為無人機既主力襲擊overwhelming左個防空系統,
所以攔截飛彈數目相較過去大幅下降.

另外, 7月6日既襲擊亦類似, 無人機主力.
157架見證者無人機(包括誘餌)同4枚S300.
擊落98架無人機, 而S300向來都好難攔截.
https://kyivindependent.com/russian-attacks-across-ukraine-kill-6-injure-22-over-past-day-06-2025/

換言之, 除非你用無人機或者巡航導彈攻擊佢地既工廠,
令佢地生產唔到無人機, 否則問題無解.

佢發表意見 有圖有Data ,討論有冇correlation 唔洗你批准嘛?
定要send個email 訪問下普京證實到先post得?

本身呢件事已經唔係咩野小道消息 聽床師
咁多份報章都報過 討論下都好正常

幾個月黎 你被人屌爆你都未發覺有咩問題
你唔介意一回事,唔好成日係度話人反侵所以屌9你

而係你討論模式永遠對侵不利既野就係度兜 未證實呀 等下先啦
到證實左就話呀一日重在任 你點知佢唔會轉政策
跟你諗法 世界上咩時事評論都可以收檔
唔係話要做到小道消息都要信 即刻跟車

而係trump 態度已經相當明顯偏向俄羅斯
佢當然最後可以軍援烏克蘭
但唔代表人地唔可以批評佢既政策

再補一個資料, 6月28日既襲擊係以飛彈為主.
當時7枚超音速Iskander導彈, 只有1枚被攔截.
4枚Kinzhal全部無攔截. 仲有大量其他飛彈同無人機,
詳情自己睇.

https://en.defence-ua.com/news/russia_attacks_ukraine_sunday_night_with_ballistic_missiles_cruise_missiles_nearly_500_uavs-14985.html

我地喺電視見到阿侵回答烏克蘭女記者既愛國者提問,
就係以6月28日襲擊為背景.

張圖我只係覺得可笑, 如果佢唔點我名,
其實我唔會回應佢.

你睇返22年左右既POST, 當時我係主力支持拜登既人之一.
好多人話, 侵在位唔會打, 我就相反,
認為侵22年在位有可能賣鳩烏克蘭.
只係去到25年呢個時空佢唔可以賣,
相反佢被逼要援烏, 去到最後甚至唔援烏係唔得.
你可以自己搵返之前既POST.

討論有冇correlation 『唔洗你批准嘛?』

麻煩你碌返上去#602望下新進連登仔個POST先.
新進連登仔既然點得我名, 我回應就理所當然.
你容許佢點我名, 但唔容許我回應? 未免太霸道.

唔洗係咁loop你既諗法,
唔好成日覺得人地誤解你諗法 ,你呢套論述 我諗係個post留言既都睇過10次以上

佢最後被逼援烏 都可以批評佢依家既政策
1.依家一路死緊人 係現在式
依家唔係 2024年 trump未上台 係到打口水戰 佢撐烏 定撐俄
2.過程差咪屌,憑咩要人地去到最後結果先可以踩佢

我幾時唔比你回應係講緊你一路係個post既態度
"永遠對侵不利既野就係度兜 未證實呀 等下先啦"
就叫人唔好講fc 乜乜柒柒要有證據
永遠扣人帽子話人亂講
我依家咪問你囉,係咪要send email問普京 證實到先得？
有好多野有討論層面 唔洗要100%核實晒先討論得

If it looks like a duck, swims like a duck, and quacks like a duck, then it probably is a duck.

而家美烏都無公佈具體武器清單, 只有傳媒引述消息,
你講乜都係亂講, 唔係扣帽子, 而係太多未知.
如果你話過程差就屌, 烏克蘭日日死緊人,
其實呢幾日基輔係俾無人機既數量overwhelming,
唔係唔夠愛國者彈藥而俾人炸. 俄軍調整左戰術,
過往無人機1000米可以用機槍打落黎,
而家俄軍調整到2000米, 一般機槍好難打得中,
就算Browing Ma Deuce呢類重機, 有效射程都係1800米,
再高D係射到但失去準繩. 班drones hunters失去作用,
變左高度依賴防空系統同機炮. 大量無人機做掩護,
去分散防空系統既注意力, 呢D先係近期飛彈襲擊上升既原因.
唔係咪D乜野同侵有冇correlation咁可笑.

“Russian drones used to fly at about a thousand meters — that we could hit easily,” Yaroslav said. “Now they’re often flying at 2,000 meters. Our weapons can’t reach that.”

https://www.nytimes.com/2025/06/08/world/europe/helping-save-kyiv-from-drones-volunteers-caffeine-and-vintage-guns.html

基輔愛國者係得6套, IrisT應該係得6套但唔肯定係咪全部基輔.
而家最頭痛既係點應付無人機, 不論Pete halt唔halt都一樣.
三日既襲擊射左D乜, 上面貼左source, 你上返去睇.

討論唔洗100%核實, 但至少你討論要有source先.
近日傳媒係集中喺pete身上, NBC咁講, Guidian咁講,
我已經專登引用左媒或偏左既媒體, 你唔可以當睇唔到,
跟住又話係阿侵Cut軍援.

如果再過一個月, Trump都無任何表示, 你入佢數無問題,
因為佢用沉默證實左佢支持Pete既決定並且打算持續實施.
我地唔知呢單野同Pete有幾大關係, 亦唔知係咪想永久停止,
現階段只係Halt, 先搞清楚咩事再講

"Russia launched a record-breaking 472 drones and decoys at Ukraine. This Friday, Russia sent off another swarm of more than than 400 drones and decoys, in addition to nearly 40 cruise missiles and six ballistic missiles at towns and cities across the country, according to the Ukrainian air force, in one of the largest barrages of the war."
可能性有1.普京和談前後比壓力 顯示自己有能力炸烏克蘭
2.普京可以同特朗普講比壓力澤仔
3.俄軍產量高左

俄軍產量高左係事實,但同時都有可能普京就係想showoff
和談中trump強唔強硬 好影響普京態度
時機上正正after phone talk 炸

你可以認為冇關,但睇唔出有幾可笑,ISW 加既timeline落去就係比人自行判斷

同時停軍援都可以係呢類做Deal/和談既風,可能最尾係唔停
唔係一日兩日 傳媒都有人去問,大家都有呢個問題
依家唔係上法庭 寫論文

我只知道的係: frontline一日都嫌長. 提督你仲同我講等一個月後?

Anyway, 喺度互吊冇任何意思. 我從來都係在意"先救火, 再追責", 一係迫美國盡快派貨, 唔係就盟友緊急籌旗救佐火先.

BTW, 無論最後邊個要為拖軍援負責, 美國都再一次地令盟友心寒. 信任要破壞好容易, 只需要1, 2個wrong decision making就夠, 但要重建信賴則非常困難.

BTW, 睇番冇耐之前以色列同伊朗打12日戰爭. 當時以色列的防空, 大部份都係靠自家的導彈防禦系統搞掂.

美國hold起軍援, 長遠來講刺激歐洲發展自己的導彈防禦系統, 都唔係壞事, 但呢個都係5-10年後的事了, 宜家最緊要係搞掂佐美國hold軍援導致的不足問題先.

你既意思係, 普京同侵傾完電話, 為左show muscle,
就走去炸基輔, 你係呢個意思? 希望無理解錯,
如果理解錯請你指正.

逆向思維, 如果阿侵無同佢傾電話, 佢係咪就唔會炸?

提督你搞錯佐point, 定唔知你係唔係故意用咁低級的"引導性思考"

無論有冇呢個電話, 普京都會炸, 咁"傾來有乜用"? 我哋吊的從來都係侵對自己的"Art of 吊"過於自負, 個人剛複自用, 但喺最緊要的關頭卻猶豫不決, 錯失時機. 同普京, 習近平一9樣的色厲內荏表露無違.

今日侵剛剛宣布對日韓收25%關稅, 我食花生睇邊個頂唔撚住先

但我認為喺經濟上, 當唔係去到"冇佐果個交易對象, 就連生存都有問題"咁極端情況下. 最後經濟, 商人同市場就如生命一樣, 會喺各國重關稅中自己搵到出路. 全球經濟會喺維持關稅壁壘下, 自行搵到新方向, 就係大家某D位上脫哂勾.

反正我係樂見呢個結果: 各國/勢力擺出關稅壁壘, 迫自己重建本地/本勢力供應鏈, 喺呢個基礎上各勢力各顯神通, 逐鹿全球. 如果關稅反而造成有全球化前各行各業"百花齊放, 百家爭鳴"的良性競爭盛況, 咁點解要阻止各國重建貿易壁壘?

如果你主張轟炸基輔同侵有關, 咁就必須作出假設,
將侵完全排除既話事情會唔會唔同. 呢個同你撐邊個無關,
單純係一個邏輯問題. 我一直想搞清楚呢一點, 但佢地唔答我.

另外, 我一直都話同普京談判係無法達至和平.
對伊朗阿侵都識炸完先談判. 對俄羅斯完全係綏靜政策.
唔炸柒俄軍, 你點逼普京上談判枱? 而家只係浪費時間.
假如佢地批評阿侵唔批更多軍援, 我唔會反對, 因為講得啱.
我叫佢地唔好喺halt呢單野上跟車太貼, 係基於fact check,
沉住氣保持兩秒距離, 唔代表我認同侵既做法, 一單還一單.
不過佢地唔會咁諗, 只會覺得我講咁多野係想幫阿侵,
無腦侵粉快D死諸如此類.