一手居屋/綠置居/首置盤討論 - 42

真係好感謝兩位師兄
樓主仲要幫我諗埋後路

大家是網路上的陌生人都咁幫手

如果唔係兩位教我
結咗婚係共同生命體
我就戇鳩鳩咁同老婆分開抽
變相又少個機會


我都唔知講咩感激說話
祝兩位長搵長有

首先叫佢哋拎份租約出嚟睇清楚單位面積，計可用面積，同一號碼，唔同層數有分別

知道可用面積再對返房署寬敞戶個表，優先處理寬敞戶就隨時要搬（同邨或同區）
普通寬敞戶就大把時間去抽新居屋/二手

喺一眾FG 50K嘅連登仔面前，我哋呢啲低收入又唔夠窮嘅人，只可以圍埋喺度研究資助房屋

資訊交流下，大家都學到嘢或者啟發到行其他路

但我仲未諗得明，同樓齡同區嘅500尺居屋，應該貴過300尺私樓喎

咁我想問
戶主60歲以上單人長者
係咪就唔會搞佢？
………………………………………………………………
佢哋一開頭就係諗住等老母變長者
先甩名
但我覺得而家嘅房屋政策越嚟越收窄
呢個方法唔可行啦

個個60歲就唔變細單位
而家人口老化咁嚴重
咁未霸到90歲？！

唉，都唔怕講了

坑口居屋380～400萬5xx尺
康城LP6，360萬300尺

我自己梗係想住私樓啦
不過老婆話想近屋企人
坑口我真係買唔起
唯有揀窮人恩物，日出康城

以前60歲全長者戶乜都唔理，但而家傾緊改制
其實搬返同邨細單位都幾好丫，容易打理，反正除名嘅人都唔可以繼續住喺度，如果有特別需要，例如對腳唔好，日後有機會坐輪椅或者請工人照顧，等房署安排個大少少單位仲好

如果你哋情況係長者+女公屋戶籍，其實女做申請者，綠表，填配偶（你）再加bb,家庭成員係長者
到時抽初生隊（居屋或綠置），收樓嗰陣還公屋，業主唔駛用長者名，日後長者去安老院或其他仔女屋企住都簡單

但我覺得你老婆除名，同娘家保持少少距離對大家都好

道理我都懂

其實都係一個 “貪” 字

拎租約出嚟睇，可能根本就唔駛搬細單位

抽影業路居屋

公黎架喎(好似)

覺得自己過唔到銀行壓力測試

如果差好多過唔到壓測又冇人做到擔保係咪會蝕首期？

見12月個預測仲係寫緊居屋

取消咗壓力測試啦

除非你走過數或者爛TU,否則房署嘅一手居屋/綠置都好穩陣

二手或房協就難講

擔心嘅可以去官網睇銀行list，打去其中幾間問

反而要考慮，過唔到壓力測試，即係收入同供樓支出嘅比例出問題，係咪供得到呢？

你真係新手喎，呢啲資訊可以睇官方公佈，每3個月更新
https://www.hb.gov.hk/tc/publications/housing/public/phpf/Attachment1tc.pdf


影業路係「其他資助出售房屋」 ，即係居屋
你+老婆+bb可以排優先隊

居屋唔洗壓測

自制收入證明就得，將每個月收到嘅現金列張清單，再存入戶口

再加稅單、mpf供款記錄

要瞞稅或冇供mpf 就難搞喇

同老婆分開抽唔係少次機會，係送錢畀房署加無機會。
婚姻狀況錯誤係兩個申請都會被取消。

其實你諗法冇錯，有小朋友一定係以面積行先。
3個人住500呎居屋一定舒服過300呎私樓。但居二定抽新居，就睇你對地區要求。

坑口等抽白居二仲好
影業路超級吊腳
平時又俾西貢車倒塞晒條路

我又想請教一下，如抽到好前揀樓位置，應㨂居屋定係靚既租置回收單位呢？

係目前既市況下，大家有咩睇法呢？

Thx!

要地區或彈性，平平地整間租置

好似我呢啲打算住十年廿年，又唔介意偏遠地區，梗係揀新樓啦

租置就算保養得好，都三四十年喇

如果你真係好前 以家既市況一手樓王一樣賺緊百幾二百萬wor 唔明有咩concern?

優先隊定一般家庭？
一般家庭先極有限，最靚number新居屋地區大細又合唔合心水？

身邊有人住山麗同東涌，聽到嘅就係有得再揀就唔會買。只係買咗就去接受佢。
而家市跌，可以揀嘅路係多咗，㨂條啱自己嘅就得，無話邊條路係最好。。

諗緊樓市不明朗，會唔會平平地買住租置…

如果五年後市升，二手放出去換私樓

如果樓市keep住慢慢下行，都冇咁傷，到時又可考慮用比宜家平既價錢買私樓，算係進可攻退可守

同埋因為居屋都係自住多，唔諗補地價，呢期居屋又用七折發售，冇咁抵，心理上好掙扎