[開左 po 先][遊記-真係慢慢打] 東北道東冬日之旅

冇車都去到大路景點嘅
我第一次去都係靠鐵同巴士

有機會研究下先
感覺上四國好似未有太吸引到我嘅景點咁，或者因為我未仔細研究過啦

時間都差唔多，起酒店度浸多陣溫泉都搭車走去旭川機場度飛啦。其實本身就會想起新千歲度飛嘅，不過果時候唔知道個熱氣球之旅會搞到幾點，所以就book左旭川去羽田，然後換程 成田飛香港 咁走人。



check in counter 準時起兩小時前開，所以都要等左一陣先寄到件行李。


旭川機場都幾多野食下。就起呢度食返個海鮮丼作結啦。而個 food court 都整得幾好樣。


去到北海道當然就要食返呢度農場嘅出品。

日本機場好嘅就係會有觀景台，俾人去送機，或者路人甲都可以走上黎吹下風，睇下飛機。


旭川飛羽田嘅係搭 Air Do，國內線就多數無 inflight entertainment system 嘅，新啲嘅 JAL 機好似就有。

不過佢就有杯野俾你飲下。

本來都想買 air do 隻熊公仔，不過見到機上面本 catalog 無，所以就算數啦。

無 inflight entertainment system 唔緊要，都係一兩粒鐘嘅事。同埋飛機外嘅景色已經係一個好好嘅娛樂系統。








呢座唔係富士山，但係無個地圖我就唔夠膽肯定呢一座係邊座山。


咁樣就從冰天雪地嘅北海道返返黎彩色世界嘅東京啦！一去到東京就突然覺得個溫度差好多，好熱



待續。

終於黎到羽田呢一個 terminal


然後就搭車出返去東京站啦。其實如果唔係要去東京站幫人去買野嘅話，我就寧願去上野站或者秋葉原站轉 skyliner 啦。真係貪成田特慢好搭咩。

雖然行過東京站幾次，不過拖起行李箱上黎都係搵個近近地嘅地方出張飛去成田啦。見到最近係 JR 東 個旅客中心，無人排隊，結果就衝入去出張飛入成田。


去到成田啦，NRT去HKG 果程就只係換左 PEY。咁就要去自助機度搞件行李寄左去先。

不過次次去自助機我都係麻麻地解構到張 label 點貼好，結果都係勞煩返地勤幫我去貼好個label 啦。呢個時候，地勤就當然會問一問我去show 返張登機證睇下啦。然後睇完一輪，個地勤叫我留意清楚張登機證。我心諗，下？搞乜鬼啊，登機證，有乜好特別留意啊。
地勤：you are so lucky today。

然後我定一定神，先慢慢睇返張登機證，咁又點啊？


地勤： but please be reminded that you do not have the rights to enter the lounge, we just upgrade you to Business Class, congratulations !


呢個時候先見到，係啊。張 boarding pass 真係調左我去 business class NRT 度個 Sakura Lounge 都去過，雖然都想去多次，不過算啦，有機會先算啦。

咪住先，我記得今次飛香港果班好似係 A330，咁究竟係真 J 定假J先？咁就想入去個網度睇下個seating plan，不過就未有答案嘅。

更正：唔係秋葉原，係日暮里站轉 skyliner

咁我唔理住先啦，去左成田搵個位食返個拉麵，行下免稅店先。


果排係士多啤梨當造嘅季節，當然就要搵返個士多啤梨甜品食下先啦。


咁都差唔多時間啦，所以就去gate度等boarding。不過好似都見唔到呢架機個編號，查唔到係 真 定 假 J


早一輪都收到一個 電郵 話係 important notice regarding the flight，我仲以為係好重要，改時間啊之類，原來係講緊呢班機會試用 boarding group 咁登機。不過我見個結果好似都唔大分別，個個都係起未登機果時候就已經起相應條隊前面排曬好隊先，外國人地做到好似係因為佢地真係去到果個 boarding group 先走出去登機。


見到個結果啦，係 真 J 啊！！！！！！！！！ 雖然唔係第一次搭商務，不過呢班機返到黎香港都成凌晨兩點，有個位躺平訓咁返返黎香港，真係舒服好多啦。


咁就有兩本野。


不過部機個 inflight entertainment system 仲係起 studioCX 嘅年代，不過唔緊要啦，我都係旨在有個位好好咁樣訓覺，都唔會點樣用個系統去睇戲。




例牌都係啪返幾杯 Cathay Delight 啦。


咁野食方面都見慣見熟。不過我記得之前個餐具好似唔係咁嘅綠色，好似用左呢款之後個感覺好似 downgrade 左咁。同埋個雪糕好鬼硬




啪多杯啤酒，其實係鍾意個罐個設計。


咁可以躺平咁返返黎香港，個感覺真係唔同啲。呢次都solid 咁訓左兩個鐘，醒果下就係廣播話係 30 min landing 果下。 而solid 咁訓完個效果真係好好多。


返返黎香港，以為件行李都要一定嘅時間先出到啦，但係佢唔知邊個位幫我綁埋條 business priority 個 tag，之前用自助機我都無綁架嘛。咁就好快咁執到件行李去機場酒店訓返晚先出返市區啦。

覺得佢點都要 upgrade 下間機場酒店啦，插頭位又少，USB位又無，起間房入面我想要用個花灑但係點樣去搞都好都唔可以起果度出水，點都係bathtub mode。不過間房就大嘅，攤平兩個 gip，執 gip 卓卓有餘。

東京灣間la vista都好正、早餐係無帆立貝
啱啱開關星期六、最cheap plan都係1萬yen加3千yen包早餐
依家要2萬yen up仲爆滿

好啦，總算無爛尾咁打完個遊記，道東自然無添加嘅風景真係值得去睇！咁下次可能係快閃九州，或者想無車都走去紐西蘭度玩下（好似可行但係唔知係咪自己玩自己嘅行程，未深入研究）

咁到時候有機會見啦，或者呢篇都係最後一篇起呢度嘅遊記？有緣先再見啦

東京灣個位好卡下 咁都可以爆滿？

食宵夜拉麵都要排15分鐘
就係鐘意佢夠靜、果時未開千客萬來

不過可以睇住彩虹橋都正嘅之前都會特登搵啲有好view嘅酒店住

點解最後一篇
Btw，啱啱去完紐西蘭返嚟

打一篇都花時間，同埋有時候應該就唔多野寫 咁就算啦

好可惜

我夏天去覺得美幌峠幾靚

可能今次我就覺得其他位正啲掛
不過好似冬天天氣麻麻唔係成日都見到清嘅景色，都叫做賺左

我諗緊10底11月東北12日，但原本諗住青森，秋田，仙台，福島，東京

但秋田冇車都幾撚煩 諗緊山形，仙台福島東京

11月底12月，東北12日sorry

都係啊，我記得之前10月睇紅葉，同埋近期啲有個圖書館都想去，無車真係幾煩下

不過呢個月份去東北會做乜，純好奇

紅葉都有既

東北好似十月尾十一月頭 十一月尾去到關西果邊？