[開左 po 先][遊記-真係慢慢打] 東北道東冬日之旅

唔止入黑啦，未入黑條街都已經好少人，係行到幣舞橋先多返啲人

lm

上次on居居坐左中午內陸機去釧路、返到釧路站都成4點
唯一去到的景點就係幣舞橋、和商都收曬檔5點黑齊

釧路第二日

釧路呢邊嘅天氣真係好唔好，幾好天。因為唔識得揸車，所以都係唯有靠同 frd 去包車去處理道東呢邊嘅行程啦，而想去嘅位都可以自訂，想留幾耐都得，不過司機話今日想去嘅點好似都多，而且又要搭飛機 / 鐵路去返札幌，所以時間都有啲緊迫，所以每個點都係預十幾二十分鐘。不過其實都夠嘅，當然有啲位如果有機會留耐少少會開心啲嘅。個司機唔識英文，不過都靠翻譯機同埋文字都溝通得到。

雖然呢度有啲位都可以靠巴士團去到，不過聽聞好似都幾難去搶到巴士團啲位？

在晴朗的一天出發！



第一站就係去啲人去釧路應該都會去嘅行程，就係去睇丹頂鶴啦。咁都正值餵雀時間，所以都可以見到好多丹頂鶴。一去到現場已經見到好多人攞住一支支長鏡頭走去影雀～


咁當然就係想見到啲雀飛，或者有其他姿勢多過齋企起度食野啦。

之前聽過啲人話影雀仔其實要花好多時間，同埋都係幾燒時間嘅行為，比較適合啲退休人士去玩 （no offence），咁試過都覺得係，始終短短十幾分鐘見到嘅姿態都真係有限 同埋影雀都幾燒錢，今次攞支 50-400 去，都要靠cut下相，同埋影大特寫真係唔夠。如果再要買啲長啲嘅鏡頭，又係一筆錢

睇完一輪雀仔，就去下一站啦。咁就去摩周湖嘅展望台睇下先。不過可惜望住摩周湖果邊個天色就麻麻，見唔到摩周湖美麗嘅一面。



反而展望台嘅另外一面見到連綿不斷嘅山，個景色幾唔錯


之後司機就車我去左美幌峠。睇圖好似人地影嘅美幌峠好似特別啲咁，早知就將呢個點取消左佢啦。多啲時間去其他點好似開心啲。不過睇啲人話，美幌峠呢個位又唔係成日都好天嘅，又或者係我去果排個湖都唔係結左冰，所以絕景指數好似咁就唔夠高咁掛。



司機就話起呢度就有幾個位可以影，有一個位就要行遠少少，不過見到咁，啲人都行到要扶住個欄杆先行到，證明上面幾滑啦，所以我都係放棄唔走上去啦。而且呢個位都真係幾大風

一路搭車，望住出面嘅風景都覺得幾寫意。如果識得揸車嘅話，周圍走去睇風景，其實都真係幾寫意 不過如果識得揸車，起北海道大風雪冬天嘅日子我都係唔係太夠膽會走去揸車嘅


搭巴士嘅話就唔會影到！司機見到路邊有一隻狐狸企定定起度，都特登停起度較低個車窗比我影低佢

跟住就去到一個位叫古丹溫泉啦。起呢度我就覺得如果可以起呢個位度停耐啲就好啦！如果有機會下次再黎嘅話，應該我會咁要求 因為呢一度就有一個露天嘅溫泉位，隔住浸石頭就係海，而海邊都會起呢啲天氣嘅時候都會吸引一班天鵝過黎避寒浸溫泉，而你就可以對住班天鵝咁，望住個雪景山景咁浸，感覺應該都幾正，有機會浸住咁打卡影張相都好啦。



就算無落水浸都好，起岸邊見到啲雪，天鵝，同遠處嘅雪山，成個畫面好平靜，天氣又好，成個感覺真係覺得好天然，毫無污染嘅畫面，附近又少人 如果多啲時間我應該可以起度望住班天鵝成幾個字都仲得。



而附近都有另外一個睇天鵝嘅位，果度就係砂湯啦。咁呢度岸邊就係沙類質地為主，而都有一個位俾人浸腳（足湯）。而附近都有一個小賣店，同好似有一個手信舖之類嘅地方俾人買飼料去餵啲天鵝食。個人覺得，雖然呢邊天鵝數量又真係多啲，不過有比較之下，頭先去古丹溫泉果邊，好似無咁人工，成個感覺果邊好似自然啲而又迷人啲咁。




待續。

唔緊要啦 再去過！和商我第二日想食都無，因為係休息日

狐狸

有機會都可以去下狐狸村 除左仙台好似北海道都有個

最後一個點就係硫磺山啦！去到呢度，我覺得就好睇過兩年前去過嘅登別地獄谷多多聲咁！呢度就可以比較近距離咁樣去睇到啲噴氣孔，同埋噴嘅氣嘅數量好似刺激過登別個地獄谷咁。去完呢個景點之後，成身都仲係果一浸硫磺味。而隔離都有一個遊客中心之類，入面都係見到之前見過嘅土產，所以就唔多去逗留啦，都係留起室外度看風景好過。





山或者大地堆左一浸雪。有啲地方又無，而個地就係黃黃地色，成個畫面就顯得更加荒蕪咁。同埋附近一啲石頭上面有啲有積雪，成個畫面就更加特別。


啲石頭都變成綠色，好似話呢啲就係硫磺嘅石頭？






之後就渣車返返去釧路站啦。總括黎講呢一日道東包車之旅都幾正，因為睇到嘅風景真係比較特別，同埋真係可以見到道東大自然果種無添加，寧靜嘅一面！如果有車，又夠膽起雪地上面渣（好似之前都試過道東呢一邊大風雪到喊，只係我好彩就遇見大晴天掛），道東呢一邊真係幾值得去，睇睇下好似仲有羅臼，野付半島個 feel 都好似幾正，睇睇之後有無機會都去埋呢幾個位啦。不過呢幾個位交通仲偏過知床半島宇登呂果邊，我就真係唔知點樣搞啦，可能有啲攝影團會去掛。

今次都無去到阿寒湖，看網上啲資料見阿寒湖果邊好似都係比較商業化少少或者娛樂性多啲咁，例如起結左冰嘅湖上面有一堆雪地活動咁樣，實情唔知道係唔係只係咁樣嘅呢。不過果個阿寒愛奴文化村好似都比較值得去，有機會先啦！

待續

十二天守（係四國碌緊）、47都道府、成堆list

四國無車我都唔知點搞

硫磺山係原野、我去果時d雪成半個身咁深
登別果個for旅客、條路好似滑梯、跣住落但要擒扶手上返去

無錯！果次去登別就算點行都會有想滑低嘅衝動！

真係好靚

無添加大自然景色真係值得去睇

買張JR 四國pass、想落車就落、去完宇和島諗住去下灘、但撘車睇到大洲城有櫻花就轉去大洲城…雖然個城好伏伏伏伏

車返去釧路之後，其實時間尚早，可以起釧路度留耐啲，不過和商今日休息無開門，咁唯有就搭巴士移動去機場搭飛機去下一個目的地美瑛，富良野啦。班機原來delay左，咁我又唔想咁遲先從札幌 / 新千歲 搭火車入旭川，結果就起入機場嘅巴士上面退票同埋買下一班嘅內陸機機票 順利返返去新千歲，起新千歲機場購物中心度食埋個晚餐先走去搭車去旭川。住嘅都係上次住過嘅 JR inn 旭川，裝修真係唔錯，又近 JR 站，又有大浴場。

好，之後就開始美瑛之旅啦。都係約返果個帶過我遊美瑛嘅司機。咁可惜今日個天色都係麻麻，本來想睇下影唔影到藍天白雲嘅雪景願望又再一次落空啦。 不過執執下都有啲相可以見人嘅。咁呢一日廢話就唔寫咁多啦。


瀑布隔離都變埋冰柱



有陽光同影嘅話真係差好遠


可以話係全日唯一一個位見到藍天白雲




不過陰天都有另外一種味道嘅，但係覺得雪多左啲。無咁大雪，遠景可以清啲就好啦。


偶然見到狼一隻。


美瑛有座政府大樓果類野，個觀景塔就好似五六層樓高，但係就已經高過曬美瑛附近啲樓。所以起上面度見到個景色都真係幾開揚。


拓真館。起呢度見到松鼠架，不過追唔切，同埋最後又滑倒跌低左


穌光射落啲樹度，咁呢一個景色又真係可遇不可求嘅，總算係安慰獎啦。

待續

希望有機會見到藍天白雲嘅美瑛啦。

咁去到呢啲城，都係睇櫻花襯埋落個城度嘅畫面，多過睇本身個城嘅。

打錯，果一隻係狐狸

無乜人睇，咁又係，依家都追櫻花啦 仲點會睇雪。咁就繼續出啦。

果一晚就住富良野嘅 la vista。本來就預之後果日就去熱氣球之旅，不過就因為高空太大風而無得去玩熱氣球啦 希望有機會可以再去啦。

咁la vista 富良野都幾正，就當係旅程完結之前嘅最後一個輕鬆嘅點啦。

好多位都可以見到富良野一帶嘅山脈景色，對面應該係滑雪場。





la vista 除左有大浴場之外，仲有三個貸切風呂，無人嘅時候就可以入去用。對住大雪山咁浸，感覺真係唔同啲。




咁係 dormy inn 嘅旗下酒店，當然有最出名嘅夜鳴拉麵啦


聽人講 la vista 嘅早餐係無敵嘅，雖然無左個熱氣球之旅，但係總算就食到呢間酒店嘅早餐有幾厲害，都算係一種收穫嘅。佢有得比人自由咁去整個海鮮 don，又有好多燒扇貝俾人食。齋係呢兩樣已經叫人好滿足





待續

睇到櫻花都係bonus, 追櫻都係東北弘前世一

弘前櫻花真係絕景級