[開左 po 先][遊記-真係慢慢打] 東北道東冬日之旅

諗起呢隻秋田個pat pat

X X X

樓主宜家隻腳好番未

番到嚟駛唔駛做physio

師兄我都有飲呢杯枝豆

未啊，不過排得 physio 黎應該都好返啦
咁我寧願去睇跌打

依家好似除左仙台，好似其他位都有鋪頭賣呢款野，之前聽人講羽田機場內定大阪都有，不過我就都只係起仙台飲過

咁係咪去睇咗跌打啦

Get well soon, bro

我嗰時喺冰路上跣親都要成半年先好番哂

所以我好怕冬天落雪去日本東北同北海道

寧願夏天去

睇左啦～～～ 咁呢啲位傷真係有排搞

各有各好啦。南方人又想睇下雪景嘅 同埋夏天日本嘅熱都唔係咁容易頂

啱

仙台名物

嘅然嚟到仙台，牛舌應該棟第二間

因為利久全日本多到好似大家樂咁

Get recovered soon

早日康復再去賞櫻

上次睇完東北櫻花，應該未會再追住。
反而研究緊會唔會快閃阿蘇走去開下九州嘅版圖

正

福岡機場近市中心，快閃都係九州好

福岡酒店貴同東京差不多

係呀，喺機場搭的士出去市區就得

又可喺屋台食拉麵

繼續睇你仙台嘅行程

無啦，之後入北海道架啦

好

冬之北海道之旅

https://www.facebook.com/share/15w8LdBpiA/?mibextid=wwXIfr
雪季都會有幾次封路

好彩
如果真係起知床度被困，真係唔知點搞 入面都唔知有無位比你暫住

然後就開始北海道嘅行程啦！


一開始飛札幌其實都係為左飛上去女滿別，本來呢一日會去支笏湖冰濤祭，不過天色麻麻我就決定唔搭車去啦，畢竟搭過去都好似要一段時間

咁一開始都係起新千歲機場購物中心掃貨先啦。畢竟之後又唔想浪費時間走去買手信，又可以走去機場入面個郵局寄返黎香港唔使搬黎搬去咁麻煩


去到北海道就係要試牛奶！又有唔同牧場嘅牛奶俾你買黎試。


搵到呢一檔海鮮便當，如果攞住個便當上機慢慢食，個 feel 真係幾正


佢都話俾你聽唔好以為一個 trip 可以玩曬成個北海道 。


札幌個舊北海道廳本廳舍終於拆棚啦，之後去到七月左右就重新開放俾大家入去。


咁都唔係第一次去札幌，今次起入面都唔多特別野搞，所以呢段我都係略過啦。

第二日就飛女滿別。可惜就係天色比較差，見唔到上次飛女滿別咁咁好樣嘅景色。今次起網走同知床嘅天氣認真麻麻。咁可能要睇靚相嘅就會有少少失望啦。不過都算啦，咁life must go on 架啦。所以網走同知床呢度我就唔寫咁仔細啦。


結曬冰嘅網走湖。旁邊就有蘆葦果類嘅植物。


去到網走就當然要去搭流冰船啦。呢次 book 黃昏時候嘅流冰船，不過佢果日去到黃昏就天色麻麻，就見唔到日落搭流冰嘅景色啦。不過都叫好過無先架啦。因為今年流冰啲期都古古怪怪，遲左成半個月先到網走同知床。起我早幾日啲流冰先到。所以見到流冰都已經算好啦。


等緊流冰船都開左陣航拍玩左陣。 不過一大片都係流冰，起構圖上面都係要有啲心思先得。


嘩，呢個溫度著住短衫短褲去舉牌歡迎大家。


相比起上面黎，呢次見到嘅流冰更加實正更加密，不過可惜就天氣不似如期，如果唔係天陰嘅話就好啦

咁去到網走都 book 左個單車黎踩。本身就係去比較多流冰嘅海邊踩嘅，不過果度好似比較多沙，雪唔夠厚，導遊都踩唔掂



雪地單車條呔就比較粗。所以就轉左去踩去能取岬。咁起能取岬呢度就可以睇到個燈塔，好似話呢度係之前啲戲成日黎取景嘅地方，同埋海邊一帶嘅流冰。如果天色好啲嘅話起呢度睇到嘅景色應該會好正。不過呢次黎呢度就感受到好大風好大風好寒下。

想講A-factory個派比幾好食

星野啲活動點計？

無錯 次次去青森都會買黎食同埋入面其實好多野都好想買黎食
可惜佢果日無開雪糕店