【pH值介乎於7飄浮的愛情故事】《一腳踏兩船》(6)
飛揚
戒咗兩日J
上回講到Joanne食住嘢都要影返好多靚相Post返上IG先啦～
LB都好快有心心～但又係冇留言～
Joanne諗多兩諗都唔諗得咁多喇～
Joanne同Jeff邊食邊做功課溫書～
Joanne就突然錫啖Jeff喎～
咁突然㗎咩？
愛情就係咁突然㗎啦～
Jeff仲係好易面紅～
明明都拍咗成兩個月拖啦～都仲係咁怕羞～
做完功課又溫完書，喺咖啡店食埋晚飯～就返屋企喇～
Jeff都送Joanne返屋企～
去到Joanne屋企樓下，佢就拉Jeff去啲冇人嘅暗角喎～
原來係想曳曳～
不過Jeff又唔太曳曳咋喎～
Joanne都俾晒性暗示啦～Jeff都仲係唔醒目！
咁冇理由要女仔做主動㗎嘛～
諗多幾諗...Joanne就諗起LB喎！
仲FF住LB嚟同Jeff親熱！
唔得喇唔得喇！Joanne都係話差唔多要返屋企喇！
Jeff仲係依依不捨咁望住Joanne入𨋢...
返到上去當然就第一時間打返俾佢啦～
『喂～』Joanne除埋對鞋，『返到上去喇我～』
「嗯～你屋企人返咗嚟未吖？」
『未啦～』入房放返好個袋，『邊有咁早～』
「咁你自己一個小心啲喎～」
『你小心啲就真吖～行到去邊吖？』
「啱啱過馬路咋～」
『咁你就真係要小心啲喇～」
一路傾，一路Post埋啱啱影嘅相上IG～
“做晒功課溫晒書 有佢送埋我返屋企”
唔使幾耐...就有心心！
果然呢...又係LB...第一個俾心心...
明明就有睇住Joanne個IG...但又係冇留言...
「咁你換衫未呢？」
『換喇換喇～而家換喇～做咩吖？想睇吖？』
「痴線唔係啦！」
再睇返LB幫Joanne講好說話嘅留言...
究竟LB諗緊乜呢？Joanne自己又諗緊乜呢？
有陣時就係咁，最唔了解嘅唔係邊個...而係自己...
TO BE CONTINUED
跟住既劇情發展又會係點呢？
準備出文
“很感激 喜歡我十年仍不休”
一早電話響...
“近日舊同學說我已 耿耿於你心六百週”
當然我就冇第一時間接聽電話...
“很可惜 這一世未能長廝守”
都係轉咗幾轉...
“很感激 喜歡我十年仍不休”
又Loop咗幾Loop...
『喂...』
勉勉強強先接聽電話...
又係平時返學嘅日子...
『嗯嗯...』
不過今日係開心星期五...
「又賴床吖？」
亦即係公開咗我同Jeff嘅戀情都已經過咗五日...
『小賴...小賴...』
時間都過得幾快...
「唔小賴～朝朝都賴～」
總係喺不知不覺之間流走...
呢個禮拜又有咩特別？
「啜啜卜～」
我諗...生活變返自然？
『嗯嗯～而家去梳洗喇～』
點為之自然？
『係吖而家換衫喇～你咁醒嘅咁都估到～』
即係同Jeff一齊可以大方啲！
『著緊鞋喇著緊鞋喇...哎吖著唔到...等等先...』
唔使遮遮掩掩咁！
Jeff都係呆呆咁企定定...發呆咁企定定...
我就鬼鬼祟祟咁行快兩步...然後一嘢就拍落去：『喂～又發晒呆咁～』
「喂～」Jeff帶住微笑擰擰頭，指指前面，「唔係吖～見唔見嗰隻貓貓吖？」
『哦？』我望向Jeff指嘅位置，『係喎係喎～』
「佢係嗰間舖嘅貓店長～」Jeff點點頭，「一開舖，佢就朝朝都懶洋洋咁喺舖頭門前梳毛～」
『哦！你朝朝就係喺度𥄫貓貓！』都唔係專心等我嘅！
「咁佢似你吖嘛～」Jeff帶住微笑點點頭～
『邊忽似先？可愛方面？』
「懶嗰方面吖～」
『吖！』我一手拍落Jeff隻手臂，『又話我懶！』
「哎吖～」Jeff捽捽自己手臂，「唔係唔係～唔懶就快啲行啦～遲到㗎喇～」
『行咪行囉～』
其實喺街上已經有唔少人拎住部電話對住我哋...
我諗唔係拍片就係影相～
Jeff就有啲唔自在喇～不過唔係因為佢介意，而係佢怕我介意～
我就唔在乎喇～仲拖到Jeff實一實～企喺月台等車嚟仲會翹住佢隻手臂，挨喺佢身邊添～
俾人影到仲好～放埋上網就更加好～
入到車廂，我就捉住Jeff對手，要佢從後攬住我條腰咁企～
要再高調啲～越高調就越好～
呢個禮拜都係咁～
亦理所當然，我哋都有唔少相俾人放晒上網～上IG～
都吸引到唔少留言㗎～當中當然有唔少Hater都話Jeff太平凡...但同時亦有勁多LB Fans或者係我Fans都話班毒撚咪開心囉～女神同平凡嘅人一齊～佢哋先有FF空間～
所以個風向都係好嘅～
同Jeff保持高調咁返到嚟學校，門口外都見到有警察巡邏。
點解佢哋咁得閒？我哋學校係唔係有危害國家安全嘅風險？
冇啲咁嘅事！只係因為上個禮拜有跟蹤狂嘅出現，通知咗學校...
而學校方面覺得事態嚴重，避免再有跟蹤狂嚟搞住學校，所以校方決定報驚姐～
又估唔到警方真係派人嚟巡先搞笑吖嘛～搞到鬼咁緊張～
不過都好嘅～我都係驚再有跟蹤狂出現嘅～
仲有一種係娛樂新聞嘅狗仔隊！
呢個禮拜都見唔少㗎喇～返學嘅時候又見過～放學嘅時候就比較多囉～
佢哋都會匿埋一二角偷偷影咁！
有陣時有警察行過見到，都會走埋去問佢哋乜事。
當佢哋表明自己係記者之後，啲警察又由佢哋繼續留喺嗰度。
而家啲娛樂新聞又好快手㗎～呢頭偷影完，轉個頭已經喺YouTube見到喇～
不過又影得我幾靚～有啲仲影到我同Jeff好恩愛咁添～咁就冇所謂啦～
其實我都唔知點算好...就喺呢個時候...Marco DM我喎！
“Marco：提返你聽日有下集新MV要拍”
係吖～又有新MV要拍喇～
佢哋話其實一早就已經諗好咗～
只係要睇吓第一個MV出嚟嘅效果好唔好先再諗係唔係要繼續～
咁好明顯第一個MV個效果好到超乎預期啦～所以打鐵趁熱！快快手手約好開拍下個MV喇～
除咗回覆返之外...
“係吖我有啲問題想問問你意見”
都係問問Marco好啲！
雖然Marco唔係我嘅經理人，之但係佢都有話過有問題可以問佢～佢會盡量幫我嘅～
“Marco：隨便問”
“係關於有YouTuber想搵我合作 我唔知應唔應承好”
“Marco：哦 咁都好簡單嘅 首先就係要睇返個利益點先 有啲係一心諗住搵你著數嘅就唔好喇”
一心諗住搵我著數？
“Marco：如果個合作對你自身 甚至將來都有良好嘅發展 咁就可以考慮”
對我自身...將來都有良好發展...
“Marco：當然仲有就係個YouTuber或者個Channel本身個口碑好唔好 理念又同自己一唔一至”
好似好複雜咁...
就咁聽可能唔係好明...但當確確實實咁遇到...或者會清晰啲嘅～
今晚出完
鍾意嘅朋友記得Like同Share俾身邊嘅朋友一齊追～
有咩記得喺下面留言講～我會一一回覆～
三句預告
講真一句，有好多嘢都未遇過...亦冇諗過會遇到...
或者人生歷練太少...始終都仲係太細個...
或者細細個就開始有經歷...唔使等到大個先嚟泥足深陷...
