【pH值介乎於7飄浮的愛情故事】《一腳踏兩船》(6)

『喂～係唔係入咗去喇？我到喇～』

「係吖～坐低咗喇～窗邊位～」

『窗邊位咁好？』我望兩望，就望到Jeff，『見到你喇～』

離遠就見到Jeff坐喺窗邊位～

我就急急腳咁行去坐喺Jeff面前：『喂～呢個位好好陽光喎～』

啲陽光由落地大玻璃射入嚟～射到去Jeff身上～我嘅身上～

「係吖～」Jeff帶住微笑點點頭，「方便我哋溫書做功課吖嘛～」

『係喇係喇～』我望望整間咖啡店，『呢度真係唔係好多人㗎咋喎...』

地方話大唔算大...可以話細添...

檯又唔係多...仲要冇乜客...加埋我哋先得三檯客...

店員都係得兩個添...

「係吖～都話呢間咖啡店冇乜人㗎啦～不過你又唔好睇佢好似冇乜人幫襯...啲嘢食同咖啡又好掂㗎喎～」Jeff胸有成竹咁點點頭～

『係咩係咩？』的確係想搵間冇咁多人嘅咖啡店...

尋晚傾完訪問啲嘢，就同Jeff傾今日去邊好～

我一心都係想去啲冇咁多人嘅地方啦～最好唔好周圍去啦～

有得坐啦～靜靜地啦～休息吓咁啦～

然後Jeff話有間咖啡店都幾僻嘅～冇乜人去嘅～可以坐足成日添嘅～

有合乎晒我要求嘅咖啡店就梗係好啦～

不過Jeff仲話可以做埋功課溫埋書！

其實我就唔係好想㗎咋...放假吖嘛！做咩功課溫咩書姐？

不過Jeff話我呢排做功課好慢...又成日做錯...啲測驗都差啲差啲唔合格...要幫我惡補惡補吓喎...

唉Jeff都講到咁咯...咪聽佢話囉...

「咁我去買啲嘢食返嚟先～」Jeff拎定銀包～

『嗯嗯～』

「等我～」

望住Jeff嘅背影行去買嘢...

我又望望另外兩檯人客...都係顧住做自己嘢...對住部MacBook又好...拎住本書嚟睇又好...

再望望窗外嘅景色...係僻靜舊區嘅景色...

發咗一陣呆...總係呆呆滯滯咁...

然後...

「喂～有嘢食～」Jeff就買咗啲嘢食同兩杯咖啡返嚟～

『好嘢好嘢～有嘢食～』其實我都幾肚餓～

Jeff放低啲嘢食喺檯上，我再睇清楚...

其實冇乜特別...都係我哋平時食開嗰啲啦～

或者個外型係有少少唔同嘅...圓形吖長方吖正方吖三角咁囉...

之但係啲料都係差唔多...

冇錯吖～Jeff就係咁～總係會買返啲我哋平時食開嘅嘢返嚟～

唔會好似LB咁...好似尋晚咁...為我帶嚟新鮮感...

做咩吖？我做咩又諗起LB吖？尋晚臨瞓前我唔係唔要諗起LB咩？我唔係迫自己唔要再諗起LB㗎咩？！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

話咗唔諗唔諗...但越係唔諗就越諗起...

尋晚喺山上...LB捉實我隻手...望住我嘅眼神...

講真...講真...

嫌棄啦
啫夫準備離場
LB全面進場

幫佢鋪定後路啫
冇咗Joanne 都可以活得比佢好

點都會有少少對比嘅

條後路會唔會鋪得好後
活得更精彩

啫夫冇理由傻更更比Joanne食住架嘛
心入面諗好哂唔講出黎啫

少少之後就多多架啦

jeff哥慘成功課兵

Jeff係單純小毒毒 邊有咁多心計㗎

Jeff都有佢自己嘅優點㗎嘛

係男朋友嘅功能之一

仲有個功能係俾錢

好大頂帽

AA制㗎 係Jeff成日爭住俾

都仲未戴

就係joanne用肉體引誘

係Jeff錫住Joanne 唔介意自己出多啲

係joanne利用jeff呢種心理搵佢笨柒

早