【pH值介乎於7飄浮的愛情故事】《一腳踏兩船》(6)

飛揚 · 2025-02-14T19:13:16+08:00

究竟係你選擇愛情？定係愛情選擇你？逢星期一至五，準時七點正有文出。鍾意嘅朋友記得Like同Share俾身邊嘅朋友一齊睇～有咩都可以留言同我講～有你哋嘅意見，我先會有進步～下面係Penana嘅Link，想睇返之前嘅章節都可以Click入去。 Penana https://www.penana.com/story/168592/一腳踏兩船鍾意我呢條廢腸寫嘅故可以Like Facebook同Follow Instagram～感激大家長久以嚟嘅支持～在座各位都係讓我光合作用嘅陽光～ Facebook專頁 https://www.facebook.com/whirlingdancer Instagram https://www.instagram.com/whirling666/ Penana https://www.penana.com/user/122935/飛揚/stream 第一個Post 第1, 4, 5, 7, 8, 14, 17, 19, 21, 23, 25, 27, 28, 30, 32, 35, 37, 38, 39頁有文 https://lih.kg/3820256 第二個Post 第2, 8, 10, 12, 13, 15, 20, 22, 24, 26, 30, 33, 35, 37頁有文 https://lih.kg/3834466 第三個Post 第2, 4, 8, 9, 13, 16, 18, 27, 29, 31, 34, 36頁有文 https://lih.kg/3845692 第四個Post 第2, 4, 7, 10, 14, 17, 19, 23, 25, 27, 33, 35, 37頁有文 https://lih.kg/3855712 第五個Post 第2, 3, 10, 13, 18, 21, 24, 29, 31, 34, 36, 39頁有文 https://lih.kg/3866602

飛揚

1001 回覆

5 Like 0 Dislike

飛揚 2025-02-21 18:27:57

41樓大王 2025-02-21 18:28:13

飛揚 2025-02-21 18:52:06

飛揚 2025-02-21 19:00:10

上回講到Joanne仲係有好多功課唔識做～要Jeff教～
唞多過做之下，電話叉滿電喇～睇睇電話先～
一早就話咗Joanne唞多過做㗎啦～
Joanne睇返YouTube～條訪問片出咗街喇～
又會咁快就出得街嘅～仲諗住要等成個禮拜㗎嘛～
Joanne就同Jeff一齊睇啦～
都影到Joanne勁靚女～對腳又修長雪白咁啦～
Jeff都俾Joanne吸引住～
而Joanne自己就留意LB多啲嘅～
仲留意到唔記得咗LB話Joanne冇男朋友就有興趣！
最大鑊係Joanne答唔知呢～
Jeff皺皺眉！Joanne就講大話話係照稿讀！
點解要講大話呢？
唔講都講咗！大話嘅嘢一係零次，一係無限次！
睇完片再睇埋啲留言，竟然有人爆Joanne有拖拍！
再繼續碌...慢慢碌...下面又有啲留言...
“見過佢同男朋友一齊啦”
吓？真係有人見過咩？
幾時吖？喺邊度吖？
繼續碌...繼續碌...睇吓仲有冇...有關Joanne同Jeff嘅留言...
然後就俾Joanne見到“早上搭車見過啦佢哋仲攬住添”...“見過佢同男朋友喺書局一齊睇書”...“喺戲院買二人世界套餐睇戲幾咁甜蜜吖而家又話唔知唔知假到死”...
竟然...都有唔少...
最過份嘅係“佢男朋友都唔知有乜咁好好普通嗰啲咋嘛完全襯唔起Joanne囉好心佢就唔好浪費Joanne嘅青春啦 Joanne可以揀個更好㗎囉唉祝佢哋早日分手”
使唔使講到咁過份吖？！咁講Jeff！
「睇嚟唔係同學...好有可能...」Jeff冷靜咁分析，「係上次個跟蹤狂...」
上次嗰個跟蹤狂...要Joanne做佢女朋友嗰個變態？！
跟住既劇情發展又會係點呢？

準備出文

飛揚 2025-02-21 19:00:28

「就咁睇...」Jeff睇清楚啲留言，「帶起嗰個亦都係最多回覆嗰個...都係同一個人...」

『嗯嗯...』就咁睇個公仔頭像都睇得出...

「而佢講嘅嘢大多數都係和應...」Jeff睇清楚，再諗一諗，「同埋表達自己嘅睇法...當中係完全冇講過有關我哋學校裡面嘅事...」

『嗯嗯...』都係...

莫講話呢條友嘅留言...其實咁多個針對性留言都冇講過學校裡面嘅事...

全部都係喺黨鐵上吖...街上吖...商場裡面吖...

應該都可以話係街外人...喺街上留意到我哋嘅人...

「估唔到呢條友都幾麻煩...」Jeff皺皺眉，「仲諗住打發咗佢就算...點知佢又要出嚟搞事...睇嚟啲變態佬係特別鍾意死纏爛打...」

『係囉...』啲變態佬想點姐？

即係人哋唔鍾意你，唔揀你，你就深深不忿？

就係你哋啲死人性格吖！先冇女鍾意㗎咋！都唔識得自我反省！

飛揚 2025-02-21 19:01:28

『咁而家點好呢？』咁多負面留言...

「都冇乜點嘅...」Jeff帶住微笑擰擰頭，「唔好理佢哋囉～」

『但係佢哋咁講...』睇到都嬲啦！

「你越係理佢哋，佢哋只會講得越難聽～」Jeff帶住微笑點點頭，「呢啲時候都係唔表態好過表態～」

都係嘅...

人哋係唔鍾意你，你越去解釋就越惹人討厭...

就算你講嘅嘢再有道理都好...

Hater始終都係Hater...你講乜做乜佢哋一樣都係咁Hate㗎姐...

飛揚 2025-02-21 19:02:53

之但係班Hater真係越講越過份！

又話“佢個男朋友唔見得光㗎？唔係嘅話都唔會唔知呢”...又話“唔知呢～唔知呢～扮晒清純咁唔知呢～”...又話“明明有又講到似是而非咁做咩姐？想多啲人鍾意？”...又話“咁耐都冇回應即係係啦”...又話“做佢條仔真係慘睇唔住自己條女”...又話“啲人係咁㗎啦發明星夢明星唔可以拍拖㗎嘛”...又話“佢男朋友咁嘅款都唔怕啦遲早都係散”...

越嚟越多留言...越嚟越多Hater...越嚟越多人針對Jeff...

即係講我都算...點解要講Jeff呢？

又唔係識得Jeff嘅...就講到好了解佢咁！

根本全部都係加鹽加醋！自己FF！

點解啲人咁鍾意作嘢㗎呢？咁作得唔好去做作家？！

飛揚 2025-02-21 19:03:26

就喺我越睇越嬲...嬲到就嚟頂唔順...要反擊之際...

“我諗你哋有啲誤會”就見到LB留言！

竟然？LB都有留言？

我就睇清楚...

“其實Joanne都冇話冇男朋友只係怕羞唔敢認姐”

LB...幫我講說話？

「係LB...」Jeff好認真咁睇LB嘅留言...

『哦哦...係喎...』我都同Jeff繼續睇落去...

飛揚 2025-02-21 19:04:33

“咁女仔係咁㗎嘛仲要係好似Joanne呢種年輕少女係會怕羞啲嘅”

唔止一個留言...

“其實喺拍攝期間 Joanne都怕羞㗎要俾啲時間去適應面對鏡頭喎然後又要面對大家喎怕羞好正常啦”

逐一回覆...

“有拖拍都好正常 Joanne咁靚女又吸引而且就算明星有拖拍都係常態啦”

一個又一個...

“更多嘅係唔會刻意公開唔使做到出晒面自然見到就自然公開順其自然”

每一個回覆...

“喂咩年代吖？明星就唔拍得拖咩？開放啲啦～”

都為我護航...

又真係估唔到...

飛揚 2025-02-21 19:05:57

「LB好明白事理...」Jeff諗一諗，「仲好識講添...」

『嗯嗯...』明唔明白事理我就唔知...但好識講就真嘅...

LB把口係叻嘅...同佢相處過都感受到...但係就估唔到叻到面對Hate都處理得咁好...

或者係佢自己都要面對唔少Hater啦...

而有LB留言之後...

“LB就講得有道理喇！”

開始有啲正面留言！

“係咯！明星都係人姐！拍拖唔得咩？”

唔止一個！

“你班毒撚葡萄牙？女神冇拖拍都唔輪到你啦！唔好毒角獸啦！”

一個又一個！

飛揚 2025-02-21 19:06:57

“係鍾意Joanne嘅就應該祝福佢！希望佢幸福先係！好似你哋咁咩？都唔係真心粉嚟嘅！”

越嚟越多！

“其實我都見過Joanne同佢男朋友食嘢啦佢男朋友好照顧Joanne㗎係暖男嚟”

係LB嘅Fans？係...一定係！睇嚟係佢嘅Fans大量湧入！全面進場！

“我都有見過佢哋拍拖個男仔正正常常OK㗎都唔明啲人咩標準話人哋透明可能佢哋自己太突出啦毒柒嗰方面”

啲正面留言每一秒都有新！幾個！十幾個咁出現！

所有Fans都係力撐！好支持我拍拖！

海量嘅正面留言淹沒晒班Hater嘅留言！

呢啲就係Fans嘅威力？

飛揚 2025-02-21 19:08:29

Hater都無力反擊...失晒蹤...潛晒水...

「總算可以鬆返口氣～」Jeff帶住微笑點點頭～

『嗯嗯～呼～』真係可以鬆返口氣咩？

真係可以...當冇事發生過咩？

我指LB...

就咁睇LB嘅留言...再深入啲睇...打橫睇又打直睇...係真知我有男朋友就放低？咁易就放低咗？

明明尋晚先話鍾意我...知我有男朋友就可以放低...咁即係可以有幾鍾意？

咁都好正常～佢話我冇男朋友先會對我有興趣㗎嘛～呢個係前設嚟㗎嘛～咁我而家真係有男朋友吖嘛～咁即係冇興趣啦～咁真係正常咩？

真係可以一就一，零就零㗎咩？

感情嘅嘢係咁㗎咩？分得咁清㗎咩？唔係應該難以分清...唔清唔楚添㗎咩？

點解我個心...好似仲係有啲...有啲唔知點咁㗎呢？

飛揚 2025-02-21 19:08:46

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～