【pH值介乎於7飄浮的愛情故事】《一腳踏兩船》(6)

見時間都差唔多，我同Jeff執好嘢就離開呢間僻靜嘅咖啡店～

同Jeff十指緊扣咁喺夜幕之下，兩旁街燈照射之中行...

喺暗黃色嘅街燈之間，我又拎部電話影影我哋十指緊扣～

又影影路上我哋兩個嘅倒影～

然後就繼續行～慢慢行～

行到差唔多到我屋企樓下...我就主動拉Jeff行去冇人會經過嘅暗角...

我攬實Jeff...佢都攬實我...

話晒都拍咗咁耐拖...都應該知我想點...

我同Jeff就攬攬...錫錫...

我等佢伸條脷過嚟...然後又用條脷圍住佢條脷嚟打轉...

Jeff總係有好多口水...搞到我成個嘴都濕晒...

不過我又唔介意～

Jeff都好溫柔咁攬住我...但對手就冇乜舉動...都只係喺我背脊掃幾掃...

其實我已經貼晒埋去Jeff身上...仲感覺到佢下面已經硬咗...頂住我...但佢就冇進一步...摸我更敏感嘅部位...

我係想㗎！都濕咗㗎喇我...之但係佢唔主動...我又唔想主動捉住佢隻手摸落嚟...

喂呢啲嘢冇理由要女仔做主動姐！搞到好淫咁㗎嘛！

咁我只好扭兩扭...俾多啲暗示佢...

之但係我合埋對眼同Jeff打茄輪...扭多兩扭...想要想要咁之時...

我腦海中出現LB個樣！

點解會咁㗎呢？好似同LB錫緊...攬住打茄輪...

咁都唔係問題...問題係好似好想俾佢摸...由想Jeff摸我...變咗諗住俾LB摸我...

好奇怪...呢種感覺...明明係同緊Jeff...但就諗住LB...仲要越嚟越想...幻想住同LB...

越嚟越享受...攬實LB打茄輪...仲好想俾佢摸...摸我個胸...摸我下面...

我越扭越大動作...扭得好勁...

唔得...好想...好想俾LB...唔得...唔得！

我都係推返開Jeff：『差唔多要返上去喇...』

「嗯嗯...」Jeff點點頭，「咁我哋行喇～」

『抹返啲口水先吖！你好多口水～』

「咁我拎紙巾...」

『抹落你度～』

「喂！」

抹晒啲口水落Jeff件衫～佢就送到我入大閘～

Jeff仲係依依不捨咁望住我入𨋢...

返到上去當然就第一時間打返俾佢啦～

『喂～』我除埋對鞋，『返到上去喇我～』

「嗯～你屋企人返咗嚟未吖？」

『未啦～』入房放返好個袋，『邊有咁早～』

「咁你自己一個小心啲喎～」

『你小心啲就真吖～行到去邊吖？』

「啱啱過馬路咋～」

『咁你就真係要小心啲喇～」

一路傾，一路Post埋啱啱影嘅相上IG～

“做晒功課溫晒書 有佢送埋我返屋企”

唔使幾耐...就有心心！

果然呢...又係LB...第一個俾心心...

明明就有睇住我個IG...但又係冇留言...

「咁你換衫未呢？」

『換喇換喇～而家換喇～做咩吖？想睇吖？』

「痴線唔係啦！」

再睇返LB幫我講好說話嘅留言...

究竟LB諗緊乜呢？我自己又諗緊乜呢？

有陣時就係咁，最唔了解嘅唔係邊個...而係自己...

TO BE CONTINUED

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 14－胡思亂想] PART 01

“很感激 喜歡我十年仍不休”

一早電話響...

已經將[Day 13－忐忐忑忑] PART 03 Upload上Penana

嘴嘴下Jeff突然出現LB
好彩！未開始
果然出軌都係要出得高調嘅

越嚟越想食lb

晚

晚

但你係細路女嘅學習對象

就係唔係做教練都咁多女

一定要合照吓先 咁先唔會俾人懷疑

呢期都有好多出軌個案

走冰晚

揸𨋢晚

冇細路女會望過嚟一眼

你哋係唔係認錯人

咩合照先
床照都可以係合照架喎

梗係正經嘅合照啦

俾你啟發