基督教連登堂2024年12月8日至12月14日主週崇拜：聖誕節與獻殿節（客席講員）

（２）光明節既歷史

獻殿節 Hanukkah，係一個猶太人既節日，又叫做「光明節」，係希伯來既 Kislev 月（11 月尾／ 12 月頭）慶祝，由 Kislev 月 25 日開始，連續慶祝 8 日 8 夜。猶太人既家庭聚埋一齊，祈禱同埋係一個叫 menorah 既燈台上面點蠟燭。通常都有特別既節日食物，唱歌，玩遊戲，交換禮物。

Hanukkah 係新約聖經既 約翰福音 10:22 提到。
而獻殿節既故事，就記錄左係 馬加比一書，入面有講埋獻殿節既起源，有呢個名係因為呢個節日慶祝馬加比家族勝過希臘既壓逼，重新奉獻聖殿。
但係 Hanukkah 都叫做「光明節」，咁係因為神好神奇咁拯救左佢地之後，神亦都做左另一個神蹟黎供應。

係個聖殿入面，神永遠不滅既火要幾時都點着，象徵神既同在。但係，根據傳統，當個聖殿重新奉獻果時，淨係得返夠點一日火既油。其他既油，已經比希臘人係入侵果時整污穢晒，而製造、潔淨新既油，係需要一個禮拜。之但係，重新奉獻聖殿果時，馬加比家族一野就用淨返既油點着左永遠既火。好神奇地，神既神聖臨在令到D火點着左 8 日，直到有新既聖油可以用。

呢個燒到咁耐既油既神蹟，就解釋左點解 Hanukkah Menorah 係要連續點着 8 晚。猶太人都會整D好油既食物黎記念呢個神蹟，好似炸薯餅 Latkas 咁，作為慶祝光明節既一個重要部分。


（待續）

（３）耶穌與獻殿節

約翰福音10:22-23 係咁樣記錄：
//22 在耶路撒冷，獻殿節到了，那時是冬天。
23 耶穌在聖殿裡的所羅門廊下走過，//
作為一個猶太人，耶穌接近肯有參與獻殿節。

正如馬加比家族係極端既逼害當中仍然對神忠心，同一個壯膽既靈都傳左去耶穌既門徒，佢地全部都要面對嚴峻既路，就係因為佢地同基督既忠心。而正如神既超自然同在你永遠點着既火當中顯現，耶穌成為左同身，以肉體顯出神既同在，佢係世界既光，黎住係我地中間，賜比我地神既生命既神既永恆既光。


Hanukkah 傳統上係家庭既慶典，以點着既 menorah 燈台為傳統既中心，成個叫做 hanukkiyah ，一排 8 個燭台，第 9 個燭台擺得高過其他少少。按住習慣，係由左邊點到去右邊。
https://www.youtube.com/watch?v=Nun99NpiX1M

油炸同多油既食物，記念油既神蹟，我就特別中意冬甩。
而 Dreidel ，就係傳統上係 Hanukkah 既遊戲，小朋友去到全屋都會一齊玩。
https://www.youtube.com/watch?v=A0WGb5Pnmfc
通常 Hanukkah 每一日都會送禮物。



講返去耶穌成就左獻殿節（Hanukkah）。

聖經講既節期，基本上都係好猶太，但係佢地都係耶書亞 Yeshua'（耶穌）身上成就。

約翰福音8:12
//12 耶穌又對眾人說：“我是世界的光，跟隨我的人，絕不會在黑暗裡走路，而要得到生命的光。”//

Hanukkah 獻殿節又叫光明節，因為聖殿永遠點着既燈用既油有神蹟既供應。叫 Hanukkah 作為光明節，都係耶穌進入呢幅預告圖畫既位。係約翰福音入面有兩次，耶穌話自己係世界既光，出現係 約翰福音8:12 同埋 約翰福音9:4-5。

約翰福音9:4-5
//4 趁著白天，我們必須做那差遣我來者的工作；黑夜要來了！那時就沒有人能做工了。
5 我在世上的時候，是世界的光。”//

耶穌唔單止話自己係世界既光，佢仲話自己係「好牧人」，暗示佢就係彌賽亞。
係 約翰福音10:11,14 ，耶穌話佢係好牧人。「世界既光」同埋「好牧人」都係猶太人所知道用落彌賽亞既字。由效果黎睇，耶穌講緊佢就係應許既彌賽亞，就成就左獻殿節。耶穌用佢宣告自己係彌賽亞黎成就獻殿節。

既然耶穌成就左呢個節，獻殿節都可以要彌賽亞日，或者基督日， Christmas。有好多人將聖誕節追溯到君士坦丁 Constantine 皇帝將基督既傳統同異教節日合併果時。耶穌唔係 12 月出世，好多人都知，但係 Kislev 月 25 日—— Kislev 係最近 12 月既希伯來月份—— Kislev 月 25 日係耶穌宣告自己係基督，係彌賽亞果日。所以 Kislev 月 25 日，雖然唔係耶穌真實既生日，實在係基督日——耶穌話佢係彌賽亞果一日。 好明顯，君士坦丁 Constantine 啱左，雖然原因錯晒！

（待續）

1）成堆church fathers都講原罪
2）冇原罪嘅話，一切嘅罪都係人所控制範圍內，人可以決定犯罪與否，變相救贖變得無謂
3）人需要基督嘅救贖，正正就係因為原罪係超越人嘅選擇

（４）三個共通點

當猶太人慶祝 Hanukkah 同外族人慶祝聖誕節，我地全部人都可以包括三樣野：

1. 我地都可以記念神對耶路撒冷有永恆既計劃，會係末後既日子保存以色列。任何反猶既態度同行動，都係同神作對，就係咁簡單。

2. 我地可以慶祝耶穌就係彌賽亞呢個事實，佢已經將人類從罪惡既權勢當中拯救左出黎。如果馬加比家族潔淨聖殿既日子記低左歷史當中決定性既一刻，我地慶祝耶穌既歷史——第一次同第二次黎——應該多幾咁多！

3. 我地可以重新奉獻我地自己個人既聖殿，將自己既身體呈上，又將我地既心思用神既道既真理更新。


（５）Hanukkah 係將臨期既故事

雖然 Hanukkah 有佢自己既意義，但係某程度上，都係將臨期既故事。如果冇 Hanukkah ，就唔會有聖誕節。如果 Antiochus 將佢既計劃付諸實行，就唔會有馬利亞、約瑟、耶穌，就唔會有以色列既彌賽亞，唔會有世界既救主。而你同我今日都唔會係基督徒。

耶穌欠左條命比 Hanukkah。某種意義上，基督徒既信仰欠左比 Hanukkah 。歌仔都有得唱：

Roses are reddish; Violets are bluish;
if it weren't for Christmas, we'd all be Jewish!
（玫瑰就係紅紅地，紫羅蘭就係藍藍地；
唔係因為聖誕既話，全部都係猶太人喇我地！）

之但係，唔係因為獻殿節既話，一個猶太人同基督徒都唔會有！

所以，係呢個將臨期既季節，讓我地記念呢個猶太教既小節日，有佢我地有可能記念到基督教既大節日。雖然 Hanukkah 只係喺新約聖經入面出現左一次，呢個係耶穌其中一個最影響深遠既宣告既背景。就係喺獻殿節入面，耶穌講左：「我與父，恆常是一。」（約翰福音10:30）
呢個合一既宣告，改變左世界。


（６）今日既合一

今日，我地仲係搵緊方法去造一個合一既世界。係我地周圍見到既混亂同分裂入面，神呼召我地為其他人企出黎，係愛同恩典入面，使基督既光可以被見到。可以將分開既連返埋既愛、可以將心灰意冷既山移走既盼望，可以跨越任何障礙既堅信。呢樣就係獻殿節既神蹟，又係聖誕節既應許。

係反猶主義同其他主義興起既時代，Hanukkah 提醒我地，一定要企埋一齊，對抗所有型式既不公義、暴力、同仇恨。佢話比我地知無論點樣，我地都要容許其他人有自由同尊嚴，用佢地自己既方法敬拜神。

所以係呢個將臨期，聖誕節同獻殿節都近喇，讓我地記得佢帶比我地既合一訊息。讓我地捉緊會一個機會去尊重唔同人之間既差異，同慶祝我地既共同人性。又願神賜比我地有能力，成為黑暗世界當中既光明。

Happy Hanukkah and Merry Christmas!

1）Church Fathers 係當時既世代貢獻極大，但唔代表佢地解經既時侯所有講既野都帶人更加親近神。

2）人當然可以決定犯罪與否。神既教導就係教人離開罪惡，邊個跟從神邊個就應該咁揀。
冇原罪唔代表救贖會變無謂。同神關係復和、可以有得親近神，係極之重要，仲未講其他。

3）的確可以講一個原罪論出黎，但係咁係對神既說話係人既生命起作用冇幫助。


4）講到尾，有原罪論都係因為用左希臘思維去睇好猶太既聖經。
希臘思維係好靜態，猶太思維係好動態。

希臘哲學追求理論去解釋事物，越統一越好，咁就答到「係D咩」既問題。救贖係D咩？就係解決原罪問題既途徑。類似，仲有「神係D咩」等等問題，係神學家花左好多心力去研究既。

而猶太人諗既野，係「做D咩」，睇下一樣野有咩效果。救贖既效用係咩？唔關原罪事，唔洗搵原罪出黎講，本身聖經既語言就係着重個效果。

希伯來書10:14
//14 這是因為他藉著一次的獻祭，就使那些成聖的人永遠完美。//

聖經唔係話「這是因為他藉著一次的獻祭，就解決左原罪」。

同樣，睇下下面呢段經文重點放係邊個位？

提摩太後書3:16-17
//16 全部聖經都出自神的靈，對教導、指責、使人歸正、培訓人行義都有益處，
17 好讓屬神的人完全勝任，裝備好做一切的善工。//

呢句最常用係點用，而經文本身又講邊樣多？

希伯來聖經既效果，呢度講得好清楚。你想要呢D效果，睇聖經就有。但係如果問「聖經係咩」，就算答完之後，可能只會得到另一個聖經唔講既問題（點默示法？）。放錯重點，唔解釋睇聖經有咩用，咪唔睇囉。個個都唔睇聖經，咪就係搞到成代信徒咩都唔知，都係度講呢樣就神考驗，果樣就神叫我。

而且，用靜態既希臘思維去睇聖經，塑造出黎既就係靜態既人，橫掂都「等得救左上天堂」，原地踏步有咩所謂？
但係聖經係好猶太既，用返動態既思維去睇，聖經每一句每一個字都係教緊我地點樣進步，點樣提升屬靈既層次，點樣親近神。

所以比較返，你同一個人講原罪論，接受耶穌為自己救贖走個原罪，咁又點？佢可以咩都唔做，幾十年都冇變過。
但係基督既救贖何等奇妙，點止解決左原罪，仲係生命每一方面都發揮效用，使我地可以成個人整全咁成聖，哈利路亞！

諗成點，自由意志你點答，點解最後要預言彼得。

講真你係好熱心，但所有答嘅都九唔搭八。
永遠都抽一大段嘢出嚟。
但又去唔到重點，你再係到練下先去人地到留言啦

我諗過，但係仲未諗到得益既地方。不過既然你出得聲，我就一定認真對待。

自由意志條問題係咩？
突然之間提起彼得又係講緊邊個話題？

其你覺得點樣決定咩係重點？
如果照你咁講，耶穌都係九唔答八：

路加福音17:20-21
//20 法利賽人問耶穌：“神的王國甚麼時候來臨呢？”他回答：“神的王國來臨，不是可以觀察得到的。
21 也沒有人會說：‘看！在這裡！’或‘在那裡！看！’因為神的王國就在你們當中。”//

唔係我話你，我係話成個連登都覺得你九唔搭八...
我唔想再成日睇到你係到亂覆一大段野比人，

問你，耶穌猶大彼得有冇自由意志？
經文到邊到有助證

聖經唔係攞黎答問題，而係有教導既作用，當講到一段聖經，但唔將切合作者提示既教導講出黎，好誤導姐。

「自由意志」本身都唔係聖經用既字，鑽落去又有咩意義？
如果係都要答，咁我咪答：
耶穌有。猶大有。彼得有。因為：

申命記6:5
//5 你要全心、全意、全力愛耶和華你的神。//

你真係無得救，你唔再係到鳩up
我係耶穌都覺得羞家，你都係乖乖地等先知番黎啦

邊個先知？

ok，好的，多謝

咁我再答過啦。

耶穌有自由意志，因為經文講左佢既意願。
彼得有自由意志，因為佢「心靈願意」。

馬太福音26:39-41
//39 耶穌稍往前走，臉伏於地禱告說：“我的父啊，可能的話，讓這杯離開我吧！然而不要照我的意願，而要照你的旨意。”
40 耶穌回到門徒那裡，看見他們都睡著了，就對彼得說：“你們竟然連一個小時也不能和我保持警醒嗎？
41 要保持警醒，禱告求神不讓你們陷入試探；你們心靈雖然願意，肉體卻是軟弱的。”//

猶大有自由意志，因為佢「搵機會」，冇得揀就唔洗搵。

馬太福音26:14-16
//14 那時，十二使徒中的一個，就是那稱為加略人猶大的，去見那些祭司長，
15 說：“如果我把他交給你們，你們願意給我甚麼呢？”他們就定價數了三十塊銀子給他。
16 從那時起，他就找機會把耶穌交給他們。//

而最大既誡命，完全咁愛神同愛人如己，係比每一個人，既然講到愛就係揀既決定。所以每個人都有自由意志。

馬太福音22:34-40
//34 法利賽人聽見耶穌使撒都該人啞口無言，就聚集在一起。
35 他們之中有一個律法家要試探耶穌，就問他：
36 “老師，律法裡哪一條誡命是最重要的呢？”
37 他回答：“你要全心、全意、全智愛主你的神。
38 這是最首要的誡命。
39 第二條也和它相似，就是要愛人如己。
40 全部律法和先知的教導都繫於這兩條誡命。”//

睇落相反既結論，一樣會搵到經文支持。

天使講左耶穌要拯救，佢就一定會拯救。

馬太福音1:22
//21 她將要生一個兒子，你要給他起名叫耶穌，因為他要把自己的子民從他們的罪中拯救出來。”//

聖經講到猶大既帶人捉耶穌，佢就一定會咁做。

使徒行傳1:16
//16 “弟兄們，聖靈藉著大衛的口在經上預先論到猶大的話，是一定要應驗的；這猶大就是給人帶路捉拿耶穌的人。//

耶穌講定彼得將會點死，佢冇得揀唔死。

約翰福音21:18-19
//18 我非常確實地告訴你，你年輕的時候，自己束上腰帶，隨意往來；但是到你年老的時候，你會伸出雙手，別人要把你束綁，帶你到你不願意去的地方。”
19 耶穌說這話，是指明彼得將會以怎樣的死來榮耀神。說了這話，就對彼得說：“你跟隨我吧！”//

但係呢D都係由個結果去講，結果一樣係咁發生，但係人用自由意志做既決定改變唔到個結果，唔代表人冇自由意志，只係代表神掌管。
其實人有好多野都改變唔到。

下 你唔知耶穌黎先知會出現先？

咁係咪姐係耶穌做鳩 猶大 彼得？

當然唔係。

彼得係榮耀神。（約翰福音21:19）
而且睇返上文個「愛」字就知道，呢個就係彼得想做，但唔肯定自己做到既事。耶穌幫緊同肯定緊佢既愛。

猶大就自己揀做詩篇講果個。

使徒行傳1:20
//20 因為詩篇上寫著：‘願他的住處變為荒場，沒有人住在裡面。’又寫著：‘願別人取得他的職分。’//

詩篇夠寫左其他揀法既相反後果，係佢唔要。

其實抽詩篇一兩句出黎話應驗左，係錯既。
耶穌咁做得一個原因，就係預知未來有關，
一個人要點改變未來，就係佢要先知到未來既事，
佢兩個知道左就有機會改變。

你既意思係：彼得錯，聖經錯，得你啱？

我意思係d 人亂估，好似三為一體咁

猶太人解經，一向都係好多元化好有自由度，講啱錯已經係好奇怪既用字。（就算講多D故仔出黎，都係唔違反聖經就冇問題。）

三位合一，係耶穌接近講明，之前講過幾次，因為佢教導果時講緊希伯來文（至少都係亞蘭文），由「父 、子、聖靈既名」（馬太福音28:19）既文法可以得出「父、子、聖靈」係有緊密關係既整體。另外佢都代左自己落 以賽亞書48:16 果段，同樣支持三位合一。

所以呢樣唔係亂估。

點解一定要合一，唔合一咁又點，人地講左好多次父係父，子係子，你地係要唔理

盲左？

約翰福音10:30
//30 我與父，恆常是一。”//

「我與父原為一。」」
‭‭約翰福音‬ ‭10‬:‭30‬ ‭CUNP-神‬‬
https://bible.com/bible/46/jhn.10.30.CUNP-神

原呀，後來分左呀，你就真係盲

原文：
ἐγὼ καὶ ὁ πατὴρ ἕν ἐσμεν。
I and the father, one, we are.

你為左信你想信既野，唔理聖經點講，你真係盲左。