覺唔覺得香港啲英文教育好反智？

舉個例子英文嘅Speaking都可以同你捉Grammar捉得你好緊 不過其實你真正出到去應用同啲鬼佬溝通冇需要去到咁
如果你話書信嗰啲Grammar我冇意見啦的而且確係有用，但但係Speaking都捉Grammar真係有啲反智，唔知各位巴打點睇

I go to school by bus

學校捉grammar 有咩問題，佢本來就係應該教你岩既野
你出黎同人溝通唔理係一件事，學校教得岩係應份

講英文唔洗理文法邊度傳出黎
要用過去式既情況唔撚用 成句個意思都唔同埋 要英文好就係要成個mindset 都變英文腦

不過有另一樣嘢就係點樣令到香港學生啲英文水平提高又係另一樣嘢 不過都冇可能啦除非正苦注重返英文教育或者你讀開國際學校或者英文中小學就另計

你不如掉轉諗下講中文唔講文法啲人明唔明。

所以語言要好，都係要用得多，長期係個個講英文既環境
校內全英教學既話，出黎可以差幾班

所以咪搞到香港人唔敢講英文

錯嘅嘢人哋聽得明就應該變成啱？

你都識得講係考Speaking，Grammar錯都可以當冇事不如直接用Chinglish

香港教育制度係嚴格，但執好Grammar冇錯喎，講慣咗將來就好難改

快撚D多謝諗出母語教學班撚樣啦

所以我都幾柒 明明讀書英文不嬲都攞開B grade 但係真正實戰就一般般唔算叻

因為母語教學令你英文差？

我自己從來無畀人攪到唔敢講， 掉返轉講，畀人改正下就攪到唔敢講會唔會有d.....
我見鬼佬教佢小朋友要講I went to 唔係I go to, 都係咁逐d逐d糾正吸收

唔係教育出問題

係文法塔利班問題

唔好獨醒啦
事實上就係你是但捉個中學雞 只要佢唔係D乜野英中名校 都一定唔敢開口講
大人會好D 不過已經錯過左吸收得最快ge年齡(中學雞)

lm

廣東話又好有趣，無文法你都明

睇下明唔明唔講文法講中文你不如掉轉諗

講中文睇下不如掉轉諗明唔明唔講文法

其實唔係好關老師事 係個整體既英語環境問題好唔encourage人講英文
比如讀書個陣如果係日常講英文 會比其他人笑你扮野/英文差學咩人講
出到黎做野又會有啲人笑你崇洋/港女扮abc/英文咁差學咩人講英文 etc
事實上係香港人自己都唔鼓勵其他人用英文做日常溝通 大家又點會進步
係外國你grammar差或者用詞奇怪啲外國人都會指正你 不過佢地就唔會笑你咁囉

學正確既英文有咩問題?
唔通到你出去講i is a boy, 比人笑撚到仆街先知自己錯?

Cctoy 思維
自己無唔啱
錯既係人地係社會

香港3歲已經要學英文但唔教音標係我最不解嘅事

其實係 明明香港嘅英文教育係跟開英國嘅教法，但係我每次讀英文都係用美式嘅讀法去讀

英文淨係講錯tense人地都get錯啦。
廣東話咪一樣。
「我食飯。」、「我食緊飯。」同「我食左飯。」都唔同啦。
除非你好似啲英國中超啲阿姐咁：「Fish? No….finish. Tomorrow.」。咁樣人地係明嘅，但你想講多啲野就唔得囉。

其實樓主講得冇錯 的確香港英文係真係10鳩幾年都嘥晒啲時間喺啲無謂嘢身上

當然文法好重要 就好似你講廣東話咁 基本文法都要有 例如你唔會將今日我搭巴士 變咗做巴士搭今日

但係香港英文教育係浪費得太多喺啲咬文嚼字或者文法身上 過分到由小學一年班去到中六都好似仲學緊呢啲
實際上的確喺外國生活 真係好多鬼佬啲文法都係唔係話100%準確 甚至有少少鳩黎 例如你廣東話 你想表達你自己食咗飯 有陣時都會話：「食咗啦我」 我都會將啲字撈亂下啲人都係一樣知你表達緊啲乜

香港嗰種咬文嚼字程度係你錯少少都要批評你 其實事實上最重要就係溝通到 成日就係機械式咁訓練你學啲IELTS字 高級字 準確文法 呢啲嘢講完咪算 根本冇必要浪費咁多時間
我自己細個喺美國讀書 而家喺澳洲住 根本好多所謂嘅高級字 local都唔會用 正如廣東話或者中文都好多高級用字㗎 但係你有幾可會講？

所以某程度上我係認同樓主的

所以其實教育的而且確有啲問題 我發覺香港只係為咗應付考試 外國嗰啲就真係可以令到你點樣日常都可以實踐到