[恐怖、搞笑] 不連續人生

周詩靈︰「我哋有重要嘢講，周海問朋友不如第日先同佢食？」

重要嘢？邊度嚟重要嘢？

「周詩靈，求先講咩重要嘢？」甩開阿明，埋餐枱之後，我即刻追問周詩靈求先莫名其妙嘅說話。

周詩靈︰「仲記唔記得…我同你講過︰法律所謂何物？」

我︰「屯門公園嗰次講嗰啲？嗯…我記得你講過乜嘢…法律係一個遊戲嘅底線…」

周詩靈︰「仲有呢？」

我︰「仲有…嗯…唔記得喇。隔咁多日邊記得晒一字一句呀。」

我每日只係記日記內容都覺得辛苦，邊有咁好記性。

周詩靈︰「有遊戲，就有規則；有規則，唔遵守係有懲罰。你要記住呢樣嘢。」

一直追緊你個故，我自己有玩下插圖，最近都post埋你條link分享，見到你個故幾吸引，想借題發揮一下，加油
https://lihkg.com/thread/3903973/page/1

魚的哲學。。。
Share 埋你個故喺ig度

https://www.instagram.com/stories/spot_image92/3613956294064878688?utm_source=ig_story_item_share

我︰「你聽到我同阿明講嘅嘢？」

周詩靈︰「你喺我面前講，點會聽唔到？」

哦！佢就係因為嗰幾句嘢所以嬲爆爆？

我︰「講笑咋！男人之間好多呢啲話題架。」

「係咩？我唔係咁睇。」周詩靈直死死留意住我表情嘅半個變動。「就好似啲人成日講『想死』，講出口嘅時候感覺都係玩玩吓。但係去到最後死咗嘅人，幾多個開頭都係細小唔起眼。」

「所以你覺得我會去死？」我順住思路去問。

周詩靈︰「你可能會死。」

咩意思？

周詩靈︰「有得法律規則，就會有執法者。佢哋會睇住你。」

我︰「你講你？」

「總會有。」周詩靈中指尖不斷敲起枱面。「總，會，有。」

如果讀者喜歡，希望可以點入去俾啲讀數我 (bookmark / like / read都得)，等我有得統計吓，方便日後改進之用

Penana: https://www.penana.com/story/110477
紙言: https://www.shikoto.com/articles/258948.html

多謝各位嘅支持

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

20章 - 我嘅自處方式

如果你覺得、認為做任何事，都冇責任嘅話，你有咩想做？

所有人每日營營役役，為五斗米彎腰，咁如果唔洗為錢煩惱咪最好囉！所以一定係打劫銀行。不過生活多年，總會有幾個乞自己憎嘅人，不如趁機報埋仇？打鑊佢！仲有拆埋以前折磨自己嘅學校！

咁做所有嘢都冇責任嘅時候，既然打人、破壞、打劫都會想做，咁有冇諗過，不如去殺人？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我︰「今日搵咗佢先。」

著輕裝嘅我，喺車站等車嘅時候已經磨拳擦掌。

推
以為你唔寫

Justin BB，你今次死喇……今日點樣同你玩好？我知我殺咗你都冇事嘅，嘿嘿嘿……

周詩靈︰「你番嚟搵呢條魚，你應該明多啲嘢。」

之前同周詩靈喺屯門公園見面，佢要我隔日番去搵番條魚。滿懷疑問當時又得唔到直接答案，當時又山長水遠入去屯門搵答案。如果眼前嘅世界係不連續以至所有嘢今日、琴日、明日都冇關係，周詩靈可以「復活」，咁死咗嘅生物呢？人如果復活，一起身可以重新走動，咁動物呢？

歸根究底，個「復活」嘅方法究竟係點？

於是，我去番當晚挖窿嘅地點搵魚，但係…

好開心知道你鐘意我寫嘅故事！

插圖嘅用色幾貼近故事嘅氛圍，畫得幾好

創作路上大家都唔易，一齊加油

多謝支持

我冇IG，所以幫手推你連登個po吧

會繼續寫的！

可以嘅話請繼續幫推，唔該你

我啲插圖會因應你啲故事情節而畫架

我︰「搵唔到嘅？」

個窿…消失咗。

我︰「不連續唔單止可以令本身死咗嘅嘢復活，仲可以當乜事都冇發生過？！」

條魚屍唔見咗，連挖嘅痕跡都冇，好似乜都冇發生過咁，即使我腦海裡面有樣「嘢」死咗。

咁就有嘢玩喇。不過等陣…周詩靈…咁周詩靈點解個人不連續，但係記憶既不連續又連續？佢記得某個時點琴日嘅事，又記得同我一齊經歷嘅事……好想喺留喺我身邊，但係同一時間又好驚佢。

佢究竟係咩人？

我︰「無論佢係咩人，我覺得我唔洗驚佢。一個女人仔，矮我咁多，差唔多兩個頭喎！」

佢好鐘意阿支阿左，有咩齮齕一拳打到佢鼻屎都飛埋出嚟！好似我打尻阿慈咁，佢一定唔夠我打嘅！

我︰「如果係咁…照計我殺咗一個人都會見到相似嘅嘢。」

殺死人，埋葬，我離開，等第二日，乜事都冇，分分鐘個人會重現喺自己眼前，就好似周詩靈咁。即係話…

我︰「殺人變得唔係問題。」

我諗到呢度，我有種莫名嘅熱血沸騰。但係保險起見，事前我用咗啲動物做實驗，發現不論貓狗雀仔，死咗之後嘅第二日，都會從埋葬嘅地方消失，完全不留痕，就好似冇嘢發生過咁，除咗喺我腦海留底一小段冇其他人知嘅記憶。

咁…如果對象係人呢？如果冇嘢留得底，所有人同事都會成為過去，咁人呢？

咁人呢？

我今日去搵Justin，就係為咗呢樣嘢。

我番番去好耐冇番過去嘅柴灣campus，屈指一算，佢仲喺學校裡面嘅話，最常出現嘅地方就係soc房，因為條狗公好鐘意溝師妹呃蝦條，喺人哋面前扮李安納度啲動靜。我去到soc房，一如所料，真係見到Justin，不過奇怪嘅係只係見到佢一個，平時soc房好墟冚嘅情形竟然冇咗。

Justin︰「嘩，稀客。呢個咪係repeater周海問？」

一見面就咁講嘢，真係得佢先會係咁。

Justin︰「聽講你仲休養緊唔係咪？番嚟做咩呀？」

「學校要我番嚟傾吓可唔可以復課，點畢業。」我求其答。「係呢，冇其他人嘅？」

推

Justin︰「你睇吓咩時間，而家三四點轉堂時間吖嘛！啲時間唔上唔落，啲人去晒上堂，走剩我咋！」

我︰「咁你唔走？冇堂上咩？」

Justin︰「上晒喇。學校嘅功能除咗上堂，仲有social嘅，唔可以做毒J架周海問，做毒J會俾人恰架。」

所以你恰我？

「你番屋企瞓吓喇。」然後Justin耷低頭繼續玩電腦。

你老味吖。

我斯斯然行埋去，Justin當我透明，我一巴車埋去佢塊面。

Justin︰「喂！走開喇！」

我冇理佢，再摑多佢一把，今次更加大力，「啪」一聲喺冇咩人嘅soc房更應聲。

Justin︰「屌，你打夠未呀！」

未，反正你唔夠我打。你恃住自己有錢啫，溝晒啲女又周圍寸寸貢。我夠可以恃住自己高，打人唔洗本。

「你好行開喇吓。」Justin一路叫我行開，佢一路拎住手提電腦走去一個角落度。佢嘅雙目，好似審視緊我會唔會追打佢咁，成個人戒備緊。「周海問，要癲你番屋企癲，呢度係學校，你咁打我我可以叫保安架。」

你叫吖，我唔驚，反正我有白金卡！警察我都可以照打吖！

我又走埋去Justin旁邊，今次佢個人明顯縮埋一舊。

Justin︰「屌你走開呀！」

我伸手捉住佢一把頭髮，拉佢埋嚟再摑多佢兩巴。

啪！啪！

Justin︰「屌———！！！」

Justin想衝過嚟嘅一個剎那，我撳低佢要佢坐番低，又摑佢一巴。

啪！

Justin惱羞成怒，不顧一切咁衝埋嚟想還手，平時驕生慣養嘅公子打唔慣交，我一下重拳打落佢個肚度，佢痛到跪喺地上面講唔到嘢。我又捉住佢頭髮，摑佢兩把，今次打到佢口水都飛埋出嚟。成個soc房罕有變成戰場，書枱擺設因為隻揪變得凌亂，漸成格鬥擂台。

Justin知道自己打唔贏我，諗起三十六計嘅上計︰奪門而出。我隨手擸咗碌做旗杆嘅竹追出去，幾步追上，之後當然係打狗喇！我拉低佢落地下，一路打，佢就一路縮，好似俾火燒嘅活火人咁，又好似俾蟻咬痛到無處可逃咁，幾爽！

「周海問我屌你老母！」俾人打到仆街嘅Justin不忘搵我老母。

「屌我老母！」我大大力一棍打落佢背脊。「屌我老母唔洗還呀？」

我繼續打！打到佢老母都唔認得，往死裡打！

「喂你哋做咩呀！」

學生活動室門外咁大動作，Justin叫到好似劏豬咁，終於惹嚟保安人員嘅注意，有三個由樓梯口衝緊上嚟。我唔係省油的燈，當然唔想俾人當場活捉，見到啲「實橋」個個都係阿叔阿姨，跑樓梯上嚟都慢兩、三拍，我即刻轉身去後門走，用大樓其他樓梯離開學校。離開到柴灣，我就係天下。

我︰「唔係喎…即使俾人捉，我覺得都未必有事。」

隔一日，咪乜事都冇囉？就好似死咗條魚咁，係咪！哈哈哈哈哈哈哈哈—————————————！！！！！從今日開始，Justin喺我眼中只係一條魚，係一條魚，一條任我宰割嘅魚咋！

hi 巴打，可摸耳幫手推個po

hi

如果讀者喜歡，希望可以點入去俾啲讀數我 (bookmark / like / read都得)，等我有得統計吓，方便日後改進之用

Penana: https://www.penana.com/story/110477
紙言: https://www.shikoto.com/articles/258948.html

多謝各位嘅支持

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

21章 - 無限次殺死

我嘅報仇計劃重覆咗好多次。

Justin︰「周海問…停手呀…」

每一日，我都聽到相似嘅說話。

「我，就係制裁人間渣滓嘅神；最有能力淨化呢個世界嘅存在。係新一代嘅神！」我手執住後教學樓樓下地盤執番嚟嘅鐵通，一直FF。「Justin，你叫我一次『神，求你饒我一命』，我考慮吓放你走。」

「唔好喇…你打到我咁…仲叫我…咳咳…」Justin好似咳血。「仲叫我講乜嘢…我命都俾埋你咁滯…」

「咁你即係想食棍喇？」我提起鐵通。

唔該晒