[恐怖、搞笑] 不連續人生

如果讀者喜歡，希望可以點入去俾啲讀數我 (bookmark / like / read都得)，等我有得統計吓，方便日後改進之用

Penana: https://www.penana.com/story/110477/
紙言: https://www.shikoto.com/articles/258948.html

多謝各位嘅支持

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

16章 - 生命啟示

周詩靈由膠袋拎咗另一小片麵包，捏碎，麵包屑再隨風而散，又惹嚟魚群喺水面爭食難得嘅夜宵。

我︰「只係餵魚？」

周詩靈冇答。佢踎低身，不斷向水面…正確啲嚟講係向住魚群伸手。魚群見到食物完全冇戒心，不斷向水面探頭，爭先恐後。周詩靈隻手突然喺水面掠過，快如閃電，我根本睇唔清佢做過乜。

「呢度有條魚。」周詩靈送上自己嘅魚獲，條魚喺周詩靈白晳嘅手掌之中不斷掙扎，喺地上擊出幾道水痕。

我︰「嘩你咁勁單手捉魚？！你咩人嚟架？！你會唔會仲可以單手游出公海？！」

周詩靈︰「游出公海？唔得。不過，我好擅長捉嘢。特別係…自己認為要捉嘅嘢。」

我︰「咁你捉咗條魚係為乜？」

周詩靈︰「嗱我問你。條魚今日係魚，琴日都可能係魚，聽日呢？」

我︰「咪都係魚。一個人琴日同今日都係人，咁聽日都係人啫？」

周詩靈淺笑一下，未有開口。然後佢出盡全力將條魚拍打喺地上面，地面凹凸不平，抽打幾下，條魚奄奄一息，但係周詩靈嘅動作未有完結。佢擗咗條魚落地下，一腳踩落去，魚身嚴重凹陷，內臟由身上嘅裂縫咇咗啲出嚟，變成一塊「魚餅」，狀甚嚇人

周詩靈︰「咁你覺得，條魚聽日會係咩？」

我︰「死咗喎，仲會變咩呀？」

咦…唔係…周詩靈死過，都生勾勾企喺度同我講嘢。如果佢一直講嘅「世界唔連續」係真，咁…

我︰「條魚會番生？」

照計，應該會復活…因為周詩靈…應該都係咁。

周詩靈︰「係唔係復活，你會知道。」

周詩靈隨手執起一塊鐵片，喺附近嘅泥地挖咗個細窿，埋咗條魚。

希望讀者可以留言支持吓，留言除咗支持，仲有推po作用，一個人真係推唔到幾多...

多謝各位

推
可唔可以出快d

推

周詩靈︰「人如果復活，佢有腳，會行，有意識，入咗棺木都可以行得番出嚟；咁魚如果被活埋而佢復活，咁會點呢？」

即使條魚喺個窿裡面真係復活，佢唔好似人咁可以喺空氣之中自由活動，咁照計…佢復活幾多次都係死路一條…係咪咁嘅意思？

周詩靈︰「俾樣嘢你做。你聽日嚟呢度搵呢條魚，你應該會明多啲嘢。」

我︰「嗯…」

又山長水遠入嚟屯門為咗搵魚。

周詩靈︰「求先你問︰你可以點做。好，我答你。」

我︰「你有橋？」