引子
喺臺灣，有一個出名研究老莊嘅學者陳鼓應，佢喺早年對尼采思想非常著迷。
https://www.youtube.com/watch?v=QHfXYWpB39k
喺19世紀60年代初到70年代初，當陳鼓應讀緊臺大研究所同喺大學做講師時期，就有著力於尼采思想｛呢點同臺灣大學嘅傅佩榮都幾似，傅佩榮早年受卡繆影響，之後先轉向研究中國哲學｝。喺1984年到1989年，陳鼓應喺北京大學哲學系講課嘅時候，再度研究尼采。
「雖然期間時斷時續，但尼采哲學早已內化於我的思想，成為我生命的一部分。」（〈經典全新修訂版序〉）
雖然佢對於尼采嘅著作唔多，但係基於佢對尼采非常著迷，使得佢嘅尼采著作都充滿住熱情。佢喺1963年出版《悲劇哲學家尼采》。通常一本書隔好耐出修訂版，都會改一改書名，但係到2022年臺灣商務再搵陳鼓應出修訂版，佢都無諗住改書名，因為陳鼓應認為：
「《悲劇哲學家尼采》是我在一九六三年出版的第一本書，書中內容集中體現了年輕時的我對尼采的熱情，這種熱情從來沒有消退過，這也是我仍然樂於沿用原書名並特別珍惜本書的原因。」
點解陳鼓應會對尼采有住咁強烈嘅熱愛？佢指出：
「如果我沒有走進尼采的世界，我這一生肯定是完全不同的走向。」
而佢喺《悲劇哲學家尼采》嘅〈前言〉提到，佢喺世上有兩本最愛好嘅書，一本係《莊子》，另一本就係《查拉圖斯特拉如是說》（Thus Spake Zarathustra）｛兩本都係好多人會聽過，但無乜人睇過嘅作品｝，所以佢後嚟嘅研究，其實係要將莊子同尼采調和，佢喺《莊子思想散步》嘅前言提到，莊子同尼采
「這兩者在思想解放和個性張揚方面有許多共同點，而尼采的激情投入與莊子的清明超脫，正有如希臘悲劇中戴歐尼索士（Dionysus；酒神）與阿波羅（Apollo；太陽神）的兩種精神力量的相互對立並又相互協調一樣，亦反映著歷代知識分子內心的種種衝突與求取平衡。」
兩者都關懷人類命運、宣揚人文精神、開展審美嘅人生觀……
講到呢度，相信大家都知點解我要講呢本書——之前喺《牛哥解經》用福永光司講緊莊子係中國古代嘅存在主義，依家就用陳鼓應所講嘅尼采，交畀你判斷莊子同存在主義嘅關係（尼采對於存在主義有莫大影響）。
而當你聽完尼采嘅生平，你會發現佢已經同佢嘅哲學二合為一。我會用《悲劇哲學家尼采》加埋《哲學的故事》嚟總結尼采生平。今集內容包括：
「出身」：尼采出身於基督教家庭，仲有經過嚴格嘅神學學術訓練，結果認為「上帝則是如此一個粗淺的解答」。點解佢會離開神學呢？我哋會睇下佢嘅自述。
「意志哲學：悲觀叔本華」：哲學家叔本華嘅作品，對「意志」有深刻刻畫，構建出尼采年輕時嘅精神世界。
「悲劇再現：華格納音樂」：音樂家華格納嘅作品，激起尼采對生命嘅熱情，我哋會一齊聽下華格納音樂，感受尼采所得到嘅喜悅。
由於《悲劇哲學家尼采》成書非常早，佢原本嘅內容仲係集中喺尼采本身，如果大家對於陳鼓應對比莊子同尼采有興趣，可以同我講聲，我睇下有無機會同大家分享陳鼓應另一本書，《尼采新論》。
依家我哋進入到尼采嘅生平先。
，後人就稱佢做「左手者」（left-handed）（因為佢得返左手），波塞納王見到佢咁狂，就放走咗佢，仲同羅馬傾和約。（你聽到嘅時候，有無諗起藺相如嘅故事？有興趣，我可以語譯畀大家聽）
留名
