新軍票發行 Gundam Card Game

我負責買deck，搵人陪我玩下，我個Fd通常玩兩鋪就收工，佢本身都唔太好卡game，我都係自己拎啲卡間中J下多

除咗成功感係搵啲靚卡套 將啲卡入三層卡套 之後啲牌擺落張枱拍拍聲
跟住再將啲卡排列到好整齊喺本卡簿 個感覺係幾正嘅

magic好似好難玩，啲卡分晒format, 過咗幾多年就唔俾用，又standard 又 morden又commander, commander 啲卡好似又唔可以落Morden 同standard

其實冇想像中咁難 講難玩 遊戲王仲難 講緊好多召喚方式都算 重要啲規矩去到2025都仲係唔清唔楚 成日都會喺度拗邊個有優先權

你不妨可以試吓喺Steam download magic玩吓 其實係真係好玩嘅 只係好難搵到朋友同你一齊玩咁解

之後仲有一隻卡game我覺得超有創意 叫做keyforge 唔知你有冇聽過 超好玩 仲要完全冇補充包 佢係每一盒都係獨一無二 當你買咗一盒deck 嗰一盒就係獨一無二就係屬於你 而且嗰副牌組係冇任何變動 你唔鍾意嘅你就可以再買多盒如此類推 平衡性又做得好 同我好鍾意呢個機制 而且好平 可惜香港唔算興

我因為一年時間一半喺澳洲一半喺香港 喺澳洲做嘢 會同嗰邊啲人玩keyforge 仲有比賽添

佢一野出4款starter 太進取.....
通常2盒先齊料, 要人最少買8盒

如果佢整到好似op咁
一副deck幾廿個海賊團啲人都撈落去
咁應該唔會玩

Digimon同op先係呢個傾向 不分陣營 只分顏色
但Gundam估計係用作品嘅陣營分色 可能似ua咁

我打左好多鋪 都係覺得藍白 seed 底 比較好打 又有吹手
綠色 防守手段太少 不過有突破 打藍白 出部rgz95 已經解到五飛+部機 冇得唔食dam

keyforge最近轉廠商又有得做返
不過香港都係得3-4間做
仲要係溝埋boardgame嗰邊多，唔係TCG嗰邊

Keyforge香港無咩人玩，啲board game鋪賣唔出keyforge

住緊個城市二月初終於有試玩會
有咩砌deck建議
聽聞綠色好屈

藍白打strike 捱唔到前期就收皮
人地舖晒機海又係難搞
都未計綠色啲突破幾咁屈
除非舖到場3-4部blocker 出嚟頂下

無人逼你砌哂4副deck
一副starter 通常100之內
收一套full set300~400左右
唔玩異畫既話正常500~600就夠一砌副玩

GCG 新手報到，尋晚 join 左個試玩會，有兩位巴打勁熱心教晒啲流程同規則，之後佢地一路對打一路教我，仲比我見識到絕地反勝，嗰一個關鍵 moment 都幾熱血。之後仲教埋我砌 deck，超 nice。以前淨係玩過遊戲王，GCG 節奏上無咁快，策略成份覺得都幾高，暫時都覺得幾好玩。

無玩咭牌好多年脫晒節，以前淨係用 $10 一大包嗰啲透明 cheap cheap 膠套，見依家啲人打 deck 可以打到啲咭 tack tack 聲，想問下依家買咭套有咩推介 ? 今次 GCG 啲咭都幾靚，想包到佢地靚靚仔仔。

唔該晒巴打

卡套篇

第一層 內層套 (非必要)
最貼既卡套 64*89mm
常用既牌子有カドまる(圓角), KMC(四方)

第二層 主要卡套
有兩種
一係公仔套/女女套 無咩介紹 高達卡都係standard size揀自己鍾意既公仔就得 注意官方比賽係唔比用非官方公仔套
二係淨色套 性價比高 又平又好打 粗玩最岩 淨色套可以參加官方比賽
常用既牌子有 龍盾(推介), katana 之類

第三層 外層套 (非必要)
通常公仔套先用 浮色套多數唔用 保護個公仔套之餘同埋公仔套通常手感麻麻
常用既牌子都係ブロッコリー既m size 有透明有磨沙有凹凸 睇自己喜好

三層套就可以打到啪啪聲 你想啪到打穿張檯既話 內層套仲可以揀超硬
但三層套就厚到仆街 單手都拎唔住副deck
我自己就多數女套加外層套 或者粗玩既deck就咁一個龍盾算數
其實內層套加淨色套保護作用已經好好

唔該晒巴打 ! 放工返去睇下尋晚試玩會嗰度有無先 !

完全唔知做乜crusade突然爆炸

抛磚引玉 我最鍾意用椰菜花牌既卡套

想問吓有無其他推介

藍色呢個一定最受歡迎 之前香港賣到斷貨
另外用過桃紅色個隻雙面磨沙都意外地幾好用
女女套既話都多人用雙面透明
但我唔知點解渣住滑既卡套就會出手汗 所以我只係用藍同桃紅

因為執左Crusade先出到UA

尋晚去到咭鋪，好多咭套都缺貨，最後買左呢隻

想問下師兄講嗰兩隻椰菜花牌藍色同粉紅色咭套可唔可以做呢隻咭套的外套 ?
謝謝

UA啲卡圖狗也不屌

你買嗰陣睇返個size係幾mm就知，上面包M唔得

thanks 巴打 ！

同 UA 一樣主打 ACG 的 Weiβ Schwarz 呢 ? 其實邊個好玩啲同靚啲 ?