召喚lihkg所有學神/P牌巴絲 (117)

得返一個月, 咁你本身都應該已經跟佢上咗好幾堂
時間上有啲抆

做咩要試依啲難啲既動作，直接二波停定轉一波穩陣算
我考果陣都2波行行下前面慢車諗住落1波慢行，踩埋極力子郁埋支棍去1波位又覺得無謂搏，踩住剎車去到前面車尾停定再行算

佢8月先同我上堂 我上左5堂渣
一早同左佢講可唔可以早d開始又話唔洗
唉...

最主要係驚佢冇得退返租車考試錢姐...

明顯係你成程搞到佢開左追悼會三鞠躬
佢咪送個大tick 俾你

其實係2波喺白線停左，見冇車就唔拉手掣，順勢轉1波入番去
但嗰下心急未拎準磨擦點就鬆左腳掣
feel到架車冇向前，驚溜後所以慌忙放開左離合
結果就chok到阿sir嘩一聲

補充番係2細剔1大剔
臨尾呢下柒左我明嘅
但行車過程轉波自問冇咩點chok，又冇剔我發出撞擊聲
意識唔到邊d位係屬於離合控制不當
想知可以點樣改善避免剔咁多次輕微

手腳唔協調扭軚慢車快咪要停一停先，扭軚夠快車又夠慢咪唔洗停
我師傅直程教第二個marking前要扭盡左軚添

考邊度？

其實掉頭你做到三手就得，考試上只要唔死火、扭死軚、上行人路就過關

你似乎對個師傅好多不滿呢？

細剔無謂深究啦，依啲基本上個個都中，你又唔知官係鳩剔定認真剔

我覺得你依一下除左chok之外可能係嚇親考官，雖然大剔係離合器不當但係唔止因為chok而拎

細剔實會有架啦，唔好咁在意啦
反而覺得巴打你係心態問題，自亂左陣腳
斜路開車老虎蟹都拉手掣揾磨擦點啦，無謂搏
我估你平時有拉手掣，臨場又試新野？

乙部有捉你輕微, 然後丙部都有捉你輕微,
加埋chok親佢果一下大, 就係你見到嘅兩細一大

又咁講, 你考試中途開開停停咁多次又轉下波, 想完全唔剔離合其實唔係咁易, 佢係有心捉得嚴嘅話, 三次機會其實好快就爆
你係衰2轉1彈極力子chok到佢啫, 如果唔係佢最多都係輕微你就算數
再真係想知邊啲位係有離合控制不當, 你可以打上去問返

另外轉波掃牙係先至關撞擊聲事
即係你未落哂離合就拉波棍, 拉果下會聽到啲咔咔聲嘅齒輪聲

跑馬仔好多考官會大剔，同埋仲要上斜玩離合器玩到溜後，我覺得係考官一次過連剔佢一大一細剔

考車大家都好心急，好想快d返考試，其實心態好錯，你急就好多野做唔足做唔好，考官就愈易捉到你犯錯

如果平常情況下走一圈考試路線，你會唔會揸咁急？

考試真係慢慢嚟
寧願慢啲安全啲但做啱晒啲嘢
有巴士/小巴/的士上落客 行人/手推車出馬路就停車手制
唔好貪一時方便
棍波上斜尤其 搵啱磨擦點先鬆手制

唔好成日想show畀個考官睇你手車好勁
個官只係想睇你點揸得安全 同唔影響其他道路使用者

真，雖然班考官個個都想早收工，基本野佢地點都會做足，睇考生安全駕駛同有穩陣既操控。

當然幾個係殺人王，但如果考生心態同技術都夠，殺人王都殺你唔到。
心態唔好（驚驚青青、想快快考完囉牌、表演自己技術），十成死得。

技術問題只要唔係太離譜，考官最多都係細剔，或者考完畀考官哦幾句。

新觀駕call我可以後補take基金上堂offer,有無上過既巴絲，take唔take好，定係等港駕offer

兩間差唔多啦，你都係想慳錢，既然現在用到咪用左佢囉。
不過觀駕丙部考油塘，難度唔少，睇下自己想唔想

一律建議double declutch唔使煩

考左四次終於pass

白雲開車是咪唔使打右燈

我嗰陣有照打

元朗山下路會有一間新駕駛學院，係安佳開嘅，但由於附近村路強烈不滿，所以每小時可以出街車量數會受非常嚴格限制。

個場幾細，只有私家車、貨van同電單車考，但而家受限制後，可能會cut車種

比，只要你要去嘅出口、目的地係右邊就比你入