【有得聽有得睇】爲咗幫條女，我同人搞咗個網絡廣播劇

阿嵐嘅反應大到出乎我意料之外，但令我更加意外嘅係，當我行到樓梯口，仲未決定係咪要追落去嘅時候，我聽到阿嵐講電話嘅聲音。

「條友非禮我呀！」

「佢一路眼甘甘咁望住我，我已經週身唔舒服㗎啦。」

「你話佢冇膽啫，萬一佢夾硬嚟點算？」

「最衰你啦，今晚突然話要貼昭煌海報，我預咗今晚上你度㗎嘛！」

簡單嘅幾句，明曬。

好明顯同阿嵐講緊電話嗰個就係阿仁。

佢哋兩個之間究竟發展到咩地步我唔清楚，亦冇興趣知道，但阿仁中意利用身邊人嘅做事方式，坦白講，我真係受夠。

而正當我返入office集中精神做嘢嘅時候，公司門口又再一次傳嚟敲門聲。

頂你個肺，手指唔小心掂到條腰咋喎，個阿嵐唔係癲到走去報警呀嘛？

「最後一班車開咗。」

阿嵐側身避開我，一個箭步行番埋梳化嗰度，冇幾耐就瞓着咗。

呢個女人，啱啱同阿仁投訴話我非禮佢，嗰頭就走返嚟，毫無防備咁一嘢攤響度瞓到毫無防備。

俾人唔當係嘢我都試得多，咁咁嘅事我都係第一次遇到。

結果呢晚，我索性開住公司部cam影住自己，確保阿嵐唔會入鏡，免得佢突然又唔知發咩神經，響公司呢度搞出個大麻煩就真係工都會冇埋。

好彩，阿嵐一覺瞓到八點鐘，起身之後一句唔該都冇就着番鞋離開咗。我見公司仲有一個鐘頭ｄ人就返嚟，趁搞掂咗個PowerPoint就拿臨梳洗一下出去食個早餐，再同老細出去見客。到我終於返到屋企嘅時候，已經係直踩咗36個鐘頭。

難得終於搵到機會鬆一口氣，我沖完涼就立即攤上床瞓餐飽，點知起身嗰陣，電話入面已經有十幾個阿仁嘅miss call，而昭煌嘅群組入面更加係粗口橫飛，有成幾百條未讀信息！

「究竟你哋邊條撚樣上去講故台爆料！」

昭煌響群組入面第一句就已經屌曬所有人，但我就睇到一頭霧水。

爆料？爆咩料啊？

我拿臨上高登望望發生咗咩事，發現有個叫「菠蘿的海」嘅人響講故台爆昭煌約女讀者去爆房，仲貼埋佢響群組搞叫雞團嘅cap圖出嚟。

今鋪精彩囉。

就響我碌住滑鼠食住花生嘅時候，阿仁嘅追魂call又打嚟啦。

「諾斯，我只係要一句，究竟係咪你上去講故台爆料？」

平時阿仁用ｄ咁嘅態度同我講嘢我都算，但經過阿嵐單嘢之後，我決定唔再忍佢。

「我唔該你用吓個腦諗清楚先好同我講嘢！你係信我唔過嘅就唔好搵我寫劇，而家寫劇寫到要我做埋臥底，然後你突然一個電話嚟就問我係咪上去講故台爆料？」

當初答應阿仁寫呢個劇，係因爲我覺得佢做緊一件有意義嘅事，但經過呢幾個月嘅相處，我發現我同阿仁有好大嘅分歧。

從答應波利幫手搵錄音室，到響現場落手落腳乜都親力親爲，我所做嘅一切，全部都係爲咗個劇，爲咗將受害人嘅故事公諸於世，但阿仁，佢由始至終嘅目標就只有對付昭煌。

錢，佢俾得起，但個劇，佢其實一ｄ都唔在乎。

我相信即使個劇胎死腹中，對阿仁嘅「計劃」都唔會有任何影響。

記得我一開始講過，認真就輸了嗎？

當我自己全心全意認真投入呢個劇嘅製作時候，原來我就係成件事當中最憨居嗰個。

「我唔做啦，阿仁。」

我決定認真埋最後呢次。

「喂，諾斯，等等——」

嘟——

Cut咗阿仁線之後我感覺好似成個人輕鬆曬，但冇諗到下一秒就輪到昭煌響群組主動搵我。

「諾斯，成日都冇上水，今日好忙呀？」

「尋晚響公司通頂，今日放工返嚟就瞓到而家。」

「通頂咁辛苦呀？辛苦就唔好入群組吹水啦，健康要緊。」

昭煌條友捉咗成晚鬼，終於捉到見人就咬。換着係平時，爲咗繼續留響個group入面，我應該會忍佢，但而家同阿仁反咗檯啦喎。

「乜原來而家入嚟吹吓水都要隨時候命㗎？咁不如叫埋玫瑰同長日開cam直播瞓覺？」

昭煌係個跌落地都要拿番扎沙嘅人，我講得呢句就預咗俾佢踢出群組。不過話撚知佢啦，反正今晚心情唔好，昭煌想發癲，我絕對願意奉陪到底。

就響其他人發現我動咗真火嘅時候，一向同我冇乜兩句嘅長日突然留言。

「非飛人，捉鬼唔好捉得咁過份喎。」

長日嘅一句說話，令群組入面嘅人都開始幫口。呢件事莫講係昭煌，就連我都嚇咗一跳。平時響講故台帶風向嘅昭煌，竟然響自己嘅群組、自己地盤俾自己人圍攻。雖然佢拿臨同大家講只係開玩笑，敷衍兩句就轉話題，但好明顯今晚「菠蘿的海」嘅留言，真係開始動搖到昭煌響講故台同群組入面嘅地位。

接住落嚟幾日，「菠蘿的海」繼續響講故台爆料，而昭煌同玫瑰就索性潛水，直到後來有人同我講番，我先知嗰晚之後，昭煌就拉住幾個心腹另外開咗個group，長日同我呢ｄ，當然係唔會收到邀請啦。

難得群組嗰邊冇曬動靜，個劇又好似斬斷曬咁，一時間我瞓響床上面望住個天花板，感覺就好似發咗場好荒唐嘅夢咁。

而就響呢個時候，我嘅電話再次響起。

「呃......諾斯，我係翠欣....你仲想唔想聽我同昭煌只見發生過咩事呀？」

抱歉，打錯字，最後嗰句係「之間」唔係「只見」　

當我再見到翠欣嘅時候，已經係第二日嘅下晝。

呢次去到醫院門口，我離遠就已經見到佢一臉憔悴咁企響度，面上嘅黑眼圈仲犀利過啱啱通完頂嘅我，與其話佢係一位響醫院返工嘅見習護士，我覺得佢更加似係一個嚟醫院睇病嘅病人。

「做咩啊？發現我同昭煌食過嘅女仔好相似？」

上次出嚟嘅時候，佢粒聲唔出，估唔到今次出嚟，一開口就講ｄ咁嘅嘢。

好明顯，上次見完佢之後，發生咗ｄ事。

「唔洗估啦，今次出嚟，我就係想講曬所有嘢你聽。」

翠欣帶住我行去醫院入面嘅花園，嗰陣已經係六月底，悶熱嘅天氣令大部份病人都寧願留響室內涼冷氣，所以花園裡面竟然一個人都冇。我同佢求其搵個樹蔭位坐低，突然發現今次翠欣坐得好近，佢隻手仲有意無意咁向我靠近，幾乎掂到我嘅手背。

阿嵐話我非禮佢嗰件事都仲未消化，突然又一個女人一反常態咁黐埋嚟，當下我個心入面響起咗警號。

可能你哋會話，有食唔食、罪大惡極，但我當時第一反應就係啓動保護機制，因爲若果翠欣突然響醫院入面大嗌非禮，我諗我根本冇機會行出呢間醫院！

「你頭先話會同我講晒所有嘢，到底係咩意思？」我稍為坐開少少，仲特登攞咗部電話出嚟扮曬準備寫筆記。點知佢見到我呢個動作，竟然當住我面掩住嘴偷笑。

「有幾個識你嘅人同我講，話你份人夠憨居、信得過，所以我咪將我同昭煌之間嘅所有嘢都講你聽囉。」

憨居都可以變成賣點？

我呆咗兩秒，本來想直接同佢道歉，話我已經決定唔再寫個劇，點知....

「波利話你到同佢行均成個新蒲崗、九龍灣、牛頭角同觀塘搵錄音室，邊有人收嗰少少錢幫人寫個劇本仲搞咁多嘢㗎？」

波利？

翠欣改變心意嘅原因，竟然係因爲波利？

「我唔知你同劇組嗰邊發生咗咩事，事實上我亦都冇心情去理你哋。只不過，波利呢段時間同我講咗好多嘢，我開始明點解你哋咁執着要搞個劇去講昭煌對ｄ女仔做過咩嚟。」

翠欣苦笑咗一聲，眼角突然流咗一滴眼淚落嚟，就好似忍咗好耐嘅嘢終於決堤而出。

終於講到翠欣嘅故事，唔知連登仲有冇人記得當年高登上面呢個發曬癲暴走到人人攞嚟恥笑，食住花生等佢跳樓嘅女護士？

有無得睇返?

有難度，我試過搵當年高登嘅po但好多已經搵唔番，一來係Search Engine越來越少Keep十幾年前嘅網頁，另一方面可能係同高登果邊伺服器唔Keep咁多年前嘅嘢。所以我都響度問，唔知有冇人記得當年響高登幾乎俾人逼到黐線嘅絲打

當年翠欣響討論區發癲嘅事，好多人都知，但真係知道來龍去脈嘅人並唔多。當然啦，食花生唔洗查家宅，見到有人響討論區胡言亂語又周圍咬人已經夠翠欣死十次，但我冇諗過，翠欣發癲嘅原因，除咗係因爲昭煌之外，響件事嘅背後原來仲有另一個人。

時間返到2013年，當時翠欣啱啱開始咗見習護士。由於醫院編更嘅關係，翠欣同朋友見面食飯嘅機會變得越嚟越少。當時，佢最大嘅樂趣，就係有手機響高登睇故。

「嗰陣醫院有個師姐叫Maggie，佢介紹咗非飛人嘅故俾我睇，話呢網絡作家都係做我哋呢行嘅，我見個故露骨得嚟又好搞笑，又見到非飛人同班讀者玩得好癲，悶悶哋咪搭吓嘴囉。」

讀書嗰陣熱鬧慣嘅翠欣因爲唔習慣醫院嘅生活，成班人響群組吹水嘅時候不經意夠透露咗自己響邊間醫院度做，結果——

「乜你又係響嗰間醫院度做呀？我之前都係響嗰度返工㗎喎。」

昭煌同翠欣講佢真名叫「阿健」，響翠欣做緊嗰間醫院做咗幾年護士，而家調咗去第二間醫院。

聽到翠欣咁講，我當堂反曬白眼，條友響小倩、阿唯面前話自己響日本做嘢，又同Mandy講話佢係律師，而今次對住翠欣就話自己係做護士。究竟香港嘅女仔係咁真係咁容易信人？

「佢嗰陣講得出我哋醫院入面ｄ人名，又好熟醫院環境，我點估到佢會呃我喎。」翠欣一扁嘴，擰埋一邊，結果我氹咗一輪佢先肯繼續講落去。

翠欣見昭煌係一個講得笑嘅前輩，兩個人逐漸由群組入面吹水，慢慢轉移到私下通電話，過咗冇幾耐，昭煌就提出響外面見。

「嗰日佢嚟到醫院，就係響你而家坐緊個位嗰度等我。」

唔知係咪我嘅錯覺，但當翠欣講呢番說話嘅時候，我全身突然feel到一股寒意，令我不由自主咁坐開少少。

「我見佢周圍同人打招呼，咪信佢真係響度做過囉。點知原來佢只係唔怕面懵，周圍同人打招呼扮熟嚟呃我！」

雖然係好衰，但聽到翠欣咁講我忍唔住笑咗。今次佢唔扁嘴啦，直接用拳頭打咗我手臂一下。

「邊有人會做ｄ咁嘅嘢㗎！」我彷彿見到昭煌同個清潔姨姨扮熟嘅情景，笑到標眼淚。

「咪係囉。」翠欣首次露出可愛嘅笑容，「我唔係ｄ未拍過拖嘅女仔，以前中學嗰陣都試過有男朋友，但係阿健——」

「你仲叫佢阿健？」

「....昭煌佢有事業心、有諗法，講嘢幽默得嚟又識得響適當時候俾意見我。佢嗰種穩重、細心、同埋令人安心嘅感覺，響其他男仔身上根本俾唔到我。」

「哇，你咁講，踩低曬好多巴打喎。」

「討論區班人，平時響度踩人、認叻就得，出到嚟.......算罷啦。」

我相信，翠欣所講嘅「唔掂」應該係包括埋我在內，但聽到呢度，我不期然咁諗，無論係真又好、假又好，昭煌悉心營造出嚟嘅假象，全部都係對準咗班女仔想要乜然後對症下藥。當然，佢好清楚自己擅長乜嘢、識ｄ乜嘢，所以佢一直不斷擴大自己個魚塘，等更多魚游埋自己身邊，然後揀最適合嘅嚟落手。

面對小倩，昭煌知道對方想去日本學烹飪，所以佢就飾演一個移民咗去日本、事業有成嘅男人。面對做見習護士嘅翠欣，佢就化身同行嘅前輩，無微不至咁指導、安慰對方。

其實，呢ｄ招式全部都係所謂約會專家、溝女達人講嘅嘢嚟。只不過公式擺咗響度，騙子都成功食女無數，但作爲一名毒撚，我依然係做唔到咁有策略性嘅女性攻略。

「做咩呀，想學昭煌食女呀？」翠欣好似睇穿咗我諗乜咁，故意挨埋嚟。

「係呀，想食你呀。」我面不紅氣不喘，半認真咁答佢。

「你敢！我話俾波利聽㗎！」

「你咪話囉，波利又唔係我女朋友。」

翠欣聽到我咁講，略略呆咗兩秒，然後急急轉換話題。

「昭煌話佢都係做護士嘅，好明白返shift幾攰、幾辛苦，所以佢有一排成日就我時間約我食飯，仲試過特登親自下廚整飯盒俾我。」

飯盒攻勢，我以爲係對男人先有效，原來對女人都work喎。

所謂有心人裝無心人，昭煌呢個「前輩」嘅照顧同曖昧嘅氣氛令翠欣慢慢習慣咗身邊有個「完美對象」，但佢最高明嘅係，佢從來都唔會刻意打破兩人之間嘅曖昧關係。

「佢有時會因爲『當值』同『瞓覺』突然失蹤一兩日，咁我自己都係做呢行嘅，無理由唔體諒佢㗎嘛。」

我聽到呢度拍一下大腿，唔怪之得條友揀護士呢個假身份啦，可以攞正牌玩失蹤，不愧係時間管理大師！

「我點估到佢咁衰用呢個假身份嚟呃住我，原來外面仲有好多個女人！」

好多個？

「嗯....」翠欣又一次雙眼泛起淚光。

【幕後花絮】

個故就嚟寫到廣播劇入面都有出現嘅床戲，響度講一下ｄ幕後花絮。當時聲演翠欣嘅阿Ta雖然從未做過廣播劇，亦冇任何演出經驗，但佢真係好努力、好投入。記得錄床戲果晚其實係串連曬其他場口一齊錄。雖然錄嗰場戲之前我清咗場，但錄音室入面仲有飾演昭煌嘅Rocky、我、阿嵐，Sound Booth果邊雷哥Op住機、阿仁響度「監場」，仲未計波利同埋其他人響外面準備聽阿Ta嬌喘。　阿Ta最終克服心理關卡，順利完成演出，當聽到話Good Take時候，大家係瘋狂拍掌。

我望住翠欣，嘆咗口氣，睇住佢不斷流眼淚但唔知可以講ｄ咩嚟安慰佢。

所有毒撚都知，響曖昧同拍拖之間，永遠都有條跨越唔到嘅鴻溝。就算你做盡天下間最sweet嘅嘢，對方始終同你差嗰一步。即使我訪問咗所有俾昭煌呃過嘅女仔，我最多都只係知佢用咗咩手段令人對佢有feel，但我始終解釋唔到，點解ｄ女仔肯爲一個其貌不揚，甚至係體格、品德、性格都唔合格嘅男人動情，甚至係願意爲佢付出一切。

「我唔知....我都唔知點解會咁鍾意佢！」

翠欣壓抑住自己歇斯底里嘅情緒，過咗幾秒眼淚終於不受控咁湧出嚟，大滴大滴咁掉落大腿。佢冇大嗌，甚至只係用力捂住自己個嘴，唔俾自己嘅聲音泄漏出去，全身不斷係咁震，呼吸急促到好似喘緊氣咁。

我從來未見過一個女人喊成咁，連想遞張紙巾俾佢嘅手都僵咗響半空。嗰一刻，我知道無論講咩、做咩都幫唔到，仲可能搞到場面更加尷尬。我唯有望住佢，感受住翠欣全身散發出嚟嘅無助同痛苦，腦入面一片空白，等風暴慢慢過去。

「唔...唔好意思.....」

翠欣逐漸平靜落嚟，終於接過我遞過去嘅紙巾。佢抹咗抹ｄ眼淚，然後慢慢開口，講出一ｄ佢從未同任何人提過嘅事。

「其實佢年紀大我咁多，我仲成日叫佢做飛爺，真係唔明點解會同佢一齊。」翠欣苦笑一聲，深深吸咗口氣，「有一排，我哋隔幾日就見一次，無論係同佢食飯，抑或響醫院附近行吓，都有講有笑，嗰陣真係好開心、好自在。然後我返夜更嘅時候，佢會陪我傾WhatsApp，醫院發生咩事唔開心，佢又可以俾到意見我。我知道自己開始有ｄ鍾意佢，但係佢從來都唔肯講話自己係咪鍾意我。」

然後，有一晚，昭煌突然問咗翠欣一個問題。

「你有無興趣一齊上廣州玩呀？」

最初，翠欣對昭煌嘅建議都有少少抗拒，但昭煌一步步send d景點相、美食相俾佢睇，又同佢講話好熟廣州，可以帶佢食好嘢。慢慢，翠欣就由抗拒變成不自覺咁幻想同昭煌去旅行。

「放心啦，我帶你去玩，包你好食好住。」經過幾個月嘅相處，再加上昭煌拍曬心口寫包單，翠欣終於瞞住屋企人，第一次同個男人單獨去旅行。

俗語話：「女人係唔理性嘅動物」

昭煌花咗幾個月嘅悉心鋪排，終於令翠欣呢個自以爲都有ｄ戀愛經驗嘅妹豬失去咗方寸。結果響佢哋出發上廣州之前，翠欣就已經不斷響度幻想呢次旅行會發生ｄ咩。

「如果只係當佢普通朋友嘅話，我諗我未必會答應佢上廣州。」

「不過你嗰陣已經鍾意咗佢，自然又係另一回事啦。」

換言之，昭煌唔單只鋪排好曬所有嘢先嚟約翠欣，甚至係用呢個問題去check呢個妹豬究竟食得未。

「嗰朝我哋搭直通車上廣州，佢帶我去咗好多地方，全日都玩得好開心。平時我最驚同人逼嘅，但嗰次我竟然肯同佢逼廣州嘅地鐵，仲去咗黃沙水產市場食扇貝。」

離開香港之後，翠欣響陌生嘅城市變得更加依賴昭煌，終於昭煌響繁忙嘅廣州街頭，成功拖住翠欣隻手。

「嗰刻，我有少少錯愕，但我只係記得佢好用力咁拖住我過馬路，連自己響邊都唔知。」翠欣低頭笑一笑，似乎仲回味緊當日發生嘅點滴。或者，對一個女人嚟講，最重要嘅唔係個男人響最後係咪呃佢，而係當佢動心嘅嗰刻，個男人係咪真心愛佢。

呢個，可能就係女人成日講嘅「Timing」。

「其實我都唔知行咗幾耐，總之行吓行吓，我哋就返到酒店，望吓個鐘已經夜晚十點半，所以當我知道同佢同房嗰陣，我真係嚇咗一跳。」

聽到呢度，相信好多人都會同我一樣咁諗，今次翠欣真係送羊入虎口啦。點知，翠欣話嗰晚昭煌只係拖住佢隻手，兩個人攤響度傾到瞓着，竟然乜嘢都冇發生過！

「唔係呀嘛？林昭煌喎！條友咁辛苦約你上廣州，竟然淨係瞓響度同你傾計！？」

「乜你好想聽我俾佢呃上床嘅嘢咩？」翠欣有少少唔高興咁望住我。

老實講，我真係唔識點答佢。翠欣個樣唔差，戴住副眼鏡，頭髮長長、眼大大，完全就係典型嘅鄰家女孩。雖然未至於令我沈船，但佢嘅外形確實係令我有好感。之前爲咗寫劇本，我仲有信心可以保持專業，但而家我已經同阿仁講咗唔會再寫落去....

就響我猶豫緊嘅時候，翠欣忽然開口：「所以你只係一個普通嘅鹹濕佬囉。」

「唔明。」我雙手一攤，乾脆等佢解釋。

翠欣白咗我一眼，然後話：「女仔嘅直覺好準，你哋ｄ鹹濕佬諗咩，一望就知啦。」

連登仔成日話「有食唔食，罪大惡極」，但昭煌嘅耐性反而成爲咗攻略翠欣嘅最大關鍵。

「佢好有風度，講嘅、做嘅，全部都係爲咗博取個女仔嘅信任。」

如果話「信佢一成，雙目失明」，咁翠欣信佢十成，結果當然就乜都冇剩啦。

感謝支持！
今日會有甜，敬請期待　

去完廣州之後，翠欣幾乎無時無刻都同昭煌傾WhatsApp，就算俾醫院其他同事投訴，翠欣都只係覺得人哋針對自己。就連最初介紹佢睇昭煌嘅小說嗰位師姐Maggie都忍唔住出聲話佢。

「做咩啫，send吓message之嘛，洗唔洗咁呀？」

翠欣一臉不滿咁坐響醫院canteen，旁邊嘅Maggie見佢起曬弶，嘆一口氣，「你實習㗎咋，而家就嚟考試，無謂因爲個非飛人影響自己啦。」

「人哋有名叫林柏健㗎。」

「之前你仲叫緊佢『飛爺』，而家改口叫阿健，即係做埋人哋條女啦。」

「黐線啦，同佢傾計之嘛，邊有做佢條女啫....」

「總之，非飛人呢排響討論區好多是非，我勸你唔好黐埋條友度啦。」

「阿健有同我講過話佢搞緊出書嘅嘢，班高登仔眼紅佢所以搞事之嘛。」

「阿健阿健，我睇你個腦入面淨係得番個佢一個㗎啦。」

原本翠欣對昭煌只係帶住一份朦朧嘅感覺，但經Maggie一講，佢開始察覺到自己對昭煌嘅感覺出現咗微妙嘅變化。佢開始在意自己同昭煌嘅關係就差一小步，所以當昭煌再約佢去澳門玩嘅時候，佢好爽快就答應咗。

呢一次嘅澳門之旅同去廣州嗰次一樣，昭煌對翠欣嘅照顧簡直係無微不至，有碼頭落船一刻開始，翠欣就覺得前所未有咁輕鬆。雖然只係三日兩夜嘅短Trip，但佢嘅心情就好似小學生第一次去旅行咁，興奮到一整日響街上蹦蹦跳跳。

到咗夠鐘去酒店check-in嘅時候，昭煌終於嚟料。

「你冇嘢丫嘛？」翠欣見昭煌面色唔好，一入房就扶佢埋床攤低。

「冇嘢嘅，我有時太攰會個胃唔舒服，食粒藥就冇嘢㗎啦，你俾我休息一下，我哋再出去，好唔好？」

原本翠欣諗住話響澳門睇醫生嘅，不過見昭煌響背囊攞ｄ藥出嚟，佢就慣性咁轉身幫佢斟水。

「唔該曬。」昭煌接過杯水，順手拖住翠欣隻手，兩個人當下十指緊扣，一切都盡在不言中。

根據昭煌響WhatsApp群組嘅語錄，「表白」呢個動作係最低招嘅舉動，因爲「可唔可以做你男朋友」呢句說話，俾咗50%機會對方say no嘅同時，亦破壞咗當下嘅氣氛，令對方有喘息嘅空間去拒絕你。

昭煌同翠欣十指緊扣之後，佢感受唔到翠欣嘅抵抗，慢慢將佢拉埋床邊，輕輕抱住咗佢，響翠欣額頭上錫咗一啖。

呢樣，就係翠欣一直想要嘅嘢。

昭煌好清楚翠欣要嘅係呢幾個月曖昧之後嘅一個答案，而唔係一段單純嘅肉體關係，所以即使去到呢刻，佢都依然好小心，唔敢輕易越界。反正大把機會，何必因爲一時心急而壞咗大事？

爲咗飾演翠欣心目中嘅好男友，同時又控制住支出，昭煌選擇等天黑先帶翠欣離開酒店，兩個人牽住手掃盡澳門街頭小食，沿途不斷打卡，宛如一對熱戀中嘅情侶。

「昭煌真係好細心，佢知我行到腳痛，特登搵地方俾我坐吓休息，知我唔中意食得太甜，又帶我食我自己加糖嘅豆腐花。」

翠欣講到呢度，再一次眼泛淚光。

一個鄰家女孩，有過幾次拍拖經驗，同一個以爲信得過嘅男人響陌生嘅街頭十指緊扣，嗰一刻翠欣個心已經因爲昭煌甜到暈曬浪，甚至認定對方就係佢嘅真命天子，完全忘記咗糖衣毒藥係越甜越毒嘅。

「嗰日我哋啱啱開始拍拖，我只係覺得佢俾到我以前ｄ男朋友做唔到嘅嘢，加上去完廣州都冇事，所以就算Maggie同我講話佢響外面有好多閒言閒語，響嗰刻，我根本唔會當係咩一回事。」

就係因爲對愛情嘅憧憬同甜蜜，翠欣一直冇發現，其實昭煌一早已經決定好將澳門變成呢次食女大計嘅終極舞臺。

響澳門嘅第一晚，昭煌同翠欣響外面玩到十點幾，兩個帶住少少酒意返到酒店。當時房間入面燈光好暗，翠欣兩杯落肚之後有少少意猶未盡，但佢仲未開聲話想落樓買酒飲，昭煌就已經唔知響邊度攞咗支Moscato出嚟。

酸酸甜甜嘅酒漿令人欲罷不能，再加上音樂嘅伴奏，逐漸瓦解翠欣嘅防線。昭煌一隻手慢慢響佢腰部滑動，不時輕輕觸碰佢嬌挺嘅臀部。唔知點解，翠欣慢慢覺得一股暖流響下腹湧現，陰道分泌出好多液體，好黏、好滑，一對乳房隨住呼吸不斷有種漲大嘅感覺，甚至令佢出現希望昭煌伸手入去衣服入面嘅欲望。

「阿健.....」翠欣嘅聲音帶住少少撒嬌嘅哀求，身體不由自主向昭煌貼過去。

「傻妹，唔好講嘢啦。」昭煌貼上翠欣嘅嘴唇，雙手肆意揉捏翠欣嫩滑嘅乳房。

翠欣嘅心狂跳，即使係以前嘅男友都冇令佢產生咁強烈嘅渴望。佢嘅胸罩早就不知去向，下身亦唔只幾時已經變得一絲不掛，但佢只係將身體更加貼向眼前嘅男人，就好似胸前嘅乳房天生就係爲咗被對方揸住一樣。

然後，昭煌輕輕一口將佢拔挺嘅乳尖含入口中，舌頭不斷跟住乳暈打轉，翠欣興奮嘅叫聲連佢自己都感到陌生，但隨即佢就感覺到昭煌嘅手指滑過佢雙腿之間嘅花園。

「唔....唔好.....啊.....啊.....好啊.....啊.....」翠欣不斷呻吟，但佢嘅力度又點足以阻止昭煌手指嘅推進。

「你係話唔好，定係好啊？」昭煌故意挑逗翠欣，然後響佢能夠回答之前，兩隻手指已經開始撥弄翠欣兩片陰唇，令花園周圍氾濫成災。翠欣滿面通紅，將自己塊面埋響昭煌嘅頸後，用力咁抱住昭煌。

昭煌見兩片花瓣已經徹底濕潤，中指輕輕一伸，順利滑入翠欣濕滑嘅小穴。佢熟練咁沿住穴壁搜尋，好快就搵到翠欣最敏感嘅位置，二十幾歲嘅翠欣，根本唔係呢個久經沙場嘅情場騙子對手，緊緻嘅陰道隨住愛撫不斷用力吸啜陌生嘅手指，翠欣感覺自己身體已經不受控制，雙腿不斷開合，然後昭煌手指向穴壁稍微施壓，一條水柱就從佢嘅陰道射咗出嚟。

翠欣腦袋一片空白，明明冇任何尿意，但竟然響佢中意嘅人面前失禁。佢覺得好丟架，腦袋一片混亂，雙眼充滿淚水想要推開昭煌，但對方只係帶住微笑咁親吻佢嘅眼淚，然後下身一陣酥麻嘅感覺，一條堅挺嘅肉棒已經貼上佢嘅陰道口。高潮未過嘅佢花蕊微張，就好似爲咗迎合昭煌咁完全不設防。

「等等....阿健....痛.....」

翠欣下意識想反抗，但粗壯嘅肉棒已經將佢嘅小穴撐開，佢只能全身酥軟咁迎接昭煌嘅巨龍進入，完全無法拒絕肉體所帶嚟嘅快樂，快感已經征服咗佢嘅一切。

其實依家高登仲係度 做乜唔係果邊post

其中一個原因係因爲冇咗當年嘅高登帳號
而家手上得番呢個連登帳號，仲要係搞咗好耐先甩到Ｐ牌　
果邊講真我已經好多年冇上過，識嘅人應該都唔響度啦

支持

雖然今晚係昭煌第一次享用翠欣嘅肉體，但佢完全冇憐香惜玉嘅諗法。自從敗走高登講故台之後，佢一直保持低調，當日俾人反咬一口嘅屈辱，佢依然記得一清二楚。呢幾年嘅潛伏，已經消磨曬佢所有嘅耐性，重返講故台之後，佢一直物色適合嘅對象，仲要響寫作方面收復失地。佢今次非常小心，爲咗食到翠欣呢個護士妹妹，佢處心積慮，從第一次接觸開始就已經計劃好曬，成件事就好似寫故咁，每一步都係爲咗引導翠欣呢位「讀者」去到佢安排好嘅情節、觸發佢想要嘅情緒。

翠欣響昭煌一輪猛烈抽插之下轉眼又一次高潮，但佢已經變得非常享受呢個過程，小穴任由陽具自由進出，伴隨每次強而有力嘅床幾扭動腰肢主動迎送。

昭煌故意唔改變體位，因爲佢要欣賞翠欣面上歡愉嘅神情。一向調皮、可愛形象嘅翠欣，正響度俾佢嘅巨龍瘋狂抽插緊。翠欣嘅每一聲呻吟、肌膚嘅每一滴汗水、甚至陰道嘅每一下抽搐，都係呢半年忍耐嘅回報。

「仲未夠.....」昭煌就好似一隻出籠猛獸一樣，張口噬咬翠欣柔嫩嘅左乳，白皙嘅肌膚上面立即留低兩排紅紅嘅齒印，令翠欣好似觸電咁大叫一聲。

對翠欣嚟講，做愛係兩個人之間最私密嘅事，而呻吟聲就好似一種無形嘅暴露，將自己赤裸裸咁呈現響房間外路過嘅陌生人面前一樣。而剛才嘅一聲大叫，將佢最後一層嘅保護膜都徹底粉碎，羞愧同快感交織嘅同時，佢腦中一片混亂，然後肉體嘅高潮又一次將一切衝散。

翠欣已經唔知道自己係第幾次高潮，陰道不斷反射性收縮緊咬住肉棒，黏稠嘅玉液從佢微微顫抖嘅臀部滑落到床上。佢發現自己嘅雙腿正勾住昭煌後背，就好似暗示對方再插深ｄ咁。突然，昭煌將整個人嘅重量都壓響佢身上，下體抽插嘅力度同速度不斷提升，佢感覺到昭煌嘅陽具不斷響佢體內變大，佢知道昭煌快要射精了。

「阿健俾我....」翠欣雙手攬住昭煌，接受曬佢身上嘅重量。

佢哋兩個人嘅身體密不透風咁緊緊貼合一齊，然後昭煌用力一挺，肉棒最後一次完全沒入翠欣身體嘅最深處，龜頭頂到翠欣嘅子宮口，然後將精液連同忍耐嘅一切出盡力射入翠欣嘅子宮。

熾熱嘅精漿火辣辣咁猛烈衝擊翠欣嘅子宮，令佢腦袋一陣麻痹、全身失去力氣咁軟攤響昭煌身下。直到到昭煌嘅肉棒慢慢軟化、滑出，佢感覺到少量嘅精液從陰道口流出，但隨住昭煌響佢身上留低無數吻痕，剛剛消退嘅慾火又一次被燃點起嚟。

翠欣已經唔記得呢晚同昭煌做咗幾多次，佢只係記得有一刻，佢全身赤裸咁企響酒店窗前，任由外面嘅燈光照亮佢一雙嬌挺嘅乳房。

「你好靚。」昭煌由衷咁讚美。

雖然翠欣嘅胸脯唔算好大，但形狀大小剛好貼貼服服咁放響昭煌手入面。隨住溫軟而有彈性嘅乳房不斷改變形狀，響昭煌掌心嘅乳尖亦再次堅挺起嚟。

「傻妹，仲未夠啊？」昭煌一笑，四片嘴唇再次貼上。

一直以嚟，翠欣都唔認爲自己係一個放蕩嘅女人，但呢晚，佢個心好似跨越咗某ｄ嘢，佢變得一心一意只係想取悅眼前嘅男人。就好似打開咗某個開關一樣，翠欣變得願意將自己嘅一切交俾昭煌嚟換取對方嘅愛，就連原本三日兩夜嘅行程都已經變得唔再重要，兩個人除咗離開酒店食飯同散步之外，就一直響房間內享受彼此嘅肉體。

爲咗滿足昭煌，好多原本佢會覺得嘔心又或者抗拒嘅事，都因爲要取悅呢咁男人，響對方嘅「循循善誘」下開始逐一體驗。而另一方面，昭煌除咗同翠欣玩禁室培育之外，亦冇忘記到「林柏健」嘅人設。因爲佢知道，只要呢個溫柔嘅假象能夠維持落去，呢個自己一手調教除嚟嘅護士妹妹就會一直死心塌地咁留響佢身邊。

「你會唔會覺得我好cheap，送上門同個阿叔搞嘢？」

翠欣講完廣州同澳門嘅經歷之後見我粒聲唔出，苦笑住咁問我，但其實，我並唔係因爲睇唔起佢而唔出聲。

送上門係咪cheap，我唔識評論，不過聽完翠欣嘅說話之後，我只係覺得有ｄ嘢唔對路。

「你頭先話，嗰晚你哋返去酒店之後，原本想買嘢飲，但結果昭煌突然攞咗支Moscato出嚟？」

翠欣不明所以咁點頭，然後我就醒起昭煌響網台講過響深圳落藥嗰件事。

如果昭煌特意帶翠欣去廣州、去澳門，唔只係爲咗令翠欣產生安全嘅錯覺，而且仲係爲咗搵機會落藥....

跟住我又諗起昭煌張相，條友面色蒼白、雙目無神、奀嫋鬼命成個道友咁款，竟然可以同翠欣搞足成晚？

響嗰刻，我好想將心入面嘅諗法講俾翠欣知，但我好清楚有ｄ嘢，諗到、推斷到，但冇證據去證明嘅話，講出嚟只係會造成更大嘅傷害。響我眼中，翠欣只係盲目去相信自己中意嘅人，既然佢已經知道自己俾人呃咗，我又何必再響佢嘅傷口上面再劃多一刀？

就響我思考緊呢個問題嘅時候，翠欣突然挨埋嚟，響我耳邊細細聲話，「你係咪響度諗緊想同我扑嘢呀？」我呆一呆，然後發現褲襠上面有隻手放咗響度，「你下面硬曬啦。」

【進度報告】今日響公司OT緊，聽日先有機會繼續寫，希望多多包涵　

有時溝通嘅嘢就好似網球比賽咁，兩個人要有來有回，場對答先會精彩有趣。但偏偏我呢個只係擅長問人嘢嘅，當俾人隔住條褲俾揸住條Ｊ，我就只係識得呆撚咗唔知點答佢。

如果從條Ｊ嘅角度去諗，梗係答佢「想」啦，博一鋪睇吓係咪咁好彩丫嘛。但諗深一層，之前只不過唔小心掂到阿嵐條腰就俾人話我非禮，翠欣而家揸住我條Ｊ啫，但下一秒佢突然反口話冇做過，然後屈我性侵佢嘅話，法官同媒體會信邊個先？

即係決定同翠欣Say No啦。

但翠欣啱啱先問我自動送上門同昭煌搞嘢係咪好Cheap，我而家俾佢揸住條Ｊ都同佢Say No，咪即係嫌棄人哋？

我心諗仆街啦，個問題仲難答過「你老母同我跌咗落水，你救邊個」。

而就響我猶豫緊嘅呢幾秒，翠欣突然鬆開手，行開幾步，「我知你哋班人點睇我。我俾個衰人前前後後玩過曬，好污糟好Cheap丫嘛。講出嚟都只係俾你哋恥笑，覺得我係公廁、肉便器，咩人都上得嘛！」

翠欣講嘅，正正就係討論區上面ｄ人嘅留言。

當然，唔係所有人都寫呢ｄ留言，更多時候大家其實係勸佢唔好發癲，但好明顯佢只係記得傷得佢最深嘅嗰幾個回覆。

「翠欣，你冷靜ｄ先，我冇咁睇你喎。」

「算罷啦，諾斯，我摸過你下面㗎。」

聽到翠欣咁講我真係想翻白眼，唔知點解ｄ女人明明唔清楚男人嘅生理構造，但偏偏就認爲自己好清楚男人嘅生理反應。響佢哋眼中，男人勃起只有兩個原因：

一）因爲愛對方，所以想做愛
二）根本唔愛對方，只係想做愛

我深深爲香港嘅性教育水平感到悲哀，究竟香港嘅女性人口，有幾多個百分比係知道，細佬有反應同個腦諗緊乜係冇必然嘅關係？