【有得聽有得睇】爲咗幫條女，我同人搞咗個網絡廣播劇

多謝留名！

其實過咗咁多年，而家寫到嚟呢度，我都仍然響度諗，係咪應該加甜寫小倩同昭煌床戰，你哋覺得呢？（sorry，我份人真係好似阿仁話齋，好多撚餘、好撚婆媽　）

無絕對答案


如果係收錢既 job，老闆要求寫，緊係寫，要收視，目標為本

老闆無要求，或交返決定權俾寫手，咁就真係隨得寫手自己諗，覺得唔好寫就咪寫

如果指示係咁清晰嘅話就好啦
嗰陣佢一味話冇所謂，隨我中意
一陣話要收聽率，一陣又話要顧住班受害人
其實講到尾就係顧咗多人聽先，但有咩事俾受害人嘈嘅就唔關佢事　

究竟阿仁同昭煌有咩深仇大恨，成副心機都擺曬響佢口中嘅「狙擊昭煌」呢件事上面，就連以前中意過嘅女仔俾人攞嚟寫甜故佢都完全唔介意？

「你諗咁多做乜丫。」由於阿仁忙住搞佢嘅「狙擊昭煌」計劃，劇本方面嘅嘢幾乎交曬波利嚟處理，所以我哋幾乎日日就算唔見面都一定會傾電話。傾多幾次，我發現佢做嘢唔只爽手又有交帶，仲同我一樣對阿仁嘅處事手法有不少微言，「阿仁成日將ｄ嘢收收埋埋懶神祕咁，你寫完、錄完個劇之後，件事就已經同你無關啦，你又洗乜理佢咁多？」

「咁你呢，波利？你又唔係受害者，點解要出錢出力幫佢『狙擊昭煌』？」

「可能係因爲無聊，又或者係因爲睇唔過眼掛。」波利望住窗外，眼神有少少迷惘。

2014年3月，一班人因爲睇唔過不公義嘅事走埋一齊，當時呢樣響舊登被稱之爲「憨鳩」。波利話佢唔知點解要做咁憨鳩嘅事，而我哋更估唔到，半年之後，全香港竟然有過百萬人都同樣全身投入去做憨鳩嘅事。

「喂，諾斯，你咪響度一輪嘴講『憨鳩』啦，你聽咗阿仁佢哋錄嘅廣播劇第一集未呀？」

波利今次叫我出嚟之前，同我講話暫停唔好寫個劇住。當時我都feel到出咗事㗎啦，點知當我攞部電話出嚟，俾我聽咗阿仁「精心炮製」嘅第一集唔夠十秒，我個心入面就只剩低五個字：唔・撚・係・呀・嘛！！！

電話播出嚟嘅聲音，好明顯係求其搵幾個人響房圍埋讀就算。唔好話剪接同營造空間感，就連揭紙聲同呼吸聲都錄埋，根本完全投入唔到個劇情。

我日日放工之後開始趕稿，平均兩日就趕起一集，爲咗追製作組嘅進度，我連Lunch都唔食，日日食晏響公司狂寫、搭車又寫，連去廁所都響度寫，條友竟然錄ｄ咁嘅嘢出嚟！！？！

雖然收咗錢，但聽到阿仁搞多pat咁嘅嘢出嚟，我真係想打人。

「你哋製作組唔係話租studio錄音嘅咩？」

「租咩Studio呀？」

波利眨住一雙大眼睛，一臉問號咁望住我，我馬上意識到發生咩事。

「阿仁之前話會搵間studio錄音，仲話你哋所有人會夾番錢㗎喎。」

「Studio？佢哋去咗Neway唱K，順手響入面錄埋之嘛。」

唔怪之得ｄ聲空洞到咁撚樣啦.....

做直播打機又好，拍片做YouTuber都好，通常只要支咪靚少少，個環境安靜番少少，搵部Laptop都可以錄到唔錯嘅效果。不過，做廣播劇就完全另一回事，由於冇畫面嘅輔助，聽衆會將所有注意力集中曬響對耳度，聲音稍微有少許瑕疵都會放大十倍。

「聽衆能唔能夠投入個劇，好睇整件事嘅氣氛營造得成唔成功。呢方面，聲演嘅人演技固然重要，但硬件方面，用卡拉OK咪已經死得，仲要幾個人分一支咪，一邊讀、一邊遞嚟遞去.....」我一路解說，波利嘅臉色就越來越難睇。

「我都知大鑊㗎啦，阿仁條友仲成日乜都話冇問題。」

對白銜接得唔自然、衣服摩擦嘅聲音，仲有咪同嘴巴之間嘅距離所造成聲源嘅距離感，阿仁係完全無視曬所有嘢，搵人攞住份稿直接讀曬就算。

「雖然我哋唔係專業，但都唔好咁丫，咁嘅水準你敢擺出去俾人聽咩？」

爲咗提升個劇嘅水準，我特地問公司借咗支拍嘢嘅咪俾阿仁，諗住有波利現場監督應該好ｄ啦掛.....結果錄完之後，揭紙聲、呼吸聲、就連有條友錄錄吓R痕同吞口水我都聽的一清二楚，明明第一集故事講阿仁響屋企寫故，點知錄出嚟好似阿仁瞓街嘅咁。

「阿仁話，呢間房已經係朋友嘅『錄音室』，如果咁都唔啱嘅話，我哋自己出去搵地方錄喎。」

望住波利愁眉苦面個樣，我嘆咗口氣，原本只係寫份劇本就算嘅，而家，唯有幫到底啦.....

老實講，波利認真嘅態度挽救咗個劇，亦直接影響咗我對成件事嘅投入感。當時，劇本寫到小倩終於發現自己俾昭煌呃咗，關於小倩嘅故事已經將近尾聲，我大可以求其寫完拍拍屁股走人，但結果我都係答應咗波利出去搵錄音室，同佢去行勻新蒲崗、九龍灣、觀塘、牛頭角同油塘。

記得嗰陣已經係2014年嘅5月，雖然未到端午但已經熱到我哋成身汗。終於，有晚行到八點幾九點，我頂唔順投降，捉咗佢入APM響Food Court搵個位坐低，諗住食個飯先再算，點知都未開聲講，佢就已經攞曬ｄ資料出嚟，鋪到成檯都係。

「你去買嘢食啦，我打多幾個電話先去買嘢飲。」波利着住條裙翹起對腳，戴眼鏡個款成個Missy響度改卷咁，就連隔離食緊嘢嗰幾個中學生都響度係咁𥄫。我忽然有個好可怕嘅諗法，唔通波利都係其中一個受害者？

之前我有問過阿仁究竟佢俾我嘅名單之外，製作組入面仲有冇受害人，當時阿仁斬釘截鐵咁話冇，但而家睇住波利額頭滴住少少汗，全神貫注睇住ｄ資料個樣，實在唔難想像昭煌會向佢埋手。

「你飲咩呀，我幫你買埋啦。」

衆所周知，APM Food Court買嘢食就方便，但飲嘢嘅種類簡直係少得可憐。我聽到波利話想飲茶，專程走落樓下一田買支伊藤園俾佢，而我自己就買支蔘蜜，點知返到上嚟，波利竟然一手就搶咗我支蔘蜜，仲笑笑口推返支伊藤園俾我。

「女人係善變㗎，乜你仲未習慣咩？」

我諗，呢個就係偷𥄫波利嘅懲罰。

「你仲幻想緊我同昭煌搞過嘢？」

「冇！冇呀！」

「係咪好想寫我同昭煌做愛嘅場面？」

邊鬼個話上網勿認真，認真就輸了㗎？

波利突然問嘅一句，令我當堂hang曬機唔識回答，但呢個衰妹就好enjoy呢ｄ答「想」同「唔想」都死嘅問題，一味就笑眯眯咁望住我。

「我....我只係奇怪真係會有人爲咗公義出嚟做嘢啫。」我飲咗啖伊藤園，嗰種苦苦哋嘅茶味纏繞住我喉嚨，就好似我講嘅呢番說話咁，帶住少許苦澀味。

「你覺得上得討論區留言嘅都係鍵盤戰士？」波利似笑非笑咁反問。

「做埋曬ｄ冇回報嘅嘢，講出嚟都俾人恥笑啦。」我苦笑住回答。

當年，我哋做埋ｄ憨鳩嘢，吃力不討好，擔心嘅係俾人恥笑。今日，如果若果去做憨鳩嘢，要擔心嘅，又豈止係俾人恥笑咁簡單？

「恥笑咪恥笑攞，自己良心過得去，其他嘢理得人哋點諗。」

波利係一個好撇脫嘅女仔，愛恨分明、份人又有正義感，但我好清楚，呢個城市係唔會容許呢種人繼續貫徹自己。我說服唔到佢改變，因爲我自己都唔想改變，但改變係響呢個城市唯一繼續生存落去嘅方法。

嗰晚，我同波利響APM坐到十點半，阿仁突然打嚟，話有個朋友響觀塘開咗間錄音室。我同波利聽到之後，興奮到三扒兩撥食完個飯就拿臨出發，但去到錄音室樓下都已經就嚟十一點。我哋行入一座舊式工廈，發現管理處個阿伯好唔高興俾人嘈醒咁睥咗我哋一眼又瞓番。響推開管理處後面嘅鐵閘之後，我哋發現好似行咗入另一個世界。

呢座工廈我估最少都有四十年歷史，部升降機仲係舊式拉閘嗰隻。由於道閘又舊又重，我同波利拉開閂埋好幾次先終於啓動到部升降機。

「你聽朝唔係返工咩？」我隨口問一句。

「得啦，陣間睇完個錄音室咪趕尾班車返去囉。」

電梯上升得好慢，我哋望住前面一層層、空蕩蕩嘅走廊響眼前掠過，忽然間有種睇緊恐怖片嘅感覺。

「喂，如果而家電梯突然停咗，你估跳出嚟嘅係喪屍抑或係鬼丫嗱？」

「你....你咪亂講啦.....」波利扮曬冇嘢，點知部電梯陣係突然停咗，嚇到佢叫咗出嚟。

「你做咩呀，到啦。」我笑住推開閘門，一個血紅色嘅「12」就響我哋眼前。

「點....點解係十二樓㗎？我哋明明係上13樓㗎喎！」

波利望出電梯外面，成條走廊昏昏沉沉，如果唔係一早知道事情，我應該都會嚇咗一跳。

「電梯最高去到12樓丫嘛，行啦。」我伸手推開閘門，門鉸發出「呀」一聲，回音空空洞洞，完全就係鬼片常用嘅聲效嚟。

突然我感覺到有隻手拉住咗我，「你行慢少少啦....」波利把聲震曬，我就放慢腳步就佢啦，點知個衰妹突然一個轉身兜過咗我，仲一口氣跑上13樓。我見佢跑得咁急，忽然覺得後尾枕有少少涼意....

「喂，等埋！」

我近乎係衝刺咁嘅速度跑上13樓，點知呢度條走廊仲黑過樓下！

波利同我一樣，見到前面近乎伸手不見五指，企咗響樓梯口，梯口隔離就係廁所，一陣陣陰風從裡面不斷吹出嚟....

我哋拿臨嘅電話照住條路，硬住頭皮繼續向前行，終於去到一道好舊嘅木門面前，見到嗰間所謂錄音室嘅招牌....

「你哋搞咩呀，面青青咁嘅？」

嚟開門嘅人叫雷哥，睇落大概五十歲左右，係錄音室嘅負責人，而阿仁同阿嵐兩個原來一早就到咗，幾個人坐響錄音室嘅客廳飲緊嘢。

阿嵐見我哋有ｄ唔妥，拉住波利問發生咩事，而我哋就梗係扮曬冇嘢啦，唔通話人知我哋自己嚇自己咩。

點知....

「你哋兩個梗係遇到嘢啦，不過冇嘢嘅，佢哋唔會搞你，頂多係去廁所時候睇住你屙尿嘅啫。」雷哥聳一聳肩，講到理所當然咁，嚇到我同波利連廁所都唔敢去。

雷哥個錄音室除咗位置偏僻少少之外，其實真係冇嘢可以挑剔。佢帶我哋參觀一下，控制室入面個Panel同一般錄音室冇太大差別，一大一細兩間錄音室可以同步錄音，就算我哋個劇有ｄ場口要同時七、八個人一齊演出都可以處理到。相比阿仁去卡拉OK攞部電話出嚟錄音，呢度簡直就係五星級水準。

參觀完，我哋坐低同雷哥傾套劇嘅細節，講清楚我哋想做到ｄ乜嘢效果，大概個檔期係幾時開始、幾時結束。然後響傾價錢之前，阿仁落曬嘴頭同雷哥講話套劇所有人都係義工性質、無償做嘢（除咗我...），而搞個劇嘅目的只係想有更多人提防網絡騙子。雷哥份人都係講義氣嗰種舊派嘅人，佢一聽到阿仁講到咁正氣凜然，就答應咗俾個友情價我哋幫手錄呢個劇。

「嗱，不過先此聲明，我可以幫你哋錄音，但係我冇時間幫你哋搞後製㗎。你哋自己用電腦剪接，中意玩得幾花巧就你哋自己決定，我只係幫你執好條聲帶，等你哋個劇播出嚟唔會太過失禮咋！」

雷哥最後冇收我哋人工，只係象徵式咁收番錄音室嘅最低消費。有時錄音錄到過曬鐘，佢都冇俾面色我哋睇又或者嗌話要加錢，反而仲俾意見我哋，叫我哋唔好心急返入錄音室試多一個Take。嗰刻我先知道，香港人原來爲咗一件事，真係可以擺低「錢」呢樣嘢，同你仆心仆命唔計較去做好一件事！響嗰刻，我第一次覺得有一班人一齊做一件好憨鳩嘅事，原來係咁開心嘅。

「你笑曬口咁款做咩呀？」波利突然挨過嚟問。

「話我？你自己咪又係忍唔住個開心樣？」我哋兩個對望一眼，最擔心嘅問題終於解決咗。

呢一刻，一直烙印響我腦海入面。到後來套劇出唔到街，塵封響我部電腦入面八年，甚至到所有人都放棄曬，我仲繼續堅持響連登出故寫番件事出嚟，有少少，都係源自對雷哥嘅一份愧疚感.....

自從錄音室嘅事落實咗之後，製作組班人認真咗好多。尤其佢哋第一次行入錄音室嗰瞬間，我睇到所有人嘅眼神都唔同曬。之前，就算約好出嚟對稿，成班都係嘻嘻哈哈玩住讀完就算，但而家，當大家坐響錄音室外面嘅時候，所有人都開始自動自覺攞起份劇本研究自己嘅對白。

我同波利對望咗一眼，冇諗過大家會有咁嘅轉變。爲咗兼顧埋現場嘅指導工作，我乾脆落場錄埋一份，由錄音室入面直接同雷哥溝通。至於演員嘅安排，我就全權交曬俾波利處理。終於，第一集完成啦。雖然效果未係盡善盡美，但聽落總算似模似樣，水準遠遠超過阿仁響卡拉OK用電話錄音嘅版本。

「我覺得今次未夠自然，下次錄音，我要試試講得再賤ｄ。」飾演昭煌嘅Rocky係第一次做戲，未放得開嘅佢不斷重複昭煌嘅對白，一臉尷尬咁露出憨厚嘅笑容，令大家忍唔住狂笑。

「警犬同無人勝兩個扮『高登癲狗』同『爪黃飛電』嘈交可以再盡ｄ就真，你哋兩個太斯文啦！」阿唯呢個當事人完全係樂在其中，索性自己演繹番當年俾人鬧嘅對白。

我攞住份劇本，睇住大家嘅轉變，心入面有種難以言喻嘅感覺。

「冇諗過自己寫嘅劇本會影響到咁多人呢？」波利走埋嚟搭住我膊頭，笑笑口咁望住所有人。

以往，我接嘅工作，都係爲咗滿足客戶需求，寫佢哋想我寫嘅嘢。收咗錢，滿足咗個客，其他嘢，我早就學會放手唔去諗、唔去理。偏偏今次呢個job，就算錢少，我都好似着咗魔咁越踩越深。

「阿仁成日話，連登仔就算平時點踩對方，但有起事上嚟，個個都識得爲件事企出嚟幫手。呢團火，就係我哋香港人嘅特質啦。」

2014年嘅5月，當時呢團香港人嘅火仲未徹底燒起來。我亦只係半信半疑咁做好自己本份，希望做到個劇出嚟唔失禮就算。結果，有幾次，有部份場口唔夠演員，波利臨時上討論區出po問有冇人肯出嚟幫手客串幾句，冇諗過真係有人肯出嚟，年紀最細嗰個只係得中二！

爲咗做到最好，所有人唔介意試多幾個take，有時候放工就直接衝上錄音室，飯都未食由八點錄到凌晨十二點，錄音錄到過曬鐘要補錢就大家攤分番條數，真係做到爲咗個劇、爲咗將昭煌嘅惡行公諸於世完全唔計較得失。

若果認真做一件傻事係會俾人恥笑的話，咁至少同一大班人一齊俾人恥笑，我無怨無悔囉。

Lm

2014年嘅六月，我哋如常錄音搞到半夜十二點。不過呢晚大家好似唔記得聽朝要返工咁，離開錄音室之後，一行十幾人，沿住觀塘興業街走向唯一可以食宵夜嘅地方 —— 麥當勞。

嗰陣麥當勞仲未搬，響The Wave對面半夜都照常營業。我哋成班行入去，原本只係得番小貓三四隻嘅餐廳突然坐到爆曬。飾演米芝蓮嘅如意同幾個製作組成員嗌咗成晚餓，一口氣嗌咗十幾個麥樂雞餐，可憐班職員原本準備收工，結果俾我哋搞到今晚有排執手尾。

「你哋食還食，唔好搞亂晒個地方呀！」波利見我攰到唔想出聲，雖然佢自己都好攰，但都死撐擺出大家姐嘅姿態，嚴肅咁督促住班友唔好玩得太過火。講真，波利一開聲，個個都慣性服從，冇人敢多講半句，所以一轉眼全場都靜番曬。

「波利，辛苦你啦。」阿仁呢個衰仔，明明係搞手，但成晚就坐響阿嵐隔離，而家先終於開口。

咦，咪住。

今晚錄音嘅進度已經講到小倩知道自己俾昭煌呃咗錢同感情，而阿嵐唔單止同小倩一樣係受害者，而且佢今晚仲有份演出.....

「你都幾後知後覺㗎喎。」波利見我呆咗一呆，挨近我耳邊笑住細聲講。

「咁你又唔提我？」

「提你有用咩？你淨係掛住錄音，乜都唔知㗎啦。」

就響我留意緊阿嵐嘅時候，原本乖乖食緊麥樂雞嘅如意突然擰過嚟，一副八卦樣：「係喎，你哋覺得小倩有冇同昭煌扑嘢丫嗱？」

一如所料，阿嵐聽到如意呢句說話立即黑面，我見勢色唔對，立即叉開話題，「鬼知咩，我又唔係匿響佢哋床下底！」

「你點寫劇本㗎，呢ｄ重要劇情嚟㗎喎！」如意一心諗住聽八卦，完全冇留意阿嵐同阿仁嘅反應，一直捉住個話題唔放，搞到我鬼咁尷尬。

最終，願意跳出嚟幫我解圍嘅，係阿唯。

「其實小倩出事之前，已經有人響討論區爆緊昭煌大鑊㗎啦。」

當年，有個絲打，網名叫「柳哥的情人」（簡稱「柳情」），響高登討論區開Po，話佢係昭煌嘅SP，仲成日同昭煌出去爆房。

起初，柳情仲未知道自己係SP嘅身份，根據佢嘅描述，響小倩俾昭煌呃錢之前嘅幾個月，佢就已經「領咗嘢」。嗰日，係星期六嘅下晝，昭煌如常約佢響灣仔嘅時鐘酒店爆房。床戰嘅過程雖然唔算精彩，但昭煌嗰種無微不至嘅關心，同纏綿之後依然抱住佢嘅溫柔態度，正好滿足咗柳情心中一直渴望嘅愛同呵護。

就響佢哋兩個赤裸咁抱住對方，享受緊呢場性愛過後嘅餘溫同氣味之際，昭煌突然開口問咗一句：「ＢＢ呀，你有冇聽過日本九州嘅天幕海灘呀？」

「天幕海灘？」

「聽講嗰度ｄ沙好幼細，好似你ｄ皮膚一樣咁滑。」

昭煌一路講，手指一路調皮咁由柳情嘅香肩滑落到乳房嘅側面，然後一陣酥麻感隋住昭煌嘅手指響佢乳暈上面打轉嘅同時，不斷刺激住佢嘅大腦。

「去日本？但係....」

柳情想話佢請唔到假，但昭煌嘅手指好快就再次將佢攻陷，高潮過後稍微平靜嘅呼吸再次急促起嚟，原本以爲消逝咗嘅快感又一次被喚醒。

「我諗過，不如我哋請幾日假，一齊去日本渡假，日頭就對住個海relax吓，夜晚食完飯，我哋聽住海浪聲，我幫你輕輕按摩.....」

昭煌嘅手指由乳尖輕輕滑到小腹，再繞過柳情嘅小蠻腰，遊走到充滿彈性嘅臀部，彷彿唔捨得俾佢嘅慾火熄滅。

「我響日本嗰邊有地方住，我哋去完海灘，可以一起慢慢行返屋企，一整晚嘅時間得我同你....」

昭煌嘅說話輕輕傳到柳情耳邊，但佢得到嘅回應，就只有陣陣嘅嬌喘聲。

昭煌冇急住滿足柳情，只係不斷響佢耳邊描繪兩個人去日本玩嘅情景。最後，柳情終於答應去日本，昭煌就趁機伸手摸向佢雙腿之間，果然兩條白滑嘅大腿盡頭早就氾濫成災，濕潤嘅入口隨住柳情腰肢扭動不斷吞吐，就好似想將昭煌嘅手指完全吸入去咁。

事到如今，柳情可以話係肉隨砧板，昭煌提起陰莖，一口氣長驅直進頂到子宮深處，嬌喘同呻吟混雜快感嘅呢瞬間，柳情已經失去咗所有思考能力。每一進、每一出，小腹撞上肥臀嘅啪啪聲、愛液響摩擦時發出嘅聲響，呢一切就好似海嘯咁將柳情徹底淹沒。直到高潮臨近，兩個人嘅舌頭依然互相糾纏、互相索取，然後當精液注滿子宮嘅時候，柳情腦中除咗留響昭煌身邊之外，已經容納唔到其他嘅事情。

唔係，不過故入面有提到佢，響後面ｄ嘅劇情

夜半廚神係咪當年既高登女夜鬼

咁多年之後居然見到呢單嘢再出現

呢個故並唔係完全１００％還原當時發生嘅事，我相信過咗１０年，今日再用小說方式寫出嚟，大家應該會仲好有印象，甚至可能知道好多我響訪問同親身經歷都冇遇過嘅嘢

因為呢單嘢都識咗幾個朋友
但估唔到仲會見得返

「小倩點解要咁做？佢自己都係受害者，點解仲要響柳情個po踩多腳？」我同波利聽阿唯講嘅時候，對小倩嘅舉動真係完全𢯎曬頭。

「佢要發泄丫嘛。」阿仁嘅說話當中帶住少少不滿，即使件事已經過咗好多年，但顯然佢對當年小倩嘅處事手法依然係好不滿。

「你可以咁講嘅，」阿唯飲咗啖可樂，有少少似看透世情，帶住少少同情嘅口吻話，「小倩知道自己蠢咗，睇到人哋響討論區踢爆昭煌，所以咪借鬧人嚟鬧自己囉。」

借鬧人嚟鬧自己.....咁高深嘅嘢我真係聽唔明。

波利白我一眼，個樣就好似話緊我唔明女人點諗，「就好似有ｄ人發脾氣會鬧自己死蠢。小倩冇聽身邊朋友嘅勸告，信錯咗昭煌，但結果佢身邊所有人個個都係擔心佢，連一句語氣重少少嘅說話都冇講過。」

所以小倩就兜個圈留言鬧自己唔抵可憐？

咁做，有咩意義？

「結果，小倩呢句說話成全咗佢想俾人鬧嘅結果。而佢就因爲俾人鬧嘅關係，索性響討論區發癲，將所有情緒發泄曬出嚟。」

即係，小倩係故意自爆、故意發癲，發泄佢俾昭煌呃嘅情緒？

「寫得響公海嘅嘢，有幾多係真心丫。留言嘅說話背後有乜動機，其他人根本無法深究。」

吓？我寫得嘅好多都係心嗰句喎.....

波利望咗我一眼，眼神好似望住個....小朋友咁。

我皺一皺眉，唔洗咁對我掛？

「當然，你有權響討論區寫真心話啦，」阿仁嘆一口氣，就好似個過來人咁繼續佢嘅論點，「只不過人哋亦有權認定你嘅真話係假嘅。」

呢刻我終於明白點解「上網勿認真」，原來就算你「認真」，其他人點睇你根本控制唔到。

「你咁講，即係昭煌單嘢冇得搞啦。就算有曬證據攞出嚟對質，條友都可以嘅分身帶風向，東拉西扯搞亂件事，等ｄ人覺得煩就叫人收皮。」

「咁又唔係喎，網絡世界仲有句說話叫『有圖有真相』丫嘛！」阿唯笑一笑，慢慢將部電話推到我面前。

等等，即係話，你都係廣播劇製作組嘅朋友？

當年綜緩新移民林超黃有邊個唔識，不過你呢個post標題唔夠爆唔夠吸引，註定失敗，網劇都係