1911年辛亥革命讀書筆記

就算唔稱帝，好多手段都可以用，例如成日講五族共和，拉一派打一派，唔一定要稱帝，現代國家就係想像的共同體，大家一家人咪唔會有獨立

讀歷史個個都有後見之名，你見到一稱帝就咁樣，你真係覺得當時只有稱帝一條路行？如果想加強偏遠地區影響力，都仲可以用經濟，軍事，政治，外交，大內宣，宗教等等。

再講，一稱帝即係代表前朝政治制度又改變，要人地支持，但又無共同利益，靠民國上位班人又唔會理你，到頭來我都諗唔到有邊個會支持稱帝，除非有絕對武力打贏所有人，包括背後班列強，如果唔係根本係一條死路，到最後真係死埋

十分同意
覺得稱帝可以有權威/叫得郁少數民族之類既野根本講唔通
袁世凱自己可能會咁宣傳既﹐好似中共每一個行動都會講到自己幾咁光明正大﹐但信果個就.....
(我亦唔明白有咩好幫佢解釋﹐而且愈兜愈衰)

文呢

之前睇唐德剛話孫文收到叫佢翻去做民國臨時總統個電報嗰時仲係美國親戚間茶樓度做緊waiter
基本上我覺得梁啟超對佢嘅評價係幾公道（呢度姑勿論梁自己做唔做得到 因為都會有其他人評價翻佢）
孫文既唔係官宦之家出身 又冇兵權唔識打仗 一個番書仔真係就憑意志力同把口可以堅持到搞大大小小幾廿次革命
單論呢一點我絕對係服
睇翻佢思想轉變 一開始嘅訓政好理想但冇實權去實施 所以逼到後來接受布爾維克主義越嚟越傾向集權先 其實都係好常見嘅革命困境（呢啲情況甚至好多動漫 小說都有通俗版）
用而家眼光睇我肯定覺得聯省自治會好過佢硬要北伐 但我係用緊而家嘅情況去睇當時 而當時嘅條件係咪真係可以好好咁實行到聯邦制真係就係歷史上嘅path not taken 只可以自由猜想了
所以評價歷史人物都會好儘量攞翻個balance 一方面儘量用翻當時嘅情形去評價佢當時嘅做法 另一方面都要堅持自己價值觀嘅底線同準則（例如毛魔同老蔣某啲行為絕對係錯）

1.唐德剛單野肯定係流，下流果隻流。乞衣以為皇帝耕田都係用金鋤頭。
詳情放工討論。

2.一日有軍閥同列強，聯省自治都叫係口號。 （每省根本無互信裁軍、憲政既空間。軍人亦唔會自願放棄財權）
係當時語境同依法治港差唔多。

最近發現孫中山有寫《民權初步》呢本書推議事規則，教人有效率開會
巴打講得啱，孫中山覺得中國人係冇能力處理到公眾事務，佢好重視同嘗試啟蒙普通民眾

LM

其實點解法國革命可以比中國成功

真心咩 一開始恐怖統治、之後拿破倫獨裁、波旁復復辟﹐一直搞到1870﹐唔係打輸普法戰爭﹐法國都係帝制
法國當然係強國(佢革命前已經係)﹐但單純由「追求民主」既角度﹐法國既革命似乎都唔太真係話成功