巴打喺一間汽車公司做,負責會計計數。呢排公司準備進軍F1籌備要資金,就一如往常不斷入機計數。過左一段時間巴打就發現今次仆街嘞,原來條數係計歐元嘅,點知佢一時錯手用左港幣。其實用錯單位都冇咩,唔會因為咁爆炸死人嘅;最多都係唔夠錢,要再計返差幾多錢。不過公司就要再科多D水,而佢都有俾人炒嘅心理準備。我諗佢當時都仲心存一絲希望,希望同事冇睇單位,繼續用歐元出數。 不過出到黎真係少左。巴打心諗出得嚟行,預左要還,已經準備定執包袱。果然好快就收到消息,不過炒嘅唔單止係佢,而係成個部門十幾人,連上司嘅上司都俾人炒埋。點解呢? 原來條數唔只係計一年,而係連續幾年,公司個計畫出到黎少左高達 10 億歐元的資金缺口。而事件裡面最無辜嘅係入股左嘅車隊,因為資金缺口,車隊不得不尋求"再融資"以填補資金空缺。 就因為遠在香港嘅巴打一時錯手,車隊隨時毀於一旦。