【英國大選】中國黨媒傳旨：改革黨能為英國帶來嶄新及安穩方向

入唔到主流同唔存在你真係唔識分㗎喎
二戰後可以俾極右發酵到嘅空間跟本大極有限
反而類似你平時貼文內容嘅極左意識形態入侵同佔據公共空間嘅速度好快
你先以為自己唔係極左
你望吓二三十年前左右嘅標準同你自己比較吓先啦

不如話師兄你根本連左右一詞係relative都唔識分
你既左邊可以係人地既右邊
左右其實係講緊你同mainstream差幾遠
所謂既極左同極右，都係唔入mainstream先叫極，入得到mainstream就變咗正常左右

二戰前既極右就係希望將社會mainstream推向「人以類分、優生主義」既方向，如果希特勒打贏咗，將主流思潮變咗呢個方向，自然就變咗唔極端

你以為唔係咁？咁點解法國大革命前無人覺得封建制度有問題？點解貴族出世就係貴族？點解貴族殺平民無問題？

當然歷史無如果，我地亦係以當今價值觀比對緊歷史
你日日叫左膠盛極左盛，其實都正正代表佢地既價值觀，例如「共產主義、絕對平等」既思想根本唔係社會主流

你覺得我係極左，但你其實連我認同咩思想都唔知
單純因為我唔贊同改革黨對移民既睇法，就話人係極左
其實同一時間我亦唔贊同綠黨對移民既睇法
講到底其實咪因為你只願意放自己係右邊，所有係你左邊既人都係極左

當你係當今社會搵到比你仲右既人時，放心，你仲未係極右
但當你指住每一個人都鬧佢極左時，係咪要反思下你將自己放咗係社會既咩位置？

你當你自己第一日上連登咩
無啦啦想瀨話自己淨係講移民政策
你平時發文嘅價值觀係點大家有眼見
讀書又淨係讀左派理論咁就叫做讀咗
讀到法國大革命前分左右咁你都講得出

relative
言下旨意你都自認用50年前嘅標準嚟睇你係極左啦




又喺度自己改定義
唔好玩啦relative
怕畀人標籤做極左班友就自己改定義
然後話原本屬於左派嗰班人係右派
跟住就話人唔跟你套定義就叫做唔識野
野蠻到一個極點
如果極端取代主流就唔係叫做極端呢啲講法你都講得出
咁你都好恐怖下喎
呢啲都唔叫極端叫咩

呢個係事實
你攞成千年前嚟講的話
今時今日既世界無人係右派

唔講relative既話你攞邊一年做定義
攞羅馬人極準做定義
咁係咪要行返奴隸制度先叫有右派？
咁唔通你攞今時今日標準話羅馬人全部都係極右份子？？？

當你全世界都左派時，你仲想分政治光譜自然要咁做
主流思潮係會隨時代改變
一成不變邊到有今時今日既進步

你唔好唔記得你自己都係社會進步既得益者
要奴隸主義出現返先叫有右派的話
你分分鐘都係俾貴族鞭緊果個農奴

我認同比當今社會再左的話我地會陷入共產主義既社會，所以唔可以俾當今極左入主流
但俾當今極右入主流就將文明退回二戰時，你都係俾鬼佬睇唔起既卑微Chin咋

仲話左右之分唔relative都痴撚線
你返古代生活啦，現代唔適合你

幾時開始分左右你都唔識
你讀吓歷史先再出嚟講啦

建議你得閒落街兜個圈
同啲大學生傾下計
成班馬克思個個禮拜行完pro Palestinian遊行完就走去開會你扮睇唔到
你有無走入去同佢地開過會，做閱讀會
我就有
根本班人係好buy五十年前極左果套

邊個話時間嘅進程一定代表價值觀嘅進步？
用過數百年嘅timescale或者係
你睇返歷史用數十年嘅timescale嚟睇呢個觀點根本就唔empirical
如果當年納粹德軍贏咗二戰
你覺得之後嘅日子會係進步？
而因為納粹變咗主流所有其他觀點都叫做極左？
對絕對標準同客觀標準嘅否定嘅危險你有冇考慮過？
而家西方國家社會上大概20%嘅都係認同傳統上視為極左嘅睇法
有系統性咁摧毀自enlightenment以來人類建立返嚟嘅進程

你問我有冇嚴謹審視過我自己嘅政治觀點
我可以好誠實咁答你我有
你又有冇呀？

你仲好意思同我講有無睇歷史
左右最早既定義係嚟自法國
講緊保皇黨係右，自由派係左
最一開始已經同你講緊如果你攞當期時既觀點嚟判定今時今日既社會
咁所有民主共和政府都係極左
依你既論點左右有標準價值觀的話
你依家請即刻發起革命同查理斯講英王要重新掌權
否則呢個國家都係俾極左掌權緊
民主放係200年前根本係極左思想，法國大革命爆法既時候，英國哲學家Samuel Taylor Coleridge甚至評論共和民主係極進思想有違人性（a betrayal of human nature）
仲好意思話有檢視自己睇法

班大學生極左我好撚認同，從來無反對過
我由此至終同你討論既都係極右存唔存，唔洗同我遊花園極左點點點

我更加無講過希特勒贏咗就「進步」
我只係想講如果希特勒贏咗，成功將佢既思潮向全世界推廣
咁今時今日優生學、天選論，呢啲係保皇時期先有既思想就會變咗主流

根本左右會跟隨時代改變，無論極左定極右都想將主流拉向自己
當你發現既右手邊再無其他人時，sor你就係極右

師兄我係你就唔好浪費時間同啲連登右膠嘈成班同撞咗邪咁，只要唔支持極右就話你係左膠話你係愛登力，真心有病

我都係得閒先會應機
佢地想討論我覺得無問題
總會希望有一兩個人睇完啲討論，會重新思考下自己定位

連登嗰風氣本來就偏右，cherrypick啲國際時事黎post嘅通常仲係右膠，來回一兩次已經知道佢哋唔係真心想同人討論啦。班人不停係嗰echo chamber到睇啲post 然後越睇越上腦，覺得錯嘅係呢個社會 係啲主流媒體 係班極左屈佢哋班「正常人」做極右。班人連 中間偏左 中間偏右 都接受唔到，你覺得佢哋識重新思考自己定位？

唔知邊個之前話法國大革命前分左加呢可？
跌咗落地執番一咋沙
又唔讀書

不嬲一開始就係講mainstream 係無空間俾極右入侵
存咩唔存在係你自己畫地嘅議題
根本無人有興趣拗
自己想帶人遊花園
就屈人遊花園

我係話用你個邏輯將左右價值觀亂咁套係咁同時代會有問題
你將法國大革命既左右思想套羅馬時代價值觀會錯晒
你再將同一套放現代都係錯晒
由始至終我論點都係一個，就係左右價值觀無絕對
今日既右派思想可以係以前既左派思想
你無視時代背景，就會出現其實所有民主共和政府都係極左，連改革黨都屬於極左既搞笑情況
我所有立論都圍繞住呢一點

你就淨係「你唔讀書」，你有冇提過任何野支持你左右有絕對既論點？0，你一個論據都無

因為你由始至終都唔承認極右存在
我只係講如果你右手邊一個人都無，咁你就係極右既存在
所有存在既政治實體當中，立場最右既就係極右，最左既就極左
呢個論點有咩問題？我已經講咗好多次，你無得為咩係左咩係右定立客觀標準
因為從一開始，左右就係相對標準
只有咁睇，你先可以為最一個時代既價值觀分左右
否則，法國大革命前既所有思想幾乎都係右，王權沒落後所有思想都係左，你都係左膠咋

左膠真係最鐘意屈人
你出世得太遲

你都係未答我，呢個論點有咩問題
我屈你啲咩？按照你既邏輯，左右有絕對
你又支持民主政體（除非你話唔支持，咁你都係返中國啦）
再按照法國大革命既左右定義，你都係死左膠喎

你唔好掛住自說自話
淨係諗自己個franework
聽清楚對家講咩先啦
listen before you speak

唉咁嘅水平真係無眼睇

又遊花園，你睇下自己講野有冇point
十問九唔應
你唔想討論咪唔好應機
無意思

點名同伴

好簡單，我既立論就係
左右係relative，所以極右永遠都存在
鑑於英國無比Reform更右既政治實體（例如3K當之類），咁Reform咪當今英國政治光譜中既極右

就係咁簡單，建基於呢一點你仲想討論極右入唔入mainstream我絕對歡迎，我認同唔會，因為佢地入咗mainstream就唔再係極右，都係返到我既論點，因為左右係relative

因為佢地入咗mainstream就唔再係極右，都係返到我既論點，因為左右係relative

reform拎到成14%選票點樣叫無入到mainstream

你係咪睇錯左做4%

Mainstream就唔止14%啦
第一二大黨啦
一個國家有15%人係最右邊（極右），15%人係最左邊（極左）
好撚正常喎KKK高峰時期～1925估計有600萬人，係美國人口既7%，而KKK今時今日根本就唔存在

再講有啱啱先有Reform黨員投訴黨內有白人至上主義者同男權主義者
依家未入主流先要同你一齊取暖啫
如果Reform再有多啲支持者，呢班人就會視你既疑歐反移民為中間右，佢地就會變極右

咁既歷史循環不斷都存在
KKK發展既歷史土壤都係嫌棄共和黨唔夠右
茶黨咪又係嫌棄共和黨經濟政策唔夠右

Tldr: Reform再grow up到有足夠支持者執政並實行佢地既理念時，佢地先係mainstream，先唔再係極右

mainstream 唔係講第一二大黨先叫mainstream...
唔怪之得你成日係度講存唔存在...
你搞清楚先
7%同14%係一個order of magnitude difference
同埋人口統計distribution係跟log scale

宜家唔係講緊majority
14%選票無可能唔計進入主流

咁講我覺得我地由一開始就係mainstream既定義上就無共識
有人支持就叫mainstream，咁點解7%唔係mainstream而14%就係，條線點定？你話事？

Mainstream應該係指一個思想有社會majority認同
同佢地比唔認同既人只佔少數先為之main，唔通一個國家有20%人口係某個少數族裔，80%係其他種族，咁個少數族裔都叫main ethic？

再講我有一點講得唔好，唔係入咗mainstream就唔再極右，係入咗mainstream後，自然會比你更右既人出現，令到你唔再坐係成個光譜既最右邊

正如果社會向左走時，民主思想成為mainstream，有比民主更左既共產主義出現，就無人會再話民主係極左啦
如果社會向右走，Reform既孤立主義反移民有廣泛支持成為mainstream，自然黨內就有人唔滿意你只係反移民咁「左」，比reform更右既長槍黨之流就會出現

講到底唔明你點解好似好反感極右呢隻字，按字面解就係「最最右邊既人」，咁你右邊無坐其他人咪就係極右囉
如果你覺得極右=法西斯，所以反感。咪就係落入咗左右係絕對既思考模式，但我上面已經講過，左右係絕對就會陷入民主主義係咪都係極左既矛盾當中

如果有一日有班白人至上主義者指住你Reform支持者話你死左膠既時候，你咪知你唔再係極右囉

都係果句啦
用relative嘅方式定義係amoral
你話人係極右叫人唔好投reform嘅時候
背後帶嘅係正面定負面嘅connotation
心照啦
成班對自己都唔誠實嘅人偏離歷史自己制定對自己有利嘅定義，無客觀標準嘅定義嚟做論述
偏離科學精神之餘甚至可以話係唔道德

純選票計佢第三大黨嚟
仲多表過lib dem
你咁計英國得工黨保守黨係mainstream