傑志主教練張寶春賽後非常興奮,認為奪得亞洲賽資格,代表球會以半職業發展的方針正確,盼望其他球隊仿效,提升香港女足水平:「我哋大約3年前,開始用半職業模式搞女足,依家終於攞到亞洲賽資格,希望將來成個女子聯賽都以呢個形式去搞,如果所有球隊都咁發展,比賽就會好睇好多。」
「張Sir」又期望足總下季對女足賽事的安排有改善空間:「我哋成季聯賽都係踢仿草場,結果為咗搞VAR,就將『足總盃』決賽搬去斧山道踢,令到兩隊都踢唔出水準,有少少本末倒置。」
談到球隊將於8月尾出戰女子亞冠盃外圍賽,「張Sir」稱球隊休息兩星期後就復操,會視乎賽事章程再決定是否增兵:「如果賽制容許我哋註冊新球員踢亞冠外,而球隊又有資源support嘅話,希望可以搵到外援同本地球員加盟,因為前線明顯需要加強,唔可以踢死『煒琪』(張煒琪)一個。」
至於張煒琪就對首次代表球會出戰亞洲賽,深感期待,稱會以平常心看待賽事:「以前可能要代表港隊,先對到其他地方嘅對手,所以大家一定會畀心機踢好佢,回報球會同教練嘅信任,不過我哋都唔會畀太大壓力自己,因為愈緊張反而會影響發揮。」
女子甲組聯賽 傑志反勝車路士封后
https://hk.on.cc/hk/bkn/cnt/sport/20240622/bkn-20240622205242362-0622_00882_001.html