事緣我之前都冇打過Mega班吉拉，係任務攞過100能量咁。所以我好期待今日佢返歸。
見到3點半有Mega蛋係間餐廳出現，就順便食個下午茶，就有得Mega進化班吉拉，正。
開波，計埋我有3個人，OK，應該都可以2 分半內打完，攞到200能量。計時器倒數到零，正式開打。
入咗去一陣，唔對路喎！得返我一個嘅！放棄，個2條友又開咗下一場，今次就最後10秒走人。第3，4，5場，我ready暗示3個人打得過，都一樣走人。
事到如此只可以靠自己。首先，今次我要放棄用6種唔同寵(升47級任)，派出我嘅怪力軍團。加上我今日本身Mega咗黑絲兔(男)，諗住依班40級嘅寵可以一戰。不過我從未有solo Mega嘅經驗，加上咁多年都多年又冇養成避大技嘅習慣，挑戰失敗。
咁我手上有40級雙格富迪，就諗住升幾級Mega佢試吓。入返場，見到其中1條友仲係到！我ready，佢今次有ready! 諗住今次實掂啦，但係個仆街又開波幾秒就走咗。
第2次solo失敗，係我嘅收藏入面，應該得返1個選擇：就係一隻成年前打返黎嘅淨化100力壯雞！佢咁耐都未進化就係因為等爆炸烈焰回歸，而N記又咁仆街唔包限定技係今次御3家活動到。我望住佢，佢望住我，之後再elite啦，別無他法下進咗佢。開技：勇鳥；轉走報恩：焰踢；轉走勇鳥：過熱；再轉：終於真氣彈，依刻我得返1張大技卷係手。一下子升佢上40幾級，Mega 進化！
我知道，依個係最後嘅機會。入到lobby過咗陣，突然有個29級加入！我ready，佢ready，挑戰Mega班吉拉。
最後打剩100秒左右完場，都係唔夠Mega進化，但都算冇浪費張卷。我好感激嗰位29級嘅訓練員，佢後尾要出動到打擊鬼好勝蟹都冇離棄依次打Mega班吉拉嘅機會。而個兩條友，你地仆街死啦！食屎狗！
所以聽日去邊打綠色毛毛蟲好
聽日早d起身plan路線