狗仔臨終

我以前都係無咩諗，以為佢地走我唔會太傷心，估唔到係會崩潰忍唔到。依家淨係另一個15歲仔陪我，希望佢仲有多啲時間留向我身邊陪我拼搏。

我都會成日間唔中對空氣講野希望佢聽到，以前做野辛苦（依家我都有進修），夜晚老婆同小朋友瞓曬，就係兩個仔陪我飲酒或者手做野，無左佢地我會好孤獨，未必捱到

想知自然同打針
係咪都會失禁？

建議就係陪多啲佢 有咩想講同佢講
我之前直接工都辭埋 最後陪到佢2個月x24小時
好滿足

殘忍只需一棍

即使狗狗外表上無顯示明顯嘅痛苦（例如無叫痛），佢地內在可能都會有唔舒服或者有其他苦楚，只是冇氣力表達出嚟。狗狗已經冇生活質素，亦不能進食，其實佢就算唔病死都會餓死。你已經愛錫佢18年，佢已經好幸福。既然遲早都要離開，不如俾佢舒服D走。

我隻貓早一兩個月驗到脷底生腫瘤 嗰時佢一兩個禮拜後急轉直下 最後嗰幾日用針筒餵奶 頭幾日喂佢仲自己痴個頭埋黎食 之後就餵都唔肯食 最後見佢兩日淨係飲左幾啖奶就帶左佢去打針安樂咁走到依家我都未知我地呢個決定啱唔啱 全家一齊送走左去佢喊到仆街

我阿仔自然，有失禁，我幫佢清潔好，再疏埋毛同剪埋指甲先送佢走，最後一舊毛同指單我都留低左放落個合到，依家間唔中會拎黎聞，仲有佢陣味

情永在我搵過 入邊啲staff好好 唔會催你 火化嗰日比時間你陪埋佢最後最後嘅時間 最緊要加少少錢幫佢沖涼嗰啲 最後見返我隻貓仔同平時幾乎一樣樣佢地呢方面我覺得做得好好 執得好好睇睇

好撚慘
我都係兩隻貓前後隔兩個月相繼過身
當時一隻cancer，知道好快會走
同另一隻講，可唔可以陪我耐啲

點知cancer隻貓未走時
另一隻急性心臟病猝死
當時摸到佢身體硬晒時
真係喊到笑左一聲
覺得個天應該好憎我，玩鳩我

喺貓個喪禮到喊著同隻貓講
唉另一隻貓唔捱得好耐
到時你地喺彩虹橋互相照應

兩個月內幫自己兩隻貓搞喪禮
一直都怕再養，真係好傷心
完全明你感受

我面對過6個小朋友畢業，全部喺屋企自然離開

有個都唔食唔飲靠用針筒餵d d，大約一星期左右

個個小朋友走嗰時唔太相同，有個冇乜鬥志突然叫咗一下就byebye了，其中2個比較捱得嘅就彌留左半日不停扯氣唔肯走


多啲摸下陪下佢

樓主加油 知道你心情一定好差

Ching, 要好好珍惜埋最後陪到佢既時光, 我嗰隻都走左7年lu
記得嗰陣養到佢18歲幾, 最後已經老化得好嚴重同好虛弱, 雙眼都白內障睇唔到野, 大小便都失禁, 每日要要清潔同打理, 去到最尾都係瞓全日, 我地輪流陪下佢, 掃下佢, 等佢舒服下, 到最尾係一個朝早就安詳咁離開左

唯一後悔既係嗰陣屋企無乜錢做寵物善終, 宜家睇番覺得少少錢真係會令到主人個心舒服好多, 建議有能力就唔好慳,可以話係好頭好尾

最後如果真係好down 既話ching可以睇套戲叫A dog's purpose. 我諗養過狗既睇都會喊到仆晒街, 但會搵到想要既安慰.

自己屋企人有養開狗
年紀都開始大
睇曬咁多徵兆都陸陸續續出現
其實真係會唔開心但冇辦法
只好珍惜當下，盡量陪伴同帶佢出多啲街

我隻貴婦今年都16
情況同你差唔多
有時病情反反覆覆咁唔舒服
睇完醫生食完藥又冇乜嘢
後腳有啲企唔穩
雖然見佢食得瞓得痾得⋯
但都有心理準備，隨時喺夢中離世⋯⋯

無病無痛咪等佢係屋企行埋佢，有病就安樂。你當自己100歲你仲會想做乜？

SCC（鱗狀細胞癌）係仆街嚟，暫時未有有效醫治方案，貓有呢個病都會好辛苦因食唔到嘢而餓死，我個大仔喺唔夠兩年前患咗scc,折磨咗佢2個幾月，最終忍唔住見佢辛苦落去，call上門獸醫送阿仔上彩虹橋。其實主人落咩嘢決定，之後都會自責的……

巴打我同你個情況一樣
到而家我都仲會覺得call上門獸醫幫佢安樂死嗰一刻同自己親手殺死佢無異直到佢而家走咗半年都走唔番出嚟
唯一嘅安慰就係起碼佢走嗰陣都仲係喺自己屋企同埋有我陪住佢

見有外國獸醫院有擺朱古力係診所比安樂既狗仔臨終前食，佢地覺得狗仔唔可以未試過朱古力咁好味嘅野就去天堂，比你參考下
希望狗狗無痛苦咁畢業

一星期前開始唔飲唔食，臨走嗰兩日清埋腸胃就會走。

另一隻就食完嘢，突然走。

睇完個post
再望下自己隻狗仔
已經眼濕濕

因為父母子女之間唔單純得愛，有同時都會有恨，各種愛恨交織

但同動物之間，後此之間一直都係愛同溫暖