狗仔臨終

講得好真

如果經濟許可 當然一定係上門 邊有寵物鍾意去診所
如果真係唔得 主人都應該都要捉住陪到最後

之前我果隻 痛到慘叫 。最後送左佢去安樂 我喊到Hihi

唔好意思 想問定有冇過來人唔介意分享下邊間寵物善終好
狗狗15歲 近呢年身體明顯差咗 成日幫自己做定心理準備終有一日要面對 但都唔敢搵相關資料住有經歷嘅朋友又唔敢問 驚勾起人啲痛苦回憶

其實我都想問，近兩日都不停睇緊，暫時好似覺得情永在唔錯，今日都有朋友介紹寵物畢業禮，好驚會揀錯

好掛住我隻狗 唔覺唔覺走左成年

有你幫佢選擇 好幸福了

之前有隻17歲貴婦 其實都無乜可以做 珍惜每一天 抱得一日得一日 佢好乖好醒 知道有屋企人去旅行 等到返晒黎先走 一齊送佢 好叻豬

我都相信只有時間可以慢慢減輕個痛 好似樓上講 寵物走可能比人更痛 人可以講低遺言 叫親人唔駛傷心 但寵物就表達唔到好多

大家嘅經歷都同我好似
我隻狗淨返2個禮拜個了陣開始企唔到 全日訓係到 唔肯食野 勉強飲水
到淨係1個禮拜個陣換左款罐頭 突然食得返 又行多左2步路
好左12個鐘之後又變返死氣沈沈 唔飲唔食同口臭愈嚟愈重
過多幾日就走左

都就快一年都仲好唔捨得

個時我重要係外國 返唔到黎送佢走 一生遺憾

睇到呢度忍唔住喊，幻想我兩隻貓到時喺對面等我

口臭可能係好多食物殘餘喺口腔無吞到 唔知係咪真係有迴光返照

佢會知道你愛佢

以前一直好驚或避開呢類post 今日終於要面對 係養寵物好重要嘅一課

我見倒你地寫啲字都唔敢諗自己隻寵物...
應該唔會再養新

睇comment睇到喊左

好明呢種感受 唔識點安慰 或者話呢種痛根本安慰唔到
同親生仔女行先你一步嘅感覺冇分別
但佢會知道你咁多年都好愛佢的 可以有你陪佢走晒成個生命係佢最大嘅幸福 對寵物嚟講咁就夠了

應該係 啲口水流左成日 要放工返嚟先可以幫佢抹
關於迴光返照
網上有說法係 原本個腦發出疼痛信號 警告身體不適要休息回復 但病到盡頭 個腦已經無力function咁多 只能專心維持個腦同心臟運作 所以身體突然又可以行得返

當時經歷緊唔覺 要後尾回想返先感受到

好掛住你啊係個邊生活幾好嘛

絕對明白，每次見到呢類post就會抱下隻狗狗
其實幾多心理準備都好，永遠都唔會ready

生離死別，可能要慶幸佢走先過自己
你知道你哋永遠都愛大家就夠
呢份愛會持續到永遠你哋經歷過既野係永遠都存在

我隻大狗 20歲先走 一直行得走得冇咩大病 不過都預咗佢會老 最後係因為肝病化解唔到食物嘅毒素所以走 走之前個兩個禮拜轉死性 肯食水果同蔬菜 因為想佢等媽咪回國陪佢走最後一程 所以一直冇幫佢安樂 但最後估唔到要佢係診所折磨兩日（我好後悔） 另外隻細狗芝娃娃八歲 大狗走咗之後嗱嗱聲帶佢睇獸醫身體檢查 所有指數都好靚仔 但係睇完醫生之後開始癲癇 （每5分鐘左右就發羊吊 令佢訓唔到個種） 醫生話係心理病 最後大狗走嘅第七日 佢都跟埋去埋彩虹橋 獸醫都唔信有咁啱得咁蹺 我以後都唔敢再養狗 最多有時侯去狗cafe

連登罕有真感人post