狗仔臨終

所以最想佢喺最熟悉嘅環境好舒服咁走

貓17歲真係超班了無憾

係 好老實講 寵物離開果種痛可能大過人 因為佢哋表達唔到太多 而且佢一生係只有你

知道 你阿仔好幸福 17歲好叻 佢而家喺彩虹橋一定玩得好開心

最好安靜安穩咁陪到最後
陪住佢去到最後一啖氣 陪到佢身體變冷
佢哋愛主人只有陪伴最直接

主人湊得好好

知道

我隻17歲拉布拉多仔走左無耐，佢最後半年急速老化得好緊要，仲間唔中有啲小病。到最後嗰日佢係食埋餐飯，等齊人，當我發現佢唔得去抱佢時佢就向我身邊好快咁走左。當時好傷心，容許我衰啲咁講，對我黎講失去左佢我覺得仲慘過死老豆老母。但諗返其實佢好幸福，我好多謝佢陪我走過十七年高低起伏。

前兩日都期望比佢食返多啲嘢會精神返 但用針筒灌落去 佢又好唔想吞 唔想再辛苦佢

舒服走都係一種幸福，仲要係你懷抱中走
100分了

講起呢樣，大家記得無痛無病買定d倒模diy
二三百就一套可以一早幫佢地玩定先
到時臨走先走去做
傷心起上嚟乜錢都比
比人湯到成頸血

想像下都真係覺得陰公

呢個post睇到我喊曬
樓主加油陪住呀女 只要有你陪住佢就會安心
願天下間所有寵物都得到滿滿既愛 唔會痛苦

如果無病無痛就等佢自然走啦 生老病死本來就應該自己經歷
不過點都好 最緊要陪住佢 咁佢就最安心

不過咁講
如果佢地調皮又唔鐘意比人捉住都唔係咁易玩

我都好明都你既感受，我一個四張幾大男人，成世人流眼淚真係五隻手指數得曬，但阿仔走左我都忍唔住喊，送佢走又忍唔到，火化嗰日又係，依家有時見返櫃入面佢條狗帶同埋骨灰合都會忍唔住
原來人同狗既bonding 係最真實，因為無任何利益關係，你失意同落難時佢唔會走，佢只會好努力咁支時仔。但反觀身邊既女人同朋友就未必。

呢個係我諗起佢時唯一感到安慰既地方，好期待到我走嗰刻佢會黎接埋我一齊去彩虹橋

好幸福 有家人陪住

連登係有愛的 每一位嘅訊息都好有用好有愛

好認同 無論出面發生咩事 每日返屋企 佢第一個歡迎你 而且佢係最開心見到你 最重要係你 無任何私心 成日都覺得狗仔貓仔或任何寵物係上天賜比人類最好嘅禮物

我隻狗早排腎病走咗，最後日子食唔到野，不斷飲水同痾尿，知佢差唔多。有一晚叫晒啲朋友上屋企開party 飲飲食食，但大家都知今晚係道別。佢見晒同佢親嘅人後第二晚就走左。
如果佢有啲平時會同佢玩嘅人或狗，帶俾佢見下，等佢了個心事。