狗仔臨終

我嘅玩具貴婦已經18歲，一年前開始有腦退化跡象，但行得食得，身體各方面都不錯。

大約上星期開始無力，跟住唔食唔飲，要用針筒餵食，但都食唔到幾多，近兩日已經全日昏睡，表面無痛無叫，好似瞓得好舒服，但各方面嚟睇都係…我都有心理準備。

今天帶去睇醫生，都話無咩可以做，都咁嘅年紀，抽血檢查可能都意義不大，預期一樣有建議我安樂。

因為表面無乜痛苦，所以都係帶返屋企。我當然最想毛孩喺屋企安然舒服咁畢業，但呢個過程會幾耐？係可以自然舒服咁畢業？無經驗，有無過來人可以比下意見、安慰下

做心理準備
俾啲佢鍾意嘅又易吞嘅嘢
多啲抱住佢

抱歉冇有用嘅經驗可以分享，只可以安慰樓主最後一程好好珍惜相處時光，佢想食咩都俾佢食喇

知道

我之前隻係貴婦女，17歲9個月，我一樣冇幫佢選擇安樂，你選擇帶返屋企係好好，同佢講唔使擔心你，多謝佢帶比你18年嘅快樂😢 加油，好好抱住仲有溫度嘅佢

有人分享下已經好好已經無理，咩都比佢試，但已經去到咩都唔食嘅情況

我都係貴婦女，我想知最後係點自然畢業，過程幾耐，多謝你分享

無痛無辛苦就俾佢自然喇…
多啲摸吓佢，俾佢知身邊有人就得喇

叫屋企人多D返黎
摸多D佢, 記住佢浸味
可能佢想等到全家人係齊到先走

人生遇過最美好既事就係隻狗等到全家人係齊屋企, 係我大脾上面摸下摸下就走左

知道

慶幸工作許可，呢幾日都可以全日陪住佢，一定同阿女行埋最後一段路

真
如果佢辛苦就約上門打針走我就係咁做

樓主加油狗狗18歲已經好叻
你照顧得佢好好

當年我隻poodle同你差唔多年紀
日日訓，無餵口食野，要用尿墊，狂滴尿，屎都無力屙，要幫擠屎出黎，同埋已經企唔到起身

最後果日眼都爆埋，唔知係咪白內障定乜野谷爆左…
即刻帶佢打針送佢最後一程…

打針果程大概5-10秒內佢就走左，全程無叫到
好似訓著左咁，喊到我仆街係咁講對唔住

btw如果已經決定要上門打針走，建議要盡早約
一來好full，二來等寵物都唔洗辛苦咁耐
首先會打支安眠既針，之後先會打過量麻醉藥（好似係）
跟住好番就會88，佢唔會有痛苦既

多謝

明白 都有搵定相關資料 但當然梗係想佢自然咁走

你比左咁多年幸福佢已經好開心
唔會怪你
樓主加油

上兩個月有同樣情況。

你又喺你想見佢耐啲同埋佢受病痛之間作出取捨

多謝

想問最後係點

18歲狗一樣
最後果星期唔食唔飲行唔到
眼睇唔到耳聽唔到
全家人抱住摸住佢
安慰住
當晚就訓住走左
過左十幾年
發夢仲會夢見佢行唔到個樣

睇字都睇到眼濕濕
唔好怪自己 你已經盡咗最大嘅努力比咗最多嘅愛佢 你好好照顧佢佢都一定知道架

記住開心野就夠

我個女同你情況有啲唔同，成日瞓持續好耐，但肯食嘢，一日突然叫，係好似好痛咁叫，帶佢去睇獸醫，冇嘢可以做到，佢提議留院，但我覺得既然冇嘢做到，就帶返屋企，當晩都係叫，哀嗚咁叫，我女友抱住佢瞓，去到半夜情況一樣，之後就同佢講最後嘅說話，佢好似識聽咁，喺我女友懷入面瞓咗，我哋攰到都瞓咗，大約2-3個鐘到朝早，女友就發覺佢冇咗氣，就咁樣走咗😢😢過程好傷心，好刻骨銘心，但最後喺女友懷中走，算係好好🥲